స్టార్ హీరోయిన్ ఆసిన్కు ఇంత టాలెంట్ ఉందా?.. సోషల్ మీడియా షాక్!
సాధారణంగా హీరోయిన్లు యాక్టింగ్, డ్యాన్స్ లేదా గ్లామర్తో గుర్తింపు తెచ్చుకుంటారు. కానీ ఆసిన్ మాత్రం భాషలపై ఉన్న పట్టుతో ప్రత్యేక గుర్తింపు సంపాదించుకున్నారు.
దక్షిణాది సినీ ఇండస్ట్రీలో ఒకప్పుడు స్టార్ హీరోయిన్గా వెలుగొందిన అసిన్ గురించి ప్రేక్షకులకు తెలిసిన విషయాలు చాలానే ఉన్నాయి. కానీ ఆమెకు ఉన్న మరో అరుదైన టాలెంట్ ఇప్పుడు సోషల్ మీడియాలో కొత్తగా వైరల్ అవుతోంది. సాధారణంగా హీరోయిన్లు యాక్టింగ్, డ్యాన్స్ లేదా గ్లామర్తో గుర్తింపు తెచ్చుకుంటారు. కానీ ఆసిన్ మాత్రం భాషలపై ఉన్న పట్టుతో ప్రత్యేక గుర్తింపు సంపాదించుకున్నారు.
ప్రస్తుతం నెట్టింట వైరల్ అవుతున్న సమాచారం ప్రకారం ఆమెకు 10కి పైగా భాషల్లో మాట్లాడే సామర్థ్యం ఉందట. ఇందులో మలయాళం, తమిళం, తెలుగు, హిందీ, ఇంగ్లీష్ మాత్రమే కాదు, సంస్కృతం, ఫ్రెంచ్ వంటి భాషల్లో కూడా ఆమెకు మంచి పట్టు ఉందని తెలుస్తోంది. అంతేకాదు ఇటాలియన్, జర్మన్, మరాఠీ భాషలను కూడా బేసిక్ స్థాయిలో మాట్లాడగలదట. ఈ విషయం తెలిసిన తర్వాత అభిమానులు ఆసిన్ను రీల్ లైఫ్ హీరోయిన్ మాత్రమే కాదు.. రియల్ లైఫ్ స్కాలర్ అంటూ ప్రశంసిస్తున్నారు.
కేరళకు చెందిన ఆసిన్ చిన్నప్పటి నుంచే భాషలపై ఆసక్తి పెంచుకున్నారట. చదువులోనే కాకుండా కొత్త సంస్కృతులు, కొత్త ప్రాంతాలు తెలుసుకోవాలనే తపన ఆమెను భాషల వైపు మరింత ఆకర్షించిందని తెలుస్తోంది. గతంలో ఒక ఇంటర్వ్యూలో ఆసిన్ మాట్లాడుతూ తనకు కొత్త భాషలు, కొత్త సంస్కృతులు నేర్చుకోవడం అంటే చాలా ఇష్టమని, అదే కారణంగా తాను భారతదేశంలోని వేర్వేరు ఇండస్ట్రీల్లో సులభంగా పని చేయగలిగానని చెప్పిన మాటలు ఇప్పుడు మరోసారి వైరల్ అవుతున్నాయి. నిజంగానే ఆమె కెరీర్ను పరిశీలిస్తే ఆ మాటల్లో నిజం కనిపిస్తుంది.
మలయాళంలో ప్రారంభమైన ఆసిన్ ప్రయాణం తర్వాత తమిళంలో భారీ విజయాలు సాధించారు. అక్కడి నుంచి తెలుగు ఇండస్ట్రీలో స్టార్ హీరోల సరసన నటించి వరుస హిట్లు అందుకున్నారు. అనంతరం బాలీవుడ్లోకి వెళ్లి అక్కడ కూడా తనకంటూ ప్రత్యేక స్థానం సంపాదించుకున్నారు. భాష తెలియని ప్రాంతాల్లో కూడా తన డబ్బింగ్, డైలాగ్ డెలివరీతో ఆకట్టుకోవడం వెనుక ఈ లాంగ్వేజ్ స్కిల్స్ కీలక పాత్ర పోషించాయని సినీ వర్గాలు చెబుతున్నాయి.
ప్రస్తుతం సోషల్ మీడియాలో ఆసిన్పై వస్తున్న ఈ డిస్కషన్ మరో ఆసక్తికరమైన అంశాన్ని గుర్తు చేస్తోంది. సినీ రంగంలో పాన్ ఇండియా ట్రెండ్ పెరిగిన ఈ సమయంలో భాషలపై పట్టున్న నటీనటులకు ప్రత్యేకమైన డిమాండ్ ఏర్పడుతోంది. ఒకే సినిమా అనేక భాషల్లో విడుదల అవుతున్న తరుణంలో నటులు స్థానిక భాషను అర్థం చేసుకుని మాట్లాడగలగడం పెద్ద ప్లస్గా మారింది. ఈ విషయంలో ఆసిన్ చాలా ముందే ఆలోచించారనే అభిప్రాయం వ్యక్తమవుతోంది. ముఖ్యంగా తెలుగు, తమిళం, మలయాళం, హిందీ వంటి భాషల్లో సహజంగా మాట్లాడగలగడం ఆమెకు ప్రేక్షకులతో త్వరగా కనెక్ట్ అయ్యే అవకాశం ఇచ్చిందని విశ్లేషకులు అంటున్నారు. ప్రస్తుతం సినిమాలకు దూరంగా ఉన్నప్పటికీ ఆసిన్కు ఉన్న ఈ ప్రత్యేకమైన లాంగ్వేజ్ టాలెంట్ మరోసారి ఆమెను వార్తల్లో నిలబెట్టింది. ఇక ఫ్యాన్స్ మాత్రం ఇంత టాలెంట్ ఉన్న హీరోయిన్ మళ్లీ సినిమాల్లోకి వస్తే బాగుంటుందంటూ సోషల్ మీడియా లో కామెంట్లు చేస్తున్నారు.