పిజ్జా హ‌ట్‌ లో ప‌ని చేస్తున్న 'కోహ్లీ'

పాకిస్థాన్‌లోని  ఓ పిజ్జా హ‌ట్‌ లో ప‌ని చేస్తున్న ఓ యువ‌కుడు క‌స్ట‌మ‌ర్ల ద‌గ్గ‌ర ఆర్డ‌ర్లు తీసుకుంటూ బిజీబిజీగా ఉన్నాడు. అంద‌రూ అత‌డిని చూసి ఆశ్చ‌ర్య‌పోతున్నారు. ఇంగ్లండ్‌లో చాంపియ‌న్స్ ట్రోఫీ ఆడుతున్న కోహ్లీ పాకిస్థాన్‌ లో ఉండ‌డ‌మేంటి? అని షాక్ అవుతున్నారు. ఇంత‌కీ విష‌య‌మేమిటంటే... ఆ యువ‌కుడు అచ్చు గుద్దిన‌ట్లు టీమిండియా కెప్టెన్ విరాట్ కోహ్లీని పోలి ఉన్నాడు. అదీ సంగ‌తి.

టీమిండియా కెప్టెన్‌ విరాట్ కోహ్లీలాగే ఉన్న ఓయువ‌కుడు పాక్‌ లోని పిజ్జా హ‌ట్‌ లో ప‌నిచేస్తున్నాడు. ఇందుకు సంబంధించిన ఓ వీడియో ఇప్పుడు సోష‌ల్ మీడియాలో హ‌ల్‌ చ‌ల్ చేస్తోంది. మొద‌ట ఈ వీడియోను చూస్తోన్న నెటిజ‌న్లు విరాట్ కోహ్లీ పిజ్జా హ‌ట్‌ లో ప‌నిచేస్తున్నాడేంట‌ని అనుకుంటున్నారు.

ఆ త‌రువాత అత‌డు కోహ్లీ కాద‌ని తెలిసి తెగ న‌వ్వుకుంటున్నారు. ఆ యువ‌కుడి వీడియోను ఫేస్‌ బుక్ లో పోస్టు చేయ‌డ‌మే ఆల‌స్యం...  ఎంతో మంది ఈ వీడియోను షేర్ చేస్తూ 'కోహ్లీ ఏం చేస్తున్నాడో చూడండి' అంటూ జోకులు పేలుస్తున్నారు.

Like Us on Facebook : https://www.facebook.com/Tupakidotcom/