సాక్షి వైద్య.. టాలెంట్, గ్లామర్ ఓకే.. కానీ లక్కే..
| ఇక ఈ వరుస ఫ్లాప్లు అందుకోవడంతో మూవీలవర్స్ ఆమె సజెషన్స్ చేస్తున్నారు. కథల ఎంపికలో జాగ్రత్తగా ఉండమంటూ చెబుతున్నారు.
ప్రతి హీరోయిన్ చిత్రసీమలోకి కోటి ఆశలతోనే అడుగు పెడుతుంది. తమ మొదటి సినిమా భారీ హిట్ సాధించాలనే ఆశ పడుతుంది. కానీ అది అందరికీ వర్కౌట్ అవ్వదు. ఎందుకంటే గ్లామర్, యాక్టింగ్ టాలెంట్ మాత్రమే సరిపోదు. కూస్తంత అదృష్టం కూడా ఉండాలి. అప్పుడే వారికి సక్సెస్లు క్యూ కడతాయి. లేదంటే మొదట్లో రెండు మూడు అవకాశాలు వచ్చినా తర్వాత ఫేడ్ ఔట్ అవాల్సిన పరిస్థితి ఏర్పడుతుంది.
అయితే ఇప్పుడు హీరోయిన్ సాక్షి వైద్య పరిస్థితి ఇలా లేదు కానీ.. స్టార్టింగ్ స్టేజ్లో ఉంది. ఈమె ఎన్నో ఆశలతో అఖిల్ అక్కినేని 'ఏజెంట్' సినిమాతో తెలుగు సినిమా ఇండస్ట్రీలోకి అడుగుపెట్టింది. భారీ బడ్జెట్, అంచనాలతో వచ్చిన ఈ సినిమా బాక్సాఫీస్ దగ్గర డిజాస్టర్గా నిలిచింది.
'ఏజెంట్' ఫ్లాప్ అయినా ఆమె రెండో సినిమా కూడా భారీ బడ్జెట్తోనే రూపొందింది. మెగా ప్రిన్స్ వరుణ్ తేజ్ హీరోగా ప్రవీణ్ సత్తారు తెరకెక్కించిన 'గాంఢీవధారి అర్జున' సినిమాలో కథానాయికగా నటించింది. ఈ సినిమాపై ఆమె బోలెడన్నీ ఆశలు పెట్టుకుంది. కానీ ఇప్పుడా చిత్రం తాజాగా విడుదలై బాక్సాఫీస్ వద్ద బోల్తా కొట్టింది. ఆమెకు నిరాశనే మిగిల్చింది. దీంతో ఆమె ఖాతాలో బ్యాక్ టు బ్యాక్ ఫ్లాప్లు పడ్డాయి.
ఇక ఈ వరుస ఫ్లాప్లు అందుకోవడంతో మూవీలవర్స్ ఆమె సజెషన్స్ చేస్తున్నారు. కథల ఎంపికలో జాగ్రత్తగా ఉండమంటూ చెబుతున్నారు. లేదంటే మూల్యం చెల్లించుకోవాల్సి వస్తుందని అంటున్నారు. అయితే ఇప్పుడామె చేతిలో కూడా పలు ప్రాజెక్ట్లు ఉన్నట్లు వార్తలు వస్తున్నాయి. టాలీవుడ్ మోస్ట్ అవెయిటెడ్ ప్రాజెక్ట్ ఉస్తాద్‌ భగత్‌ సింగ్లో ఆమె ఓ ఛాన్స్ అందుకున్నట్లు ప్రచారం సాగుతోంది.
ఈ యాక్షన్‌ ఎంటర్‌టైనర్‌ సినిమాలో శ్రీలీల మెయిన్ హీరోయిన్గా నటిస్తుండగా.. సాక్షి వైద్యను సెకండ్‌ హీరోయిన్గా ఎంపిక చేసినట్టు అంటున్నారు. దీనిపై త్వరలోనే క్లారిటీ రానుంది. ఏదీ ఏమైనా.. సాక్షి ఇకపై కథల ఎంపికలో జాగ్రత్తగా ఉండాల్సిన అవసరముంది. చూడాలి మరి ఆమె ఫేట్ ఎలా ఉందో? ఎలాంటి కథలతో ఇకపై ఆడియెన్స్ ముందుకు వస్తుందో.