వావ్.. నాగ్ చేతిలో శంకు చక్రాలు..

అక్కినేని నాగార్జున నటిస్తున్న కొత్త సినిమా 'ఓం నమో వేంకటేశాయ'. దర్శకేంద్రుడు కె.రాఘవేంద్రరావు దర్శకత్వంలో తెరకెక్కుతున్న ఈ చిత్రంలో శ్రీనివాసుడి భక్తుడిగా నాగార్జున కనిపించనున్నాడు. స్వామి పరమ భక్తుడైన హథీరామ్ బాబా జీవితాన్నే.. ఈ సినిమాగా మలుస్తున్నాడు దర్శకేంద్రుడు.

ఇప్పటికే వేంకటేశ్వర స్వామి సహా పలువురి ఫస్ట్ లుక్స్ రిలీజ్ చేసిన యూనిట్.. ఇప్పుడు హథీరామ్ బాబాగా నటిస్తున్న నాగార్జున వీడియోను కూడా విడుదల చేశారు. అయితే.. మిగతా వీడియోల మాదిరిగా కాకుండా.. శంఖం పట్టుకున్న నాగ్ చెయ్యి వరకు వరకూ చూపించి.. ప్రీలుక్ అనేశారు. అంతే కాదు.. శంఖు చక్ర దండధారి అక్కినేని నాగార్జున ఫస్ట్ లుక్ త్వరలో అంటూ ఊరించేశారు. వెనుక వెంకన్న విగ్రం ఉండగా.. ముందు శంఖు చక్రాలను పట్టుకున్న నాగ్ కనిపిస్తారన్న మాట.

గతంలో అన్నమయ్య.. శ్రీరామదాసు.. శిరిడి సాయి చిత్రాలతో నాగ్ గెటప్ ను.. ఇమేజ్ ను కొత్తగా ఆవిష్కరించిన రాఘవేంద్రరావు.. ఈసారి వెంకన్న భక్తుడిగా మరో స్థాయిలో చూపించనున్నారని తెలుస్తోంది. కీరవాణి అందిస్తున్న సంగీతం 'ఓం నమో వేంకటేశాయ' చిత్రానికి ప్రత్యేక ఆకర్షణ కానుండగా.. ఈ చిత్రంలో అనుష్క, ప్రగ్యా జైస్వాల్.. విమలా రామన్ లు కూడా నటిస్తున్నారు. వెంకటేశ్వరునిగా హిందీ నటుడు సౌరభ్ రాజ్ జైన్ నటిస్తుండగా.. ఇప్పటికే విడుదలైన ఇతని లుక్ అందరినీ ఆకట్టుకుంది.
Full View