SSMB 28: ఇద్దరికి పెద్ద సినిమానే!

అల..వైకుంఠపురములో.. సినిమాతో ఇండస్ట్రీ హిట్ కొట్టిన మాటల మాంత్రికుడు త్రివిక్రమ్ శ్రీనివాస్ ఆ తర్వాత తన తదుపరి సినిమాను స్టార్ట్ చేయడానికి మాత్రం చాలా ఎక్కువ సమయం తీసుకున్నాడు. ఒక విధంగా మహేష్ కారణంగానే ఈ ప్రాజెక్టు కొంత ఆలస్యమైంది.

ఎందుకంటే మహేష్ ఈ సినిమా స్క్రిప్ట్ పై పూర్తిస్థాయిలో నమ్మకం గా అనిపించే వరకు కూడా గ్రీన్ సిగ్నల్ ఇవ్వలేకపోయారు. ఇక మహేష్ సందేహాలన్నిటికీ కూడా త్రివిక్రమ్ ఎంతో ఓపికతో సమాధానాలు చెబుతూ ఫైనల్స్ స్క్రిప్ సిద్ధం చేసి గ్రీన్ సిగ్నల్ అందుకున్నాడు.

ఇక మొత్తానికి ఈ సినిమా రెగ్యులర్ షూటింగ్ అయితే మరికొన్ని రోజుల్లో మొదలు కాబోతోంది. సినిమా షూటింగ్ ను వీలైనంత త్వరగా పూర్తిచేసి వచ్చే ఏడాది ఏప్రిల్ 28వ తేదీన ఎస్ఎస్ఎంబి 28 సినిమాను విడుదల చేయాలని అనుకుంటున్నారు.

ఇక ఈ ప్రాజెక్టుకు సంబంధించిన బడ్జెట్ విషయాలపై కూడా ప్రస్తుతం అనేక రకాల కామెంట్స్ అయితే వైరల్ అవుతున్నాయి. ఇన్ సైడ్ టాక్  ప్రకారమైతే ఈ సినిమా బడ్జెట్ మహేష్ బాబు కెరీర్ లోనే కాకుండా త్రివిక్రమ్ కెరీర్ లో కూడా చాలా ఎక్కువ అని తెలుస్తోంది.

ఇప్పటివరకు ఈ స్థాయి బడ్జెట్లో ఈ ఇద్దరు కూడా సినిమాలు చేసింది లేదు. అతడు, ఖలేజా సినిమాల తర్వాత వస్తున్న సినిమా కాబట్టి ఈ కాంబో పై అంచనాలు అయితే హై రేంజ్ లోనే ఉంటాయి. ఇక హారిక హాసిని సంస్థకు కూడా ఇది బిగ్గెస్ట్ మూవీ. దాదాపు 200 కోట్ల వరకు ఖర్చు చేయడానికి సిద్ధమైనట్లు సమాచారం. రెమ్యునరేషన్స్ తో మొత్తంగా కలుపుకొని ఈ స్థాయిలో బడ్జెట్ అయినట్లు సమాచారం.

ఈ సినిమాను హారిక హాసినితో పాటు త్రివిక్రమ్ కూడా మరొక భాగస్వామి గా అయితే ఉన్నాడు. లాభాల్లో ఆయన వాటా అందుకోబోతున్నాడు. ఇక మహేష్ మాత్రం ఈ సినిమాకు కేవలం రెమ్యునరేషన్ మాత్రమే అందుకుంటాడు. ఇంతకుముందు అంటే  లాభాలు కూడా వచ్చే విధంగా తన GMB ప్రొడక్షన్ ను అనుసంధానం చేసిన మహేష్ SSMB28 కి మాత్రం అలా చేయడం లేదు. ఎందుకంటే ఆ తరహా ప్లానింగ్ కు త్రివిక్రమ్ ఒప్పుకోలేదని తెలుస్తోంది. మరి ఈ సినిమా బాక్స్ ఆఫీస్ వద్ద ఎలాంటి కలెక్షన్స్ సాధిస్తుందో చూడాలి.