నాగ్ అండ్ అఖిల్ ఇక తలదూర్చరట

అసలు సినిమా ఏం చేద్దాం అనేదానికంటే.. హిట్టు కొట్టాలి అనే ప్రెజర్ ఎక్కువైపోవడంతో.. ఇప్పటివరకు అక్కినేని అఖిల్ రెండవ సినిమా ఏదీ ఫైనల్ కాలేదనే విషయం ఎవరైనా చెప్పేస్తారు. ''అఖిల్'' సినిమా డిజాష్టర్ అయ్యింది కాబట్టి.. ఆ తరువాత ఎలాంటి సినిమా చేయాలి.. ఏది చేస్తే హిట్టొస్తుంది.. ఎలా కొడితే బాక్సాఫీస్ షేకవుతుంది వంటి క్యాలుక్లేషన్లు వేసుకుంటూ.. ఇప్పటివరకు నాగార్జున అండ్ అఖిల్ ఒక్క కథను కూడా ఓకే చేసుకోలేక కాస్త ఇబ్బందులే పడ్డారు.

ఇకపోతే దర్శకుడు విక్రమ్ చెప్పిన కథను కూడా అటూ ఇటూ మార్చి చాలా కన్ఫ్యూజన్ కు గురైన నాగార్జున.. ఫైనల్ గా ఒక డెసిషన్ కు వచ్చారట. అసలు విక్రమ్ కు ఎలా నచ్చితే అలా సినిమాను చేయమని చెప్పాడట. అఖిల్ ను ఎలా చూపిస్తే బాగుంటుందో..ఎలాగైతే హిట్టు కొడతాడో.. ఏ విధంగా చేస్తే ప్రేక్షకులు ఆదరణ పొందుతాడో.. వగైరా అంశాలన్నీ విక్రమ్ నే చూసుకోమని చెప్పేశాడట నాగ్. అలాగే అఖిల్ కూడా ఇక స్ర్కిప్టులో తాను తలదూర్చకూడదని ఫిక్సయిపోయాడట.

మొత్తానికి అఖిల్ రెండో సినిమా ఇన్నేసి రోజులు టైమ్ తీసుకోవడం అనేది ఒక పెద్ద ఛాలెంజ్ గానే మారిపోయింది. చూద్దాం మరి విక్రమ్ ఎలాంటి కథను రూపొందించి ఏ విధంగా మనోడ్ని ప్రెజంట్ చేస్తాడో!!

Like Us on Facebook : https://www.facebook.com/Tupakidotcom/