అర్జున్ రెడ్డి వర్సెస్‌ యానిమల్... ఎవరిది పై చేయి?
| ప్రస్తుతం తెలుగు దర్శకుడు సందీప్ రెడ్డి వంగ పేరు సౌత్ లోనే కాకుండా నార్త్‌ లో కూడా మారుమ్రోగుతున్న విషయం తెల్సిందే.
ప్రస్తుతం తెలుగు దర్శకుడు సందీప్ రెడ్డి వంగ పేరు సౌత్ లోనే కాకుండా నార్త్‌ లో కూడా మారుమ్రోగుతున్న విషయం తెల్సిందే. అర్జున్ రెడ్డి సినిమా తో ఇక్కడి వారి దృష్టిని ఆకర్షించిన దర్శకుడు అదే సినిమాను హిందీలో కబీర్ సింగ్ గా రీమేక్ చేసి భారీ విజయాన్ని సొంతం చేసుకున్నాడు. అర్జున్ రెడ్డి ని మించి కబీర్ సినిమా హిట్ అయ్యింది.
తాజాగా సందీప్ వంగ 'యానిమల్' సినిమా తో ప్రేక్షకుల ముందుకు వచ్చాడు. బాలీవుడ్‌ స్టార్ రణబీర్ కపూర్ హీరోగా రష్మిక మందన్నా హీరోయిన్‌ గా రూపొందిన యానిమల్ సినిమా భారీ విజయాన్ని సొంతం చేసుకుంది. అర్జున్ రెడ్డి, కబీర్ సింగ్ సినిమాలను మించిన వసూళ్లు యానిమల్ వసూళ్లు చేసింది. లాంగ్‌ రన్ లో వెయ్యి కోట్ల మార్క్ ను టచ్‌ చేసే అవకాశాలు కనిపిస్తున్నాయి.
ఈ సమయంలో యానిమల్ తెలుగు వర్షన్‌ ఎంత వసూళ్లు చేసింది అనే విషయమై ఆసక్తి నెలకొంది. ఎట్టకేలకు యానిమల్ సినిమాను తెలుగు రాష్ట్రాల్లో పంపిణీ చేసిన నిర్మాత దిల్‌ రాజు క్లారిటీ ఇచ్చాడు. తాజా మీడియా సమావేశంలో యానిమల్ సినిమా ఇప్పటి వరకు రూ.60 కోట్ల గ్రాస్ కలెక్షన్స్ ను వసూళ్లు చేసినట్లు ఆయన పేర్కొన్నాడు.
సలార్‌ విడుదల తర్వాత యానిమల్ సినిమా కలెక్షన్స్ డ్రాప్ అయ్యాయి. అయినా కూడా యానిమల్ సినిమా తెలుగు రాష్ట్రాల్లో సాలిడ్‌ వసూళ్లను నమోదు చేసినట్లుగా బాక్సాఫీస్ వర్గాల వారు చెప్పుకుంటూ ఉన్నారు. తెలుగు బాక్సాఫీస్ వద్ద యానిమల్ దక్కించుకున్న వసూళ్లు అర్జున్ రెడ్డి వసూళ్ల కంటే ఎక్కువ అంటూ బాక్సాఫీస్ వర్గాల వారు అంటున్నారు.
అర్జున్ రెడ్డి సినిమా తెలుగు రాష్ట్రాల్లో కేవలం రూ.50 కోట్ల గ్రాస్ కలెక్షన్స్ ను దక్కించుకుంది. విజయ్ దేవరకొండ అర్జున్ రెడ్డి లాంగ్‌ రన్ లో దాదాపుగా రూ.26 కోట్ల షేర్‌ ను సాధించడం జరిగింది. యానిమల్ సినిమా దాదాపుగా రూ.32 కోట్ల షేర్‌ ను దక్కించుకుంది అంటూ సమాచారం అందుతోంది.
ఈ ఆసక్తికర పోరులో అర్జున్ రెడ్డి పై తెలుగు యానిమల్ స్పష్టమైన ఆధిపత్యం ను కనబర్చాడు. అంతే కాకుండా యానిమల్ సినిమా ఓవరాల్‌ గా దక్కించుకున్న వసూళ్లు కూడా కబీర్ సింగ్ లాంగ్‌ రన్ వసూళ్లకు దాదాపు రెట్టింపు ఉన్నాయి అంటూ బాక్సాఫీస్ వర్గాల ద్వారా టాక్‌.