MSG: 25 రోజుల బాక్సాఫీస్.. OTT రిలీజ్ కూడా ఫిక్స్
అనిల్ రావిపూడి దర్శకత్వంలో వచ్చిన ఈ సినిమా అన్ని వర్గాల ప్రేక్షకులను ఆకట్టుకోవడంతో ట్రేడ్ పరంగా మంచి లాభాలను తెచ్చిపెట్టింది.;
సంక్రాంతి రేసులో నిలిచిన 'మన శంకర వరప్రసాద్ గారు' MSG బాక్సాఫీస్ దగ్గర తన రన్ కొనసాగిస్తోంది. అనిల్ రావిపూడి దర్శకత్వంలో వచ్చిన ఈ సినిమా అన్ని వర్గాల ప్రేక్షకులను ఆకట్టుకోవడంతో ట్రేడ్ పరంగా మంచి లాభాలను తెచ్చిపెట్టింది. విడుదలైన మొదటి వారం నుండే స్టడీ కలెక్షన్లు రాబట్టిన ఈ మూవీ, రీజనల్ లెవల్లో ఒక భారీ సక్సెస్ గా నిలిచింది.
ఈ సినిమా లాంగ్ రన్ లో సాధించిన వసూళ్లపై మేకర్స్ ఒక అఫీషియల్ పోస్టర్ వదిలారు. దీని ప్రకారం.. 25 రోజుల్లో ప్రపంచవ్యాప్తంగా 375 కోట్ల గ్రాస్ వసూళ్లు సాధించినట్లు చిత్ర బృందం పేర్కొంది. సంక్రాంతి సీజన్ లో విడుదలైన ఇతర సినిమాలతో పోలిస్తే MSG వసూళ్ల పరంగా ముందంజలో ఉంది. డిస్ట్రిబ్యూటర్లకు కూడా ఈ సినిమా మంచి ప్రాఫిట్స్ అందించినట్లు పోస్టర్ ద్వారా తెలుస్తోంది.
సినిమా థియేటర్ల రన్ ముగుస్తున్న తరుణంలో ఇప్పుడు డిజిటల్ రిలీజ్ కు లైన్ క్లియర్ అయ్యింది. వచ్చే వారం ఫిబ్రవరి 11 నుండి ZEE5 లో ఈ సినిమా స్ట్రీమింగ్ కాబోతోంది. తెలుగుతో పాటు మొత్తం ఏడు భాషల్లో సినిమాను అందుబాటులోకి తీసుకువస్తున్నారు. థియేటర్లలో చూడని వారికి లేదా రిపీట్ ఆడియన్స్ కి ఇది ఒక ఆప్షన్ గా మారనుంది. ఓటీటీలో కూడా ఈ ఎంటర్ టైనర్ కు మంచి రెస్పాన్స్ వచ్చే అవకాశం ఉంది.
నయనతార హీరోయిన్ గా నటించిన ఈ సినిమాలో వెంకటేష్ ఒక ముఖ్యమైన పాత్రలో కనిపించారు. సచిన్ ఖేడేకర్, హర్షవర్ధన్, అభినవ్ గోమఠం వంటి వారు ఇతర పాత్రల్లో నటించగా, భీమ్స్ సిసిరోలియో మ్యూజిక్ అందించారు. షైన్ స్క్రీన్స్, గోల్డ్ బాక్స్ ఎంటర్ టైన్మెంట్ బ్యానర్లపై సాహు గారపాటి, సుస్మిత కొణిదెల ఈ చిత్రాన్ని నిర్మించారు. కమర్షియల్ ఎలిమెంట్స్ తో పాటు ఫన్ కి ఇంపార్టెన్స్ ఇవ్వడం సినిమాకు ప్లస్ అయ్యింది.
375 కోట్ల మార్క్ దాటడం ద్వారా MSG సినిమా బాక్సాఫీస్ వద్ద ఒక బలమైన ముగింపును అందుకుంది. సంక్రాంతి విన్నర్ గా నిలవడమే కాకుండా, చిరంజీవి కెరీర్ లో ఒక కీలకమైన కమర్షియల్ సక్సెస్ గా నిలిచింది. ఇక థియేటర్ల సందడి తగ్గుతున్న తరుణంలో అందరి దృష్టి ఫిబ్రవరి 11న ఓటీటీ రిలీజ్ మీదనే ఉంది. అక్కడ ఈ సినిమా ఎలాంటి రికార్డులు క్రియేట్ చేస్తుందో చూడాలి.
ఇక నెక్స్ట్ మెగాస్టార్ నుంచి విశ్వంభర సినిమా రానుంది. గత ఏడాది సంక్రాంతికి రావాల్సిన ఈ సినిమా గ్రాఫిక్స్ పనుల ఆలస్యం కారణంగా వాయిదా పడింది. ఈ ఏడాది జూన్ లో విడుదల కానున్నట్లు తెలుస్తోంది. బాబీ దర్శకత్వంలో కూడా మెగాస్టార్ మరో సినిమా చేయనున్నారు. ఈ ప్రాజెక్టు గ్యాంగ్ స్టర్ డ్రామాగా ప్రేక్షకుల ముందుకు రానుంది.