తారక్‌తో బాండింగ్ రివీల్ చేసిన అఖిల్… ఫ్యాన్స్‌కు ట్రీట్!

అక్కినేని యంగ్ హీరో అఖిల్ తన మోస్ట్ అవేటెడ్ మూవీ 'లెనిన్' ప్రమోషన్స్‌లో స్పీడ్ పెంచాడు. ఈ క్రమంలోనే తాజాగా ఇచ్చిన ఓ ఇంటర్వ్యూలో గ్లోబల్ స్టార్ జూనియర్ ఎన్టీఆర్ గురించి, ఆయనతో ఉన్న ప్రత్యేక అనుబంధం గురించి అఖిల్ చేసిన క్రేజీ కామెంట్స్ ఇప్పుడు సోషల్ మీడియాలో వైరల్ అవుతున్నాయి. అఖిల్ మాటలు విన్నాక నందమూరి, అక్కినేని ఫ్యాన్స్ ఫుల్ ఖుషీ అవుతూ సోషల్ మీడియాలో రచ్చ చేస్తున్నారు.

ఎన్టీఆర్ ఎనర్జీ వేరే లెవెల్:

ఇంటర్వ్యూలో జూనియర్ ఎన్టీఆర్ ప్రస్తావన రాగానే అఖిల్ ముఖంలో మంచి నవ్వు కనిపించింది. "తారక్ అన్నను నేను ఎప్పుడు కలిసినా చాలా హడావిడిగా, ఫుల్ యాక్టివ్‌గా ఉంటారు. ఇక ఆయనలో ఉండే ఎనర్జీనే వేరు, అది పక్కన ఉన్న వాళ్లకు కూడా వచ్చేస్తుంది" అంటూ ఎన్టీఆర్ వైబ్‌ను అఖిల్ అద్భుతంగా వర్ణించాడు. ఇక ఎన్టీఆర్ రేంజ్ ఏంటో అఖిల్ మాటల్లోనే అర్థమవుతోందని ఫ్యాన్స్ మురిసిపోతున్నారు.

ఎన్టీఆర్, ప్రశాంత్ నీల్ కలిసి చేస్తున్న ‘డ్రాగన్’ సినిమా గురించి అఖిల్ కూడా కొన్ని ఇంట్రెస్టింగ్ కామెంట్స్ చేశాడు.“తారక్ అన్న చేస్తున్న ‘డ్రాగన్’ సినిమా త్వరగా రిలీజ్ కావాలని నేను మనస్ఫూర్తిగా కోరుకుంటున్నాను.” ఇక ఆ సినిమా డైరెక్టర్ ప్రశాంత్ నీల్ కూడా నాకు చాలా మంచి ఫ్రెండ్" అని అఖిల్ చెప్పుకొచ్చాడు.

యాక్టింగ్ స్టైల్ మారిపోయింది:

ఇక ఈ కాలంలో హీరోల పర్ఫామెన్స్ గురించి మాట్లాడుతూ అఖిల్ ఒక మంచి పాయింట్ చెప్పాడు. ఇప్పుడున్న రోజుల్లో యాక్టింగ్ స్టైల్ చాలా మారిపోయిందని, అందరూ ఎంతో 'సెటిల్డ్'గా నటిస్తున్నారని అన్నాడు. ఇక ఒకప్పటిలాగా పెద్ద పెద్దగా అరుస్తూ డైలాగులు చెప్పడం కాకుండా.. చాలా నేచురల్‌గా, సింపుల్‌గా హావభావాలు పలికిస్తూ అదరగొడుతున్నారని తన అభిప్రాయాన్ని పంచుకున్నాడు.

జూలై 10న 'లెనిన్' జాతర:

2023లో వచ్చిన ‘ఏజెంట్’ సినిమా తర్వాత అఖిల్ నటిస్తున్న సినిమా ఇదే. గతేడాదే పెళ్లి చేసుకుని పర్సనల్ లైఫ్‌లో సెటిలైన ఈ అక్కినేని హీరో.. ఇప్పుడు ప్రొఫెషనల్ లైఫ్‌లో ఒక సాలిడ్ హిట్ కోసం చూస్తున్నాడు. 'వినరో భాగ్యం విష్ణు కథ' ఫేమ్ మురళీ కిషోర్ అబ్బూరు డైరెక్ట్ చేసిన ఈ విలేజ్ లవ్ స్టోరీలో భాగ్యశ్రీ బోర్సే హీరోయిన్‌గా నటిస్తోంది. ఇక థమన్ మ్యూజిక్ అందించిన ఈ సినిమాను అన్నపూర్ణ స్టూడియోస్, సితార ఎంటర్‌టైన్‌మెంట్స్ బ్యానర్లపై నాగార్జున, నాగవంశీ కలిసి నిర్మించారు.

ఇప్పటికే రిలీజైన ట్రైలర్, సాంగ్స్, తో 'లెనిన్' సినిమాపై అంచనాలు భారీగా పెరిగిపోయాయి. ఇక బ్రహ్మాజీ, సుదర్శన్ వంటి నటులు కూడా ఇందులో కీలక పాత్రలు పోషించారు. మరి సరికొత్త ఉత్సాహంతో, సరికొత్త మాస్ లుక్‌తో జూలై 10న రాబోతున్న అఖిల్.. ఈ సినిమాతో బాక్సాఫీస్ దగ్గర తన కెరీర్‌లోనే బిగ్గెస్ట్ కంబ్యాక్ సక్సెస్ అందుకుంటాడో లేదో చూడాలి.