రోహిత్ ఒక్కడే ఓ వైపు.. మళ్లీ మొదలైన ఓల్డ్ స్ట్రాటజీ..!
బిగ్ బాస్ తెలుగు సీజన్ 10 మొదలైన కొద్ది రోజుల్లోనే హౌస్లో గొడవలు, గ్రూపులు, అభిప్రాయ భేదాలు మొదలయ్యాయి.
బిగ్ బాస్ తెలుగు సీజన్ 10 మొదలైన కొద్ది రోజుల్లోనే హౌస్లో గొడవలు, గ్రూపులు, అభిప్రాయ భేదాలు మొదలయ్యాయి. ముఖ్యంగా రోహిత్, త్రిగుణ్ మధ్య పోటీ రోజురోజుకూ ఆసక్తికరంగా మారుతోంది. తాజాగా జరిగిన నామినేషన్ ప్రక్రియలో చాలా మంది సెలబ్రిటీలు రోహిత్ను టార్గెట్ చేయడం హాట్ టాపిక్గా మారింది.
బిగ్ బాస్ ఇప్పటికే హౌస్లోని కంటెస్టెంట్లను రెండు టీమ్లుగా విభజించాడు. ప్రతి టీమ్ నుంచి కొంతమంది కంటెస్టెంట్లను హై రిస్క్ జోన్లో పెట్టాలని సూచించాడు. ఈ సమయంలో రోహిత్పై పలువురు కంటెస్టెంట్లు తమ అభిప్రాయాలను చెప్పారు.
ఇప్పటివరకు చూస్తే ఈ సీజన్లో రోహిత్, త్రిగుణ్ మధ్య ప్రధాన పోటీ కనిపిస్తోంది. రోహిత్ హౌస్లోకి వచ్చినప్పటి నుంచి త్రిగుణ్ అతడిపై అసంతృప్తిగా ఉన్నట్లు కనిపిస్తోంది. రోహిత్ను డామినేట్ చేయడానికి త్రిగుణ్ ప్రయత్నిస్తున్నాడనే అభిప్రాయం వ్యక్తమవుతోంది. అంతేకాకుండా ఇతర కంటెస్టెంట్లతో కూడా రోహిత్ గురించి నెగెటివ్గా మాట్లాడుతున్నాడనే చర్చ జరుగుతోంది.
రోహిత్ గతంలో అగ్ని పరీక్ష షోలో తన ఆటతీరుతో మంచి గుర్తింపు తెచ్చుకున్నాడు. ఆ కారణంగానే అతడికి బిగ్ బాస్ ప్రధాన షోలో అవకాశం లభించింది. అయితే హౌస్లోకి వచ్చిన తర్వాత అతడి వ్యవహారశైలి కొందరికి నచ్చడం లేదు.
కృష్ణుడు కూడా రోహిత్పై తీవ్రంగా మాట్లాడాడు. రోహిత్ లీడర్గా ఉండటానికి అర్హుడు కాదని, ఇతరులను డామినేట్ చేయడానికి ప్రయత్నిస్తున్నాడని చెప్పాడు. రోహిత్ తనను తాను చాలా గొప్పగా భావిస్తున్నాడని కూడా కృష్ణుడు వ్యాఖ్యానించాడు. వర్షిణి కూడా రోహిత్ విషయంలో ఇలాంటి అభిప్రాయాన్నే వ్యక్తం చేసింది.
మరోవైపు, వీరి అభిప్రాయాల వెనుక త్రిగుణ్ ప్రభావం ఉందని కొందరు భావిస్తున్నారు. త్రిగుణ్ పదే పదే రోహిత్ గురించి నెగెటివ్గా మాట్లాడటం వల్లే ఇతరుల అభిప్రాయాలు కూడా మారుతున్నాయనే చర్చ నడుస్తోంది.
అయితే ఈ పరిణామం రోహిత్కు మరో విధంగా ఉపయోగపడే అవకాశం ఉంది. అందరూ ఒకవైపు, రోహిత్ మరోవైపు ఉండటం వల్ల ప్రేక్షకుల్లో అతడిపై ఆసక్తి పెరుగుతోంది. సోషల్ మీడియాలో త్రిగుణ్ను కొందరు నెటిజన్లు బ్యాక్ పిచింగ్ త్రిగుణ్ అంటూ కామెంట్లు చేస్తున్నారు. అయితే అంతకుముందు షోలలో కూడా ఒకరిది మాత్రమే ఒకటిగా చేసి మిగతా అందరూ కలిసి ఆట ఆడిన తీరు మనకు తెలిసిందే. ఇప్పుడు అదే స్ట్రాటజీ రిపీట్ అవుతుందా అని అందరూ అనుకుంటున్నారు.
ముందు రోజుల్లో ఈ ఇద్దరి మధ్య పోటీ మరింత పెరిగే అవకాశం కనిపిస్తోంది. త్రిగుణ్ తన వ్యూహాన్ని జాగ్రత్తగా కొనసాగించాల్సి ఉంటుంది. లేకపోతే రోహిత్ను టార్గెట్ చేయాలనే ప్రయత్నమే చివరకు రోహిత్కు ప్లస్గా మారే అవకాశం ఉంది.