అఖిల్ కొత్త మూవీ.. లెనిన్ గ్లింప్స్ అదుర్స్..

టాలీవుడ్ యంగ్ హీరో అఖిల్ కెరీర్ లో మంచి హిట్ కొట్టాలని ఎప్పటి నుంచో వెయిట్ చేస్తున్న విషయం తెలిసిందే. గత చిత్రం ఏజెంట్ మూవీ భారీ అంచనాల మధ్య రిలీజ్ అయినా.. అనుకున్న స్థాయిలో అఖిల్ మెప్పించలేకపోయారు. దీంతో తన అప్ కమింగ్ మూవీస్ పై స్పెషల్ ఫోకస్ పెట్టారు. కథల విషయంలో శ్రద్ధ తీసుకుంటున్నారట.

ఇప్పుడు రెండేళ్ల తర్వాత గుడ్ న్యూస్ చెప్పారు అఖిల్. తన కొత్త మూవీని అనౌన్స్ చేశారు. బర్త్ డే సందర్భంగా ఆ సినిమా గ్లింప్స్ ను రిలీజ్ చేశారు. వినరో భాగ్యము విష్ణు కథతో ఇప్పటికే మూవీ లవర్స్ ను మెప్పించిన మురళీ కిషోర్ అబ్బూరు.. అఖిల్ కొత్త మూవీని తెరకెక్కిస్తున్నారు. ఎప్పటి నుంచో టాక్ వస్తున్నట్లు లెనిన్ అనే టైటిల్ నే ఫిక్స్ చేశారు.

అన్నపూర్ణ స్టూడియోస్ తో పాటు సితార ఎంటర్టైన్మెంట్స్ బ్యానర్లపై అక్కినేని నాగార్జున, నాగవంశీ సంయుక్తంగా నిర్మిస్తున్న లెనిన్ లో యంగ్ బ్యూటీ శ్రీలీల హీరోయిన్ గా నటిస్తున్నారు. రాయలసీమ బ్యాక్ డ్రాప్ తో రూపొందుతున్న లెనిన్ మూవీ గ్లింప్స్.. ఇప్పుడు సోషల్ మీడియాలో వైరల్ గా మారింది. అందరినీ ఆకట్టుకుని దూసుకుపోతోంది.

స్టన్నింగ్ విజువల్స్ తో గ్లింప్స్ స్టార్ట్ అవ్వగా.. రథం ఎంట్రీ ఇచ్చింది. అప్పుడే మాస్ లుక్ లో అఖిల్ చేతిలో ఆయుధంతో నడుస్తూ కనిపించారు. గతాన్ని తరమటానికి పోతా.. మా నాయిన నాకో మాట సెప్పినాడు. పుట్టేటప్పుడు ఊపిరి ఉంటాదిరా పేరు ఉండదు. అట్నే పోయేటప్పుడు ఊపిరి ఉండదు పేరు మాత్రమే ఉంటాది. ఈ పేరు ఎట్లా నిల‌బ‌డాలి అంటే అంటూ ఓ రేంజ్ లో సాగింది గ్లింప్స్.

ఆ తర్వాత అఖిల్, శ్రీలీలను రివీల్ చేశారు మేకర్స్. మాస్ లుక్ లో హీరో ఉండగా.. ఆయనను చేతిని పట్టుకుని హీరోయిన్ నిలబడి ఉన్నారు. అనంతరం హ్యాపీ బర్త్ డే అంటూ విషెస్ చెప్పారు మేకర్స్. ప్రేమ కంటే హింసాత్మకమైనది యుద్ధం కాదని అంటూ క్యాప్షన్ ఇచ్చారు. అయితే గ్లింప్స్ బట్టి.. మూవీ రూరల్ లవ్ డ్రామాగా క్లియర్ గా తెలుస్తోంది.

అయితే లెనిన్ మూవీకి గాను అఖిల్ ఫుల్ గా మేకోవర్ చేసుకున్నట్లు స్పష్టంగా అర్థమవుతోంది. మాస్ లుక్ ఆయనకు బాగా సెట్ అయినట్లు కనిపిస్తోంది. శ్రీలీల కూడా క్యూట్ గా కనిపిస్తున్నారు. తమన్ అందించిన బ్యాక్ గ్రౌండ్ స్కోర్ బాగుండగా.. ప్రొడక్షన్ వాల్యూస్ రిచ్ గా ఉన్నాయి. మొత్తానికి రెండేళ్ల తర్వాత మూవీ అనౌన్స్మెంట్ రాగా.. గ్లింప్స్ అదిరిపోయిందని అందరూ చెబుతున్నారు.