నేనొప్పుకుంటా!! మరి నితిన్? -వర్మ

మెగా హీరోలపై విమర్శలు చేసీ చేసీ బోరు కొట్టేసిందని.. అందుకే ట్విట్టర్ వదిలేస్తున్నానని చెప్పిన వర్మ.. ఇప్పుడు ఇన్ స్టాగ్రామ్ తోపాటు ఫేస్ బుక్ లో చేరి.. ఇప్పుడు మళ్లీ అదే పనిలో ఉన్నాడు. ఇన్నేళ్లూ తనను తాను సమర్ధించుకోవడం అయినా చేసిన వర్మ.. ఇప్పుడు మరింతగా దిగొచ్చేసి.. తనను తను కించపరుచుకుంటూ.. ఇతరులను టార్గెట్ చేస్తున్నాడు.

"నాకంటే సందీప్ రెడ్డి చాలా బెటర్ డైరెక్టర్ అని నేను ఒప్పుకుంటాను. అయితే.. తన కంటే విజయ్ దేవరకొండ బెటర్ యాక్టర్ అని.. తెలంగాణ స్టార్ నితిన్ ఒప్పుకుంటాడా" అంటూ ట్వీట్ పెట్టిన వర్మ.. తన విమర్శలలోకి నితిన్ ను కూడా లాక్కొచ్చాడు. కొన్ని రోజులుగా అర్జున్ రెడ్డిని తెగ పొగడ్డమే పనిగా పెట్టుకున్న వర్మకు.. తను కొత్త తరహా సినిమాను మాత్రమే తీసి.. సక్సెస్ సాధించిన సంగతి మర్చిపోయినట్లున్నాడు. ఇప్పుడు అర్జున్ రెడ్డి కంటెంట్ పరంగా.. కేరక్టర్ పరంగా సూపర్ అన్నా.. దాన్ని జనాల్లోకి తీసుకెళ్లేందుకు అవలంబించిన విధానం మాత్రం చాలా చీప్ అనే విషయాన్ని కూడా వర్మ విస్మరించాడు.

ఇక మెగా హీరోలను లాక్కురాకపోతే వర్మకు మనశ్శాంతి ఉండదు కదా. "రియల్ పవర్ స్టార్ విజయ్ దేవరకొండ అని నితిన్ ఒప్పుకోకపోతే.. రియల్ సూపర్ డ్యూక్ స్టార్ మహేష్ మాదిరిగా కాకుండా తన అచీవ్మెంట్ ను కనీసం అక్నాలెడ్జ్ చేయని ఫేక్ పవర్ స్టార్ మాదిరి లాంటి వాడే" అంటూ ఈ ఇష్యూలోకి మహేష్ ను కూడా లాక్కొచ్చాడు.