గ్యాంగ్ స్టార్స్.. ముగ్గురు స్టార్ సిరీస్

టాలీవుడ్ లో కొంత మంది యువ దర్శకులు బారి స్థాయిలో ఎంట్రీలు ఇచ్చి మళ్లీ కనిపించకుండా పోయారు. అలాంటి వారిలో అజయ్ భుయాన్ కూడా ఉన్నాడు.  సక్సెస్ ట్రాక్ లో ఉన్న నాగ చైతన్యతో దడ సినిమా చేసి ఉహించని విధంగా డిజాస్టర్ అందుకున్నాడు. అ తరువాత బాలివుడ్ వైపు వెళ్లి కొన్ని సినిమాలతో పాఠాలు నేర్చుకున్న ఈ హైదరాబాద్ కుర్రాడు ఈ సారి తెలుగులో సరికొత్త రీ ఎంట్రి ఇచ్చాడు.

ఇప్పుడిపుడే ఊపందుకుంటున్నవెబ్ సిరీస్ ల ఫార్మాట్ ని తెలుగులో గట్టిగా ట్రై చేస్తున్నాడు. జగపతి బాబు - నవదీప్ అలాగే శ్వేతా బాసు ప్రసాద్ లాంటి నటీనటులతో గ్యాంగ్ స్టార్ అనే వెబ్ సిరీస్ ను ప్లాన్ చేశాడు. ఇక క్రియేటివ్ డైరెక్టర్ గా నందిని రెడ్డి వర్క్ చేస్తున్నారు. 12 ఎపిసోడ్స్ ఉండే ఈ వెబ్ సిరీస్ ను ఆమెజాన్ ప్రైమ్ వారు ప్రజెంట్ చేస్తున్నారు. అందులో వస్తోన్న మొదటి తెలుగు వెబ్ సిరీస్ ఇదే కావడం విశేషం.

ఇక ఆ వెబ్ సిరీస్ ట్రైలర్ ను రీసెంట్ గా రిలీజ్ చేశారు. పోసాని - శివాజీ కమెడియన్ రాహుల్ కూడా ఈ కాన్సెప్ట్ లో కనిపిస్తున్నారు. జగపతి అసలైన గ్యాంగ్ స్టర్ గా కనిపించనుండగా నవదీప్ - శ్వేతా బసు ఫిల్మ్ స్టార్స్ గా కనిపించనున్నారు. ఇతర ప్రముఖ నటీనటులను కూడా ఈ వెబ్ సిరీస్ కోసం బాగానే వాడారు. మరి ఈ ప్రయోగం ఎంతవరకు వర్కౌట్ అవుతుందో చూడాలి.  


Full View