ఇండస్ట్రీకి ఊపిరి.. రోజుకు 5 షోలకు గ్రీన్ సిగ్నల్!

తమిళ సినీ ప్రేక్షకులకు, నిర్మాతలకు సరికొత్త ముఖ్యమంత్రి దళపతి విజయ్ అదిరిపోయే గుడ్ న్యూస్ చెప్పారు. ఇకపై తమిళనాడులో విడుదలయ్యే ప్రతి కొత్త సినిమా మొదటి వారం రోజుకు 5 షోలు ప్రదర్శించుకోవచ్చని సంచలన నిర్ణయం తీసుకున్నారు. ఎలాంటి ముందస్తు ప్రభుత్వ అనుమతులు, కొట్లాటలు లేకుండానే అదనపు షోలు వేసుకోవడానికి గ్రీన్ సిగ్నల్ ఇవ్వడంతో కోలీవుడ్ ఇండస్ట్రీ మొత్తం ఆనందంలో మునిగిపోయింది. ముఖ్యమంత్రి విజయ్ తీసుకున్న ఈ నిర్ణయంపై ప్రశంసలు కురుస్తున్నాయి. ఆ వివరాలు చూద్దాం..

సీఎం విజయ్ సంచలన నిర్ణయం:

సినీ స్టార్ నుంచి తమిళనాడు ముఖ్యమంత్రిగా బాధ్యతలు చేపట్టిన విజయ్, తాజాగా జరిగిన క్యాబినెట్ సమావేశంలో ఇండస్ట్రీకి ఊరటనిచ్చేలా ఈ కీలక నిర్ణయాన్ని తీసుకున్నారు. ఇక సినిమా ఇండస్ట్రీ ఎదుర్కొంటున్న ప్రధాన సమస్యలను పరిష్కరించే దిశగా ఆయన వేసిన మొదటి అడుగు ఇది.

మునుపటి కష్టాలకు చెక్:

ఇప్పటివరకు తమిళనాడులో ఏదైనా పెద్ద సినిమా రిలీజ్ అయితే, అదనపు షోలు లేదా స్పెషల్ షోలు వేసుకోవడానికి ప్రభుత్వ అనుమతి తప్పనిసరిగా ఉండేది. ఇక దీనికోసం నిర్మాతలు, డిస్ట్రిబ్యూటర్లు ఎన్నో రోజుల ముందే ప్రభుత్వానికి, అధికారులకు అర్జీలు పెట్టుకుని వేచి చూడాల్సి వచ్చేది. ఇక కొన్నిసార్లు అనుమతులు రాక థియేటర్ల యజమానులు భారీగా నష్టపోయేవారు.

ఇకపై నేరుగా నిర్ణయం:

కొత్త రూల్ ప్రకారం.. సినిమా విడుదలైన మొదటి వారం ఎలాంటి ప్రభుత్వ పర్మిషన్లు లేకుండానే ఐదు షోలు వేసుకోవచ్చు. ఇక థియేటర్ల యజమానులు, నిర్మాతలు, డిస్ట్రిబ్యూటర్లు ఒక అండర్‌స్టాండింగ్‌కు వచ్చి నేరుగా అదనపు షోలను ప్లాన్ చేసుకోవచ్చని సీఎం విజయ్ స్పష్టం చేశారు.

కలెక్షన్ల వర్షం కురవడం ఖాయం:

ఈ నిర్ణయం వల్ల మొదటి వారంలోనే సినిమాలకు భారీ ఓపెనింగ్స్ వచ్చే అవకాశం ఉంది. ముఖ్యంగా పెద్ద హీరోల సినిమాలకు టికెట్ల డిమాండ్ ఎక్కువగా ఉంటుంది కాబట్టి, 5 షోల వల్ల బ్లాక్ టికెట్ల దందాకు అడ్డుకట్ట పడటమే కాకుండా కలెక్షన్లు కూడా రికార్డు స్థాయిలో వస్తాయని ట్రేడ్ వర్గాలు విశ్లేషిస్తున్నాయి.

కళాకారుడిగా సినిమా కష్టాలు తెలిసిన వ్యక్తి కాబట్టే, సీఎం విజయ్ పగ్గాలు చేపట్టగానే ఇండస్ట్రీకి పెద్ద ఊరటనిచ్చారని తమిళ చిత్రసీమ హర్షం వ్యక్తం చేస్తోంది. ఇక ఈ పవర్‌ఫుల్ డెసిషన్‌తో తమిళనాడు బాక్సాఫీస్ వద్ద ఇకపై కొత్త సినిమాల జోరు మరింత పెరగడం ఖాయంగా కనిపిస్తోంది.