• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  District News >  Rajasthan >  100 మంది బౌన్సర్లు.....

100 మంది బౌన్సర్లు.. కరెన్సీ నోట్లతో స్వాగతం.. ఈ గుర్రం రాచరికం వెనుక అసలు కథ

| రాజస్థాన్‌లోని పుష్కర్ పశువుల సంతలో ‘బాదల్’ అనే గుర్రం రాచరికపు ఎంట్రీతో అందరినీ ఆశ్చర్యపరిచింది. 24 నెలల వయసున్న ఈ గుర్రం వెంట 100 మంది బౌన్సర్లు రాగా, కరెన్సీ నోట్లు వెదజల్లి స్వాగతం పలికారు. దీని పోషణకు నెలకు రూ.50 వేలు ఖర్చవుతుండగా, యజమాని దగ్గరున్న మూడు గుర్రాల విలువ రూ.5 కోట్లకు పైగా ఉంటుందని సమాచారం.

By - A.N.Kumar
Update: 2026-11-17 10:01 GMT

మన దేశంలో సామాన్యుడికి ఆస్పత్రికి వెళ్లాలన్నా.. ఆఫీసుకి వెళ్లాలన్నా ట్రాఫిక్ కష్టాలు తప్పవు. కాస్త పేరున్న సెలబ్రిటీకో.. పొలిటీషియన్‌కో అయితే నలుగురు గన్‌మెన్‌లు.. ఓ పది మంది బౌన్సర్లు ఉంటారు. కానీ రాజస్థాన్‌లోని పుష్కర్ పశువుల సంతలో ఓ తెల్లటి గుర్రం ఇచ్చిన ఎంట్రీ చూస్తే ‘మనం మనుషులుగా పుట్టి ఏం సాధించాం రా బాబూ ‘ అని ఎవరికైనా అనిపించక మానదు.

ఆ వీఐపీ గుర్రం పేరు బాదల్. సాధారణంగా సంతకు పశువులను యజమానులు తాడు కట్టి తీసుకొస్తారు. కానీ బాదల్ కోసం ఏకంగా 100 మంది బౌన్సర్లు రక్షణ వలయంగా నడిచారు. అది చాలదన్నట్లు ఆ గుర్రం అడుగుపెడుతుంటే గాల్లోకి కరెన్సీ నోట్లను వెదజల్లుతూ ఘన స్వాగతం పలికారు. ఆ దృశ్యం చూస్తుంటే ఏదో పాన్ ఇండియా సినిమా ప్రీ-రిలీజ్ ఈవెంట్‌కు హీరో ఎంట్రీ ఇచ్చినట్లు ఉందే తప్ప పశువుల సంతలా అస్సలు కనిపించలేదు.

బాదల్ వయసు కేవలం 24 నెలలే. కానీ ఎత్తు మాత్రం ఏకంగా 66 అంగుళాలు.. దాని ఠీవి.. రాజసం చూస్తుంటే సంతకు వచ్చిన మిగతా గుర్రాలన్నీ కాంప్లెక్స్‌తో తలదించుకునేలా ఉన్నాయి. ఇక దీని మెయింటెనెన్స్ ఖర్చు వింటే సాఫ్ట్‌వేర్ ఇంజనీర్ల జీతాలు కూడా చిన్నబోతాయి. బాదల్ డైట్, ఆరోగ్యం, బ్యూటీ కేర్ కోసం నెలకు అక్షరాలా రూ. 50 వేలు ఖర్చవుతుందట. అంటే ఏడాదికి రూ. 6 లక్షలు.. నెల జీతం ముప్పై వేలు రాక మనం పడరాని పాట్లు పడుతుంటే బాదల్ మాత్రం నెలకు యాభై వేల ప్యాకేజీతో దర్జాగా బతికేస్తోంది.

బాదల్ ఒక్కటే ఇలా ఉందనుకుంటే పొరపాటే. దీని యజమాని దగ్గర ఇలాంటి "సెలబ్రిటీ" గుర్రాలు మొత్తం మూడు ఉన్నాయట. ఆ మూడింటి మార్కెట్ విలువ కలిపి ఏకంగా రూ. 5 కోట్లకు పైమాటే.. ఒకప్పుడు గుర్రంలా పనిచేస్తున్నాడు అంటే కష్టానికి గుర్తుగా అనేవారు. కానీ ఈ రోజుల్లో గుర్రంలా బతుకుతున్నాడు అంటే వీటిని చూసి కోటీశ్వరుడిలా విలాసవంతంగా బతుకుతున్నాడని అర్థం మార్చుకోవాల్సిన పరిస్థితి వచ్చింది.

పుష్కర్ సంతలో బాదల్ చేసిన హంగామా చూసి నెటిజన్లు తమదైన శైలిలో స్పందిస్తున్నారు. "వచ్చే జన్మలోనైనా మనిషిగా కాకుండా ఇలాంటి కోటీశ్వరుడి ఇంట్లో గుర్రంగా పుడితే బాగుండు" అని నిట్టూరుస్తున్నారు. కరెక్టే కదా మరి.. 100 మంది బౌన్సర్లు.. నెలకు 50 వేల మెయింటెనెన్స్.. కరెన్సీ నోట్ల వర్షం.. ఈ మాత్రం లగ్జరీ ఉంటే ఎవరికైనా గుర్రం జన్మే బెటర్ అనిపిస్తుంది.



100 మంది బౌన్సర్లతో గుర్రం గ్రాండ్ ఎంట్రీ రాజస్థాన్ పుష్కర్ పశువుల సంతలో ‘బాదల్’ అనే తెల్ల గుర్రం స్పెషల్ అట్రాక్షన్‌గా నిలిచింది. 100 మంది బౌన్సర్ల మధ్య కరెన్సీ నోట్లతో ఘన స్వాగతం అందుకుంది. 66 అంగుళాల ఎత్తున్న ఈ గుర్రం మెయింటెనెన్స్‌కు నెలకు రూ.50 వేలు ఖర్చవుతుందని యజమాని తెలిపారు. ఇలాంటి మూడు గుర్రాల విలువ రూ.5 కోట్లకు పైగానే ఉందన్నారు. #ViralVideo #PushkarMela #BadalHorse #Rajasthan #ViralNews #TeluguNews #Tupaki Follow 👉 @tupaki_official

— Tupaki (@tupaki_official) November 17, 2026


Tags:    
  • badalhorse 
  • pushkarfair 
  • viphorse 
  • rajasthan 

Similar News

యూట్యూబర్ ను సెల్ఫీ పేరుతో దగ్గరకొచ్చి ఏకంగా 'లిప్ కిస్' అడిగాడు.. తర్వాత చూడాలి..

2026-11-17 06:51 GMT

కలకలం : బీజేపీ నోట పాకిస్తాన్ కు మద్దతు !

2026-10-16 04:23 GMT

బీజేపీకి ఒకే ఒక్క ఓటు...ఇది గిన్నిస్ రికార్డే !

2026-09-15 04:13 GMT

సీజేపీ 'దెబ్బ'.. సీఎం అబ్బా.. రాజస్థాన్ స్కూళ్లకు రూ.12,500 కోట్లతో ఓ భారీ 'కాస్మోటిక్ మేకప్'

2026-08-24 17:10 GMT

ఓ సైనికుడికి కష్టం : దేశం కోసం 3 యుద్ధాలు.. సొంత భూమి కోసం నాలుగో యుద్ధం..

2026-07-13 03:07 GMT

బుల్డోజర్ న్యాయం.. మైనర్ బాలిక అత్యాచార ఇష్యూలో 3 హోటళ్ల కూల్చివేత!

2026-07-02 07:09 GMT

మోడీ మాస్క్‌తో మొబైల్ షాపుల్లో దొంగతనం.. సినిమాను తలపించేలా!

2026-06-30 18:31 GMT

భ‌గ‌భ‌గ‌లో ACతో పనే లేదు.. జైపూర్ రూఫ్‌టాప్ టెక్నిక్‌పై ఆనంద్ మహీంద్రా ప్ర‌శంస‌లు!

2026-05-26 08:30 GMT

2026 వరల్డ్ బెస్ట్ కల్చరల్ సిటీస్.. ఇండియాలో ఏది.. ఎలా డిసైడ్ చేస్తారు?

2026-05-15 19:30 GMT

నగదునే ప్రసాదంగా ఇచ్చే వింత ఆలయం.. ఎక్కడ ఉందంటే..?

2026-05-08 10:30 GMT

రియల్ ధురంధర్ క్లైమాక్స్ మాత్రం విషాదమే

2026-03-24 05:51 GMT

Copyright @2026

Powered by Blink CMS