'బిగ్ బాస్-5' వారితో మరింత గ్లామరస్ గా మారనుందా..??

తెలుగు బుల్లితెరపై బిగ్ బాస్ రియాలిటీ షో అంటే మాములు క్రేజ్ లేదు. మొత్తం రెండు తెలుగు రాష్ట్రాలలో బిగ్ బాస్ క్రమం తప్పకుండా వీక్షించేవారు మిలియన్స్ సంఖ్యలో ఉన్నారు. అంతేగాక బిగ్ బాస్ వీక్లీ ఓసారి రిపీట్ చేసుకొని చూసేవారి సంఖ్య కూడా బాగానే ఉంది. వీరందరిని పక్కన పెడితే మరో రకం ఉంటారు.. షో చూడకపోయినా వీక్లీ ఎవరు ఎలిమినేట్ అయ్యారని కనుక్కుంటూ ఉంటారు. అలా కూడా ఉన్నారా అనే సందేహం కలగొచ్చు.. కానీ ఆ కోవకు చెందిన లిస్ట్ కూడా పెద్దదే. వారికి చూసే సమయం లేకనో.. లేదా పనిలో నిమగ్నమై ఉండటం.. లాంటివి ఎవరి కారణాలు వాళ్ళకి ఉంటాయి కదా! అయితే త్వరలోనే బిగ్ బాస్ గ్రాండ్ గా ప్రారంభం కానుందని ఇటీవలే స్టార్ మా యాజమాన్యం తెలిపిన సంగతి తెలిసిందే.

అయితే ఈ బిగ్ బాస్ మొదలైనప్పటి నుండి నాలుగు సీజన్లను కాదనుకుండా సక్సెస్ చేస్తూ వచ్చారు ప్రేక్షకులు. మొదటి సీజన్ ఎన్టీఆర్ హోస్టింగ్ చేయగా.. రెండవ సీజన్ నాని హోస్ట్ చేసాడు. తర్వాత నుండి వరుసగా కింగ్ నాగార్జున హోస్టింగ్ చేస్తున్నాడు. ఇప్పుడు ఐదవ సీజన్ కూడా ఆయనే హోస్ట్. ఐతే బిగ్ బాస్ 5 కోసం జనాలు ఎప్పటినుందో ఎదురు చూస్తున్నారు. కరోనా రావడంతో అన్నీటి టైమింగ్స్ మారిపోయాయి. బిగ్ బాస్ అభిమానులలో కంటెస్టెంట్స్ ఎవరనేది ఆసక్తి మొదలైంది. ఫ్యాన్స్ అంచనాలు రెట్టింపు చేస్తూ బిగ్ బాస్ యాజమాన్యం.. ఈసారి ఇద్దరు పేరున్న హీరోలను ముగ్గురు గ్లామరస్ హీరోయిన్లను తీసుకొస్తాం అని ఊరించారు. ఐదవ సీజన్ జులై నుండి మొదలయ్యే అవకాశం ఉందట. ఈసారి యూట్యూబ్ స్టార్స్ అలాగే ఇంస్టాగ్రామ్ స్టార్స్ కూడా వస్తారనే అంచనాలు నెలకొన్నాయి. చూడాలి మరి బిగ్ బాస్ యాజమాన్యం ఎలాంటి ప్రణాళిక చేస్తుందో!