కేన్స్ ఫెస్టివల్ లో మాజీ మిస్ వరల్డ్ సందడి.. ఈసారి మరో అదిరిపోయే ఔట్ ఫిట్ తో!

ప్రపంచ ప్రసిద్ధ కేన్స్ ఫిల్మ్ ఫెస్టివల్ 2026 వేడుకల్లో భారతీయ అందాల రాశి, గ్లోబల్ ఐకాన్ ఐశ్వర్య రాయ్ బచ్చన్ తన సరికొత్త లుక్‌తో అందరినీ మంత్రముగ్ధులను చేసింది. ఈ ప్రతిష్టాత్మక వేడుకల్లో ఈమె 24వ సారి అడుగుపెట్టింది. తన సెకండ్ అప్పీయరెన్స్‌తో రెడ్ కార్పెట్‌పై సరికొత్త ఫ్యాషన్ ట్రెండ్ సెట్ చేసింది. తన కూతురు ఆరాధ్యతో కలిసి వచ్చిన ఐశ్వర్య రాయ్.. బ్లష్ పింక్ కలర్ గౌన్ లో దేవకన్యలా మెరిసిపోతూ కెమెరాలకు పోజులిచ్చింది. ఆ విశేషాలు ఇలా వున్నాయి..

పింక్ గౌనులో దేవకన్యలా ఐశ్వర్య:

ఫ్రెంచ్ రివేరాలో జరిగిన లోరియల్ పారిస్ ‘లైట్స్ ఆన్ విమెన్స్ వర్త్’ ఈవెంట్‌లో ఐశ్వర్య రాయ్ ఒక అద్భుతమైన బ్లష్ పింక్ సోఫీ కోచర్ గౌనును ధరించింది. ఈ డ్రెస్ డిజైన్, ఐశ్వర్య బాడీ షేప్‌కు పక్కాగా సరిపోయేలా చాలా స్టైలిష్‌గా చెక్కబడింది. ఇక దీనికి తోడు ఆమె భుజాల నుండి కిందకు జాలువారుతున్న పింక్ కలర్ కేప్ ఈ ఔట్‌ఫిట్‌కు ఒక ఫెయిరీ టేల్ లుక్‌ను తీసుకువచ్చింది.

ఇంటర్నెట్‌ను షేక్ చేస్తున్న కొత్త స్టైల్:

ఇక ఈసారి ఐశ్వర్య కేవలం డ్రెస్‌తోనే కాకుండా తన హెయిర్ స్టైల్, గ్లామరస్ మేకప్‌తో కూడా అందరినీ ఫిదా చేసింది. గత కొన్ని లుక్స్‌తో పోలిస్తే, ఈ లుక్‌లో ఐశ్వర్య చాలా కొత్తగా, మరింత అందంగా కనిపించిందని సోషల్ మీడియాలో నెటిజన్లు తెగ పొగిడేస్తున్నారు. "అసలైన కేన్స్ ఫ్యాషన్ మూమెంట్ అంటే ఇదే!" అంటూ ఈ పిక్స్ వైరల్ చేస్తున్నారు.

ఈ డ్రెస్ ధర ఎంతో తెలుసా?:

అంతర్జాతీయ బ్రాండ్ ‘సోఫీ కోచర్’ అఫీషియల్ వెబ్‌సైట్ సమాచారం ప్రకారం, ఐశ్వర్య ధరించిన ఈ ప్రత్యేకమైన గౌను ధర సుమారు 3,700 యూఎస్ డాలర్లు ఉంటుంది. అంటే మన ఇండియన్ కరెన్సీలో దాదాపు రూ. 3.5 లక్షల రూపాయలు అన్నమాట. ఇక అంత భారీ ఖరీదైన డ్రెస్‌లో ఐశ్వర్య రాయ్ రాయల్ లుక్ నెటిజన్లను విపరీతంగా ఆకట్టుకుంటోంది.

అంతకుముందు రాయల్ బ్లూ మ్యాజిక్:

ఈ పింక్ డ్రెస్‌కంటే ముందే, ఇదే కేన్స్ వేడుకల్లో ఐశ్వర్య రాయ్ రాయల్ బ్లూ కలర్ అమిత్ అగర్వాల్ కోచర్ గౌనులో మెరిసింది. ఆ డ్రెస్ కూడా పెద్ద సంచలనమే సృష్టించింది. ఒకదాని తర్వాత ఒకటి ఇలా బ్యాక్ టు బ్యాక్ అదిరిపోయే ఔట్‌ఫిట్స్‌తో ఐశ్వర్య రాయ్ ఈ ఏడాది కేన్స్ ఫెస్టివల్‌ను పూర్తిగా తన సొంతం చేసుకుందని చెప్పాలి.

వయసు పెరుగుతున్నా ఐశ్వర్య రాయ్ బచ్చన్ గ్లామర్, స్టైల్ ఏమాత్రం తగ్గలేదని ఈ కేన్స్ 2026 వేడుకలు మరోసారి నిరూపించాయి. ఇక ఫ్యాషన్ ప్రపంచంలో ఆమె రేంజ్ వేరని ఈ సరికొత్త పింక్ గౌన్ లుక్ చూస్తే ఎవరికైనా అర్థమైపోతుంది. ఇక ఐశ్వర్య ఇలాంటి వండర్స్ ఇంకెన్ని క్రియేట్ చేస్తుందో చూడాలి..