RDX ఎఫెక్ట్.. డేంజర్ జోన్ లో RX పాప!

ఇండస్ట్రీ లో ఒక్క హిట్ తగిలితే చాలు లైఫ్ సెట్ అయిపోతుంది అనుకుంటారు చాలామంది.  కానీ అన్నిసార్లు అందరికీ అలా జరగదు.  సూపర్ హిట్ దక్కిన తర్వాత కష్టాలు ఎక్కువవుతాయి.  ఆ హిట్ నిలబెట్టుకునేందుకు చాలా కష్టపడాల్సి వస్తుంది.  సినిమా ఫలితాలు తేడా కొడితే మళ్ళీ అవకాశాల కోసం అన్నీ గడపలు ఎక్కి దిగాల్సి వస్తుంది. ప్రస్తుతం పాయల్ కు అలాంటి పరిస్థితి ఎదురయ్యేలా ఉందని టాక్ వినిపిస్తోంది.

డెబ్యూ సినిమా 'RX100' తో బ్లాక్ బస్టర్ ను తన ఖాతాలో వేసుకుంది పాయల్ రాజ్ పుత్.  బోల్డ్ గా నటించడంతో ప్రేక్షకుల్లో గుర్తింపు కూడా తెచ్చుకుంది. అవకాశాలు కూడా పాయల్ ను వెతుక్కుంటూ వచ్చాయి.  అయితే పాయల్ తర్వాత నటించిన సినిమాలు అన్నీ బాక్స్ ఆఫీస్ దగ్గర బోల్తా కొట్టాయి.  క్యామియో చేసిన 'ఎన్టీఆర్ కథానాయకుడు'.. ఐటెం సాంగ్ చేసిన 'సీత' తో పాటు మెయిన్ లీడ్ గా నటించిన 'RDX లవ్' సినిమాలు నిరాశపరిచాయి.  'RDX లవ్' గురించి ఎంత తక్కువగా మాట్లాడుకుంటే అంత మంచిది. పాయల్ కు కాస్తో కూస్తో ఉన్న ఇమేజ్ ని ఈ సినిమా చెడగొట్టింది. పాయల్ బీ గ్రేడ్ సినిమాల హీరోయిన్ అనే ఫీలింగ్ కలిగేలా చేసిందని సోషల్ మీడియాలో కామెంట్లు వినిపించాయి.  

దీంతో పాయల్ ప్రస్తుతం సెట్స్ పై ఉన్న రెండు సినిమాలపైనే నమ్మకం పెట్టుకుంది.  వాటిలో ఒకటి 'వెంకీమామ' కాగా రెండోది 'డిస్కోరాజా'.  రెండు సినిమాల్లో పాయల్ సోలో హీరోయిన్ కాదు.  పాయల్ ను డామినేట్ చేసే హీరోయిన్లు ఉన్నారు.  'వెంకీమామ' లో నటిస్తున్న రాశి ఖన్నా అటు నటనలోనూ గ్లామర్ లోనూ ఫస్ట్ క్లాస్ అని ఇప్పటికే ప్రూవ్ చేసుకుంది.   మరోవైపు 'డిస్కోరాజా' లో నటిస్తున్న మరో హీరోయిన్ నభ నటేష్ కూడా అదే టైపు.. 'ఇస్మార్ట్ శంకర్' హిట్టుతో ఫుల్ జోష్ మీద ఉంది. కాబట్టి ఈ సినిమాలు హిట్ అయినా పాయల్ కు మొత్తం క్రెడిట్ దక్కే అవకాశాలు తక్కువ.  ఒకవేళ అటూ ఇటూ అయితే పాయల్ కు టాలీవుడ్ లో టఫ్ టైమ్ స్టార్ట్ అయినట్టేనని అంటున్నారు. చూద్దాం.. పాప అదృష్టం ఎలా ఉందో.