సంక్రాంతిని మిస్ అవుతున్న బాలయ్య...?

ఒకప్పుడు సంక్రాంతి హీరో అంటే బాలయ్య గుర్తు వచ్చేవారు. అంతలా బాలయ్య సినిమాలు సంక్రాంతికి రిలీజ్ అయ్యి సూపర్ హిట్ గా నిలిచాయి. అందుకే అప్పట్లో ప్రతి సంక్రాంతికి ఒక సినిమా ఉండేలా బాలయ్య ప్లాన్ చేసుకునేవారు. కానీ ఈ సంవత్సరం సంక్రాంతికి వస్తుందనుకున్న బాలయ్య, కేఎస్ రవికుమార్ చౌదరీల సినిమా ఆ సీజన్ లో రాదంటున్నారు. సంక్రాంతి ముందు క్రిస్మస్ సీజన్ లో కానీ లేదంటే సంక్రాంతి తర్వాత కానీ బాలయ్య తన సినిమాను విడుదల చేయాలనుకుంటున్నారు.

ఈ మధ్య బాలయ్య నటించిన డిక్టేటర్ - ఎన్టీఆర్ కథానాయకుడు లాంటి చిత్రాలు సంక్రాంతి బరిలో నిలిచి దారుణంగా పరాభవం చవి చూశాయి. దీంతో బాలయ్య ఆలోచనలో పడ్డట్టు తెలుస్తుంది. అంతేకాకుండా ఇద్దరు యువ హీరోల సినిమాలు ఈ సంక్రాంతి సీజన్ లో రిలీజ్ కి వస్తున్నాయని అనౌన్స్ చేయడంతో తన సినిమాని సంక్రాంతి ముందు కానీ, తర్వాత కానీ రిలీజ్ చేయాలని బాలయ్య నిర్ణయించుకున్నట్టు సినిమా సర్కిల్ లో గుసగుసలు వినపడుతున్నాయి. మరి ఈ వార్తలు ఎంతవరకు నిజమో తెలియాల్సి ఉంది.