పుష్ప 3 ఉంటుంది.. కానీ ట్విస్ట్ ఏంటంటే..!

ఆర్య, ఆర్య 2 సినిమాలు చేసిన సుకుమార్, అల్లు అర్జున్ కాంబో హ్యాట్రిక్ సినిమా పుష్ప అంటూ సరికొత్త సంచలనాన్ని సృష్టించారు. ఏదో పాన్ ఇండియా మోజులో హిందీ రిలీజ్ కూడా చేస్తే మన వాళ్ల కన్నా అక్కడ ఆడియన్స్ కి ఈ సినిమా బాగా ఎక్కేసింది. పుష్ప రాజ్ యాటిట్యూడ్ కి బీ టౌన్ ఆడియన్స్ ఫిదా అయ్యారు. అందుకే సినిమాకు అక్కడ 100 కోట్ల పైన కలక్షన్స్ వచ్చేలా చేశారు.

పుష్ప రాజ్ ఊర మాస్ యాటిట్యూడ్ పుష్ప 1 ని ఆ రేంజ్ హిట్ అయ్యేలా చేసింది. అసలైతే ఈ కథని ఒక సినిమాగా తీయాలనుకున్నారు సుకుమార్ కానీ రష్ ఎక్కువ రావడం వల్ల మధ్యలో రెండు పార్ట్ లుగా నిర్ణయించారు.

పుష్ప 1 సెన్సేషనల్ హిట్ అవడంతో పుష్ప 2 పై తారాస్థాయి అంచనాలు ఏర్పడ్డాయి. వాటికి తగినట్టుగానే సుకుమార్ సినిమా తీస్తున్నాడని తెలుస్తుంది. ఇక సడెన్ గా పుష్ప 1, 2 నే కాదు పుష్ప 3 కథ కూడా ఆలోచన చేస్తున్నారట సుకుమార్.

పుష్ప 1 లో ఒక సాధారణ కూలీ స్మగ్లర్ గా ఎలా ఎదిగాడు అన్నది చూపించాడు. ఇక సెకండ్ పార్ట్ లో అతని రూలింగ్ తో పాటుగా అతని డౌన్ ని చూపిస్తారట. ఇక పార్ట్ 2 చివర్లో పార్ట్ 3 కి సంబంధించిన క్లూ వదిలి ముగిస్తారట.

పుష్ప 3 కూడా కచ్చితంగా ఉంటుందని అంటున్నారు. అయితే పుష్ప 3కి మాత్రం ఐదేళ్లు టైం తీసుకోవాలని సుకుమార్ ప్లాన్ చేస్తున్నారట. పుష్ప 1, 2 వెంట వెంటనే తీసినా పార్ట్ 3కి మాత్రం కనీసం నాలుగైదు ఏళ్లు గ్యాప్ తీసుకోవాలని ఫిక్స్ అయ్యారు. ఈలోగా సుకుమార్ మరో రెండు సినిమాలు పూర్తి చేయాలని కమిట్మెంట్ పెట్టుకున్నారు. అల్లు అర్జున్ కూడా పుష్ప 2 తర్వాత రెండు సినిమాలు చేసి మళ్లీ సుకుమార్ తో పుష్ప 3కి రెడీ అవుతాడట.  

పుష 2 కూడా ఊహించిన విధంగా అంచనాలను అందుకుంటే గ్యాప్ లేకుండా పుష్ప 3 చేసినా చేసేస్తారు. అయితే పుష్ప 2 ఎంత పెద్ద హిట్ అయినా పార్ట్ 3కి గ్యాప్ తీసుకోవడం మంచిదని అంటున్నారు సినీ విశ్లేషకులు. అసలు పుష్ప 3 ఉంటుందా.. సుకుమార్ దాన్ని ఎలా ప్లాన్ చేస్తున్నారు అన్నది ఆయన మాటల్లోనే వినాల్సి ఉంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.