'వడి వడిగా' సాంగ్: 'ఇందువదన' నుంచి లవ్లీ మెలోడీ..!

వరుణ్ సందేష్ - ఫర్నాజ్ శెట్టి హీరోహీరోయిన్లుగా నటిస్తున్న తాజా చిత్రం ''ఇందువదన''. MSR ఈ చిత్రానికి దర్శకత్వం వహిస్తున్నారు. బాలాజీ పిక్చర్స్ బ్యానర్‌ పై మాధవి ఆదుర్తి నిర్మిస్తున్నారు. ఇప్పటికే విడుదలైన వ‌రుణ్ పోషిస్తున్న వాసు పాత్ర‌కి లుక్.. అలానే ఫ‌ర్నాజ్ శెట్టి ఇందు పాత్రకి సంబంధించిన లుక్ అనూహ్య స్పందన తెచ్చుకున్నాయి. ఈ నేపథ్యంలో తాజాగా ఈ సినిమా నుంచి 'వడి వడిగా' అనే సాంగ్ లిరికల్ వీడియోని చిత్ర యూనిట్ రిలీజ్ చేశారు.

'వడి వడిగా సుడిగాలిలా వచ్చి.. గుచ్చి గుచ్చి చూస్తావు భలే భలేగా.. సరసర రావే సరాసరి సునామీలా.. చుట్టేసావు హడావుడిగా' అంటూ సాగిన ఈ లవ్లీ మెలోడీ సాంగ్ శ్రోతలను అలరిస్తోంది. మ్యూజిక్ డైరెక్టర్ శివ కాకాని దీనికి మంచి ట్యూన్ సమకూర్చారు. తిరుపతి జావన క్యాచీ లిరిక్స్ అందించగా.. సింగర్స్ జావిద్ అలీ - మాళవిక ఆలపించారు. అందమైన లొకేషన్స్ లో తీసిన ఈ పాటలో వరుణ్ సందేశ్ - ఫ‌ర్నాజ్ స్టెప్స్ ఆకట్టుకుంటున్నాయి. దీనికి ఆట సందీప్ కొరియోగ్రఫీ చేశారు.

''ఇందువదన'' చిత్రానికి కథ, మాటలు సతీష్ ఆకేటీ అందించారు. బి. మురళీకృష్ణ సినిమాటోగ్రఫీ అందిస్తుండగా.. సీనియర్ ఎడిటర్ కోటగిరి వెంకటేశ్వరరావు ఎడిటింగ్ బాధ్య‌త‌లు నిర్వర్తిస్తున్నారు. ఈ చిత్రంలో రఘు బాబు - అలీ - నాగినీడు - సురేఖ వాణి - ధనరాజ్ - తాగుబోతు రమేష్ - మహేష్ విట్ట - పార్వతీషం - వంశీ కృష్ణ ఆకేటి - దువ్వాసి మోహన్ - జ్యోతి - కృతిక - అంబఋషి - ‘జెర్సీ’ మోహన్ తదితరులు నటిస్తున్నారు. ఇప్పటికే షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడ‌క్ష‌న్ కార్య‌క్ర‌మాలు జరుపుకుంటోంది.