Apple Mass Warning.. ఐఫోన్లు కొట్టేశారా.. మామూలుగా ఉండదు!

ఫ్రాన్స్‌లో యాపిల్ స్టోర్ల నుంచి ఖరీదైన ఐఫోన్లు దొంగిలించిన దుండగులకు ఆ కంపెనీ గట్టి షాక్ ఇచ్చింది. ఆ లూటీ చేసిన ఫోన్లను కేవలం నిమిషాల్లోనే రిమోట్‌గా లాక్ చేసిన యాపిల్.. అవి అసలు పనిచేయకుండా కేవలం ఇనుప ముక్కలా మార్చేసింది. అంతేకాదు, దొంగల గుండెల్లో రైళ్లు పరిగెత్తించేలా ఏకంగా ఫోన్ స్క్రీన్‌లపైనే గట్టి వార్నింగ్‌లు ఇస్తూ వాటి లైవ్ లొకేషన్‌ను ట్రాక్ చేస్తోంది. ఈ టెక్నికల్ షాకింగ్ విశేషాలు ఇప్పుడు చూద్దాం..

యాపిల్ స్టోర్లపై దొంగల కన్ను..:

ఫ్రాన్స్‌లోని లిల్లే నగరంతో పాటు గతంలో అమెరికాలోని లాస్ ఏంజెల్స్, ఫిలడెల్ఫియా వంటి నగరాల్లో జరిగిన ఆందోళనల సమయంలో కొందరు కేటుగాళ్లు యాపిల్ స్టోర్లలోకి చొరబడ్డారు. డిస్‌ప్లే కోసం ఉంచిన ఖరీదైన ఐఫోన్లను దొంగిలించి పరారయ్యారు. అయితే తాము ఎత్తుకెళ్లిన ఫోన్లు క్షణాల్లోనే పూర్తిగా లాక్ అయిపోవడంతో ఆ దొంగల ఆనందం ఆవిరైపోయింది.

స్క్రీన్‌లపైనే యాపిల్ హెచ్చరికలు:

అక్టోబర్ 17న ఓ ఐఫోన్‌ను కొట్టేసిన ఆందోళనకారుడికి ఫోన్ స్క్రీన్‌పై వచ్చిన వార్నింగ్ చూసి దిగ్భ్రాంతి చెందాడు. "దయచేసి ఈ ఫోన్‌ను వెంటనే యాపిల్ స్టోర్‌కు ఇచ్చేయండి. ఈ డివైజ్ పూర్తిగా డిసేబుల్ చేయబడింది, లొకేషన్‌ను ట్రాక్ చేస్తున్నాము. స్థానిక పోలీసులకు సమాచారం అందిస్తాం" అంటూ అందులో మెసేజ్ వచ్చింది. ఇక ఈ స్క్రీన్ షాట్‌ను అతను సోషల్ మీడియాలో పోస్ట్ చేయడంతో ఇది కాస్తా వైరల్ అయింది.

'మేనేజ్డ్ లాస్ట్ మోడ్'తో ఫోన్లు బ్లాక్:

యాపిల్ స్టోర్లలోని డెమో ఫోన్లలో ప్రత్యేక సెక్యూరిటీ ట్రాకింగ్ సాఫ్ట్‌వర్క్ ఇన్‌స్టాల్ చేసి ఉంటుంది. దొంగతనం జరగగానే యాపిల్ తన 'మేనేజ్డ్ లాస్ట్ మోడ్' ద్వారా వాటిని రిమోట్‌గా బ్లాక్ చేస్తుంది. దీనివల్ల ఆ ఫోన్ ఎందుకూ పనికిరాకుండా పోవడమే కాకుండా, బిగ్గరగా సైరన్‌లు మోగిస్తుంది. ఇక దొంగలు ఎక్కడున్నా సరే లైవ్ లొకేషన్ నేరుగా పోలీసులకు చేరిపోవడంతో, భయపడిపోయిన చాలా మంది వాటిని రోడ్డుపైనే పడేసి పారిపోతున్నారు.

ఇక మొత్తానికి చూస్తే, యాపిల్ ఉత్పత్తులను దొంగిలించడం అంటే సింహం నోట్లో తలపెట్టడంతో సమానమని ఈ ఘటన మరోసారి నిరూపించింది.ఇక ఎంతటి వారైనా టెక్నాలజీ ముందు తోకముడవాల్సిందేనని, దొంగల పట్ల యాపిల్ అనుసరిస్తున్న ఈ సెక్యూరిటీ విధానం నిజంగా అద్భుతమనే చెప్పాలి.