‘రామసేతు’ అక్షయ్ కొత్తసినిమా.. ఫస్ట్​లుక్​తోనే భారీ అంచనాలు..

బాలీవుడ్​లో ప్రయోగాత్మక చిత్రాలకు కేరాఫ్​ అడ్రస్​ అయిన అక్షయ్​కుమార్​ తన తర్వాత సినిమాను ప్రకటించేశాడు. లాక్​డౌన్​ సమయంలోనూ సోషల్​మీడియాలో ఎంతో ఉత్సాహంగా కనిపించిన అక్షయ్​ వరుసగా సినిమాలు చేస్తున్నాడు. ప్రయోగాత్మక చిత్రాలతో పాటు కామెడీ పండించడంలోనూ అక్షయ్​ ముందుంటారు. ఇటీవల విడుదలైన ‘లక్ష్మీబాంబ్​’ చిత్రం ఇటీవలే ఓటీటీ ఫ్లాట్​ఫాం డిస్నీ ప్లస్​ హాట్​స్టార్​లో రిలీజైంది. ఈ సినిమాలో కియారా అద్వానీ హీరోయిన్​గా నటించారు. ఈ సినిమాకు క్రిటిక్స్​ నెగెటివ్​ రివ్యూలు రాశారు. కానీ ప్రేక్షకుల నుంచి మాత్రం మంచి స్పందనే వచ్చింది. దక్షిణాదిన భారీ విజయం సాధించిన కాంచన చిత్రానికి ఇది రీమేక్​. రాఘవ లారెన్స్​ ఈ చిత్రానికి దర్శకత్వం వహించారు. మాతృకలో ఆయనే ప్రధానపాత్ర పోషించారు.

అక్షయ్​ జయపజయాలతో సంబంధం లేకుండా కొత్త చిత్రాలను ప్రకటిస్తుంటాడు. తాజాగా దీపావళి సందర్భంగా నూతన చిత్రం ‘రామసేతు’ ప్రకటించాడు. ఈ సినిమాకు సంబంధించిన ఫస్ట్​లుక్​ పోస్టర్​ను కూడా విడుదల చేశాడు. ‘ ఈ దీపావళి అందరికీ సంతోషాలను ఇవ్వాలి. మన మధ్య ఉన్న అంతరాలను అడ్డుగోడలను చెరిపివేయాలి. శ్రీరాముడు ఆదర్శాలను మనమంతా పాటిస్తూ ఆదర్శవంతంగా ముందుకుసాగుదాం. రాముడి ఆశయాలను ముందుకు తీసుకెళ్లేందుకు ఈ సినిమా ద్వారా ముందుకు తీసుకెళదాం. అందరికీ మరోసారి దీపావళి శుభాకాంక్షలు’ అంటూ అక్షయ్​ ట్వీట్​ చేశారు. ఈ సినిమాలో అక్షయ్​ లుక్​ డిఫరెంట్​గా ఉంది. కార్గో ట్రౌజర్​, లాంగ్​ స్లీవ్స్​ ఉన్నాయి. పొడవాటి జుట్టుతో కనిపిస్తున్నాడు. అభిషేక్ శర్మ ఈ చిత్రానికి దర్శకత్వం వహించనున్నారు.