శ్రీలీలకు ఓ టెన్షన్ పోయినట్లే..

తెలుగు ఇండస్ట్రీలో ప్రస్తుతం ది మోస్ట్ బిజీయెస్​ హీరోయిన్​, వాంటెడ్​ హీరోయిన్​, గ్లామరస్ హీరోయిన్, ఎనర్జిటిక్ హీరోయిన్​, డ్యాన్స్ హీరోయిన్​ అంటే టక్కున ఏం ఆలోచించకుండా చెప్పే పేరు శ్రీలీల. చేసింది రెండు చిత్రాలే అయినా.. యంగ్ హీరోస్​, డైరెక్టర్స్​ నుంచి స్టార్ కథానాయకులు, దర్శకనిర్మాతల వరకు ఆమె డేట్స్​ కోసమే పడిగాపులు కాసే రేంజ్​కు ఎదిగిపోయింది. ​ ఒకేసారి దాదాపు పది సినిమాలను ఒప్పుకుని ఖాళీ లేకుండా షూటింగ్​లలో పాల్గొంటోంది.

అయితే ఇప్పుడామెకు కాస్త విశ్రాంతి దొరికే అవకాశం కనిపించేటట్టుంది. ఈ ఏడాదే ఆమె నటించిన మూడు చిత్రాల వరకు రిలీజ్​కు రెడీ అవుతున్నాయి. నాలుగు సినిమాల వరకు షూటింగ్ పూర్తి చేసిందట. రామ్​పోతినేనితో చేసిన 'స్కంద', పంజా వైష్ణవ్​ తేజ్​తో చేసిన 'ఆదికేశవ'.. సినిమాల షూటింగ్ మొత్తం పూర్తి అయిపోయింది.

ఈ నెల 28న 'స్కంద' రిలీజ్ కానుండగా.. ఇక వచ్చే నెలలో శ్రీలీల నటించిన 'భగవంత్ కేసరి' విడుదలకు సిద్ధమవుతోంది. ఈ సినిమాకి సంబంధించి కేవలం 5, 6 రోజుల పని మాత్రమే మిగిలి ఉందని తెలిసింది. ఇక 'ఆదికేశవ' చిత్రీకరణ ఇప్పటికే పూర్తై పోయింది. ఈ చిత్రం నవంబర్​లో ప్రేక్షకుల ముందుకు రానుంది.

ఇక ఈ ఏడాది డిసెంబర్​లో నితిన్-శ్రీలీల కలిసి నటిస్తున్న ఎక్సట్రా రిలీజ్ కానుంది. దీనికి సంబంధించి కూడా కొంత పనే మిగిలి ఉందట. కాబట్టి.. మరి కొన్ని రోజుల్లో ఈ నాలుగు చిత్రాలకి సంబంధించిన ఒత్తిడి, పని భారం ఆమెకు తగ్గిపోయినట్టే. ఇక ఆమె సూపర్ స్టార్ మహేశ్ బాబుతో 'గుంటూరు కారం', పవన్ కల్యాణ్​తో 'ఉస్తాద్ భగత్ సింగ్' చిత్రాల షూటింగ్​పై దృష్టి పెట్టి కాస్త ప్రశాంతంగా చేసుకోవచ్చు.

అయితే ఇంకా శ్రీలల చేతిలో పలు చిత్రాలు ఉన్నాయి. రౌడీ హీరో విజయ్​ దేవరకొండతో కలిసి ఓ సినిమా చేస్తోంది. ఇంకా దీంతో పాటే అనగనగ ఒక రాజు అనే చిత్రంలోనూ నటిస్తోంది. ఈ రెండు సినిమాలు ఇంకా సెట్స్​పైకి వెళ్లలేదు. ఇవి కూడా వచ్చే ఏడాది రిలీజ్ కానున్నాయి.