కీర్తి అంత లెక్క అడుగుతోందా!?

మల్లూ బ్యూటీ కీర్తి సురేష్ ఇప్పుడు ఫుల్ క్రేజ్ ఉన్న హీరోయిన్ అనడంలో సందేహం లేదు. తెలుగులో ఇప్పటివరకూ ఈమె నటించినది రెండే సినిమాలు. ఒకటి రామ్ తో నేను శైలజ అయితే.. రెండోది నానితో నేను లోకల్. ఈ రెండు సినిమాలు ఘనవిజయం సాధించాయి.

వీటితో పాటు ప్రస్తుతం పవన్ కళ్యాణ్-త్రివిక్రమ్ సినిమా.. సావిత్రి బయోపిక్ మహానటి.. ఈమె చేతిలో ఉన్నాయి. పవన్ సినిమాకి ఎంతిస్తున్నారో తెలియదు కానీ.. మహానటి మూవీకి మాత్రం ఈమెకు 3 కోట్ల రూపాయలు ముట్టచెప్పారట. తెలుగు-తమిళ్ రెండు భాషల్లో రిలీజ్ కానున్న సినిమా కావడం.. పిక్చరైజేషన్ కు ఎక్కువ సమయం అవసరం అవడంతోనే ఇంతిచ్చారని తెలుస్తోంది. ఇప్పటివరకూ ఈమె లెక్క కోటిన్నర దరిదాపుల్లో ఉండేదంతే. తమిళ్ లో మంచి హిట్స్ ఉండడంతో 2 కోట్ల వరకూ అందుకునేది కీర్తి.

ఇప్పుడు మాత్రం మహానటిని చూపించి.. తన దగ్గరకు వచ్చిన నిర్మాతలను 3 కోట్ల రెమ్యూనరేషన్ డిమాండ్ చేస్తోందని తెలుస్తోంది. అదేమంటే.. తనకున్న మార్కెట్ ప్రకారం సినిమాను తెలుగుతోపాటు తమిళ్ లో కూడా విడుదల చేసుకోవచ్చని సలహా ఇస్తోందట. దీంతో షాక్ తినడం నిర్మాతల వంతు అవుతోంది. 3 కోట్ల పారితోషికం అంటే.. దాదాపు నయనతార అందుకునే మొత్తమని.. ఆమె క్రేజ్ తో కీర్తి పోల్చడం కష్టమని.. నిర్మాతలు సైలెంట్ గా పక్కకు తప్పుకుంటున్నారని తెలుస్తోంది.

Like Us on Facebook : https://www.facebook.com/Tupakidotcom/