విజయ్ తమిళ సినిమాకు డైరెక్టర్.. హీరోయిన్ వీరే?

తమిళ మార్కెట్ పై పట్టు సాధించేందుకు మన తెలుగు హీరోలు కొందరు ఈమధ్య గట్టిగా ప్రయత్నాలు చేస్తున్నారు కానీ ఆ ప్రయత్నాలలో ఒక్కరూ సక్సెస్ కాలేదు. కానీ రౌడీ హీరో విజయ్ దేవరకొండకు లక్కీగా 'అర్జున్ రెడ్డి'.. 'గీతగోవిందం' లాంటి స్ట్రెయిట్ సినిమాలతోనే తమిళ యూత్ లో మంచి ఫాలోయింగ్ వచ్చింది.  అక్కడ బేస్ ను పదిలపరుచుకునేందుకు తమిళ - తెలుగు బైలింగువల్ చిత్రం 'నోటా' లో కూడా నటించాడు.  కానీ ఆ సినిమా ఫ్లాప్ అయింది.  అదేమీ పట్టించుకోకుండా తమిళంలో మరో సినిమాకు రెడీ అవుతున్నాడని ఇప్పటికే వార్తలు వచ్చాయి.  

ఆ ప్రాజెక్టు గురించి తాజాగా మరికొన్ని వివరాలు బయటకు వచ్చాయి.  నేషనల్ అవార్డు సాధించిన 'కాకాముట్టై' సినిమాకు రచయితగా పనిచేసిన ఆనంద్ అన్నామలై ఈ సినిమాతో దర్శకుడిగా పరిచయం అవుతాడట.  ఈ సినిమాలో హీరోయిన్ గా మాళవిక మోహనన్ నటిస్తుందట.   మహేష్ బాబు 'మహర్షి' కి సినిమాటోగ్రాఫర్ గా పనిచేస్తున్న మోహనన్ కూతురే ఈ మాళవిక.  రీసెంట్ గా రజనీకాంత్ సినిమా 'పెట్టా' లో రజనీ చెల్లెలి పాత్రలో నటించింది.

ఈ సినిమాను డ్రీమ్ వారియర్ పిక్చర్స్ బ్యానర్ పై హీరో సూర్య కజిన్ ఎస్ ఆర్ ప్రభు  నిర్మిస్తారని సమాచారం. ఈ ఏడాది జూలై తర్వాతే ఈ సినిమా సెట్స్ పైకి వెళ్ళే అవకాశం ఉందట.   త్వరలోనే ఈ సినిమా అధికారిక ప్రకటన వచ్చే అవకాశం ఉందని అంటున్నారు.   మరి ఈ సినిమాతో విజయ్ తమిళ ప్రేక్షకులను క్లీన్ బౌల్డ్ చేస్తాడేమో వేచి చూడాలి.