ఫ్యాన్స్ కి పూనకాలే అంటున్న తమన్..

పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం వకీల్ సాబ్. ఈ సినిమాని శ్రీ వెంకటేశ్వర క్రియోషన్స్ బ్యానర్ పై దిల్ రాజు నిర్మిస్తుండగా బాలీవుడ్ నిర్మాత బోనీకపూర్ సహ నిర్మాతగా వ్యవహరిస్తున్నారు. శృతిహాసన్ గెస్ట్ అప్పీరియన్స్ ఇస్తుండగా నివేదా థామస్, అంజలి, అనన్య నాగల్ల, ప్రకాశ్ రాజ్ ముఖ్య పాత్రల్లో నటిస్తున్నారు. ఇక ఈ సినిమాతో పవన్ కళ్యాణ్ రెండేళ్ళ తర్వాత రీఎంట్రీ ఇస్తున్న సంగతి తెలిసిందే. ఈ సినిమా అమితాబ్ బచ్చన్ నటించిన పింక్ సినిమాకి అఫీషియల్ రీమేక్ గా రూపొందిస్తున్నారు. కోలీవుడ్ లోను అజిత్ హీరోగా ఈ సినిమా సూపర్ హిట్ సొంతం చేసుకుంది. వేణు శ్రీరాం దర్శకత్వంలో తెరకెక్కుతున్న ఈ సినిమా దాదాపు టాకీ పార్ట్ కంప్లీట్ చేసుకుంది. ఒక సాంగ్ కొన్ని సీన్స్ మాత్రమే బ్యాలెన్స్ ఉన్న ఈ సినిమాకి పోస్ట్ ప్రొడక్షన్స్ కార్యక్రమాలన్ని కలిపి ఒక నెల వర్క్ మాత్రమే బ్యాలెన్స్ ఉందట. లాక్ డౌన్ తర్వాత బ్యాలెన్స్ వర్క్ కంప్లీట్ చేసి స్వాతంత్ర్య దినోత్సవం సందర్భంగా..

ఆగస్టు 15న రిలీజ్ చేయాలని మేకర్స్ సన్నాహాలు చేస్తున్నారని సమాచారం. జూలై నుండి ప్రమోషన్స్ ని మొదలు పెట్టే అవకాశాలున్నాయని తెలుస్తుంది. అయితే ఈ నేపథ్యంలో తాజాగా చిత్ర సంగీత దర్శకుడు తమన్‌ ఓ ఇంటర్వ్యూలో ‘వకీల్ సాబ్‌’ సినిమా గురించి స్పందిస్తూ..  ‘మార్చి 16న ‘వకీల్‌ సాబ్‌’ కంపోజింగ్‌ పూర్తి చేసుకుని మార్చి 17 తేదీన చెన్నైకి వచ్చాను. రెండేళ్ల గ్యాప్‌ తర్వాత పవన్‌కల్యాణ్‌ వెండితెరపై సందడి చేయనున్న ‘వకీల్‌ సాబ్‌’ సినిమా పై అభిమానులలో అంచనాలు భారీ లెవెల్లో ఉన్నాయి. ఆయనకి ఉన్న క్రేజ్ పరంగా.. సంగీతం విషయంలో నాకెంతో బాధ్యత పెరిగింది. ఆయనతో నా ఫస్ట్ సినిమా ఇది. పవన్ కళ్యాణ్ రేంజ్ ఏ మాత్రం తగ్గకుండా సంగీతం అందించడానికి ట్రై చేశాను. మేము ఆశించినట్లే విడుదల చేసిన ఫస్ట్ సాంగ్ ‘మగువా మగువా’ ప్రేక్షకులను చేరింది. ఇక ఈ సినిమాలో హీరోయిజమ్ ఎలివేట్ అయ్యే సీన్స్, బ్యాక్ గ్రౌండ్ మ్యూజిక్ మీకు గూస్ బంప్స్ తెస్తాయని తమన్ తెలిపాడు. అంటే ఇక పవన్ ఫ్యాన్స్ కి ఇది పండగ చేసుకొనే న్యూస్ అన్నమాట.