ఆకాశంలో క్రికెట్ ఆడిన సచిన్.. వీడియో వైరల్!

క్రికెట్ రారాజు సచిన్ టెండూల్కర్‌కు ఆటపై ఉన్న ప్రేమ ఎలాంటిదో మనందరికీ తెలిసిందే. ఇంటర్నేషనల్ క్రికెట్‌కు గుడ్ బై చెప్పి ఇన్నేళ్లవుతున్నా, ఆయన మనసులో క్రికెట్ పిచ్చి మాత్రం అస్సలు తగ్గలేదు. తాజాగా విమాన ప్రయాణంలో ఆకాశంలో ఎగురుతూ కూడా సచిన్ బ్యాట్ పట్టి సరదాగా క్రికెట్ ఆడేశారు. తన కూతురు సారా, కోడలు సానియాలతో కలిసి ఫ్లైట్‌లో ఆయన చేసిన ఈ అల్లరి, సందడికి సంబంధించిన వీడియో ఇప్పుడు సోషల్ మీడియాను ఊపేస్తోంది.

విమానంలో సచిన్ బ్యాటింగ్:

సాధారణంగా ఫ్లైట్ జర్నీ అంటే చాలా మంది బోర్ గా ఫీలవుతారు లేదా కామ్‌గా కూర్చుంటారు. కానీ సచిన్ మాత్రం విమానాన్ని కూడా క్రికెట్ గ్రౌండ్ లా మార్చేశారు. ప్రయాణ సమయంలో బోర్ కొట్టకుండా, తన ఫ్యామిలీ మెంబర్స్‌తో కలిసి విమానం లోపలే సరదాగా బ్యాటింగ్ చేస్తూ కనిపించారు.ఇక పేపర్ బాల్ లాంటి దాంతో ఫ్యామిలీ అంతా కలిసి ఆడిన ఈ ఆట నెటిజన్లను భలే ఆకట్టుకుంటోంది.

అదరగొట్టిన క్యాప్షన్:

ఈ క్యూట్ అండ్ ఫన్నీ వీడియోను సచిన్ టెండూల్కర్ స్వయంగా తన సోషల్ మీడియా ఖాతాలో షేర్ చేశారు. ఈ వీడియోకు ఆయన పెట్టిన క్యాప్షన్ ఇప్పుడు అందరి హృదయాలను గెలుచుకుంటోంది. "మనం ఎంత ఎత్తులో ఉన్నా సరే.. మన ఆటిట్యూడ్ మాత్రం మారకూడదు" అంటూ సచిన్ రాసుకొచ్చారు. అంటే ఆకాశంలో ఎంత ఎత్తులో ప్రయాణిస్తున్నా, క్రికెట్ పై తనకున్న ప్రేమ మారదని ఆయన చెప్పకనే చెప్పారు.

కూతురు, కోడలితో సరదా ముచ్చట్లు:

ఈ సరదా మ్యాచ్‌లో సచిన్‌కు తోడుగా ఆయన కూతురు సారా టెండూల్కర్, కోడలు సానియా చాందోక్ కూడా జాయిన్ అయ్యారు. ఫ్యామిలీ అంతా కలిసి నవ్వుకుంటూ, ఎంజాయ్ చేస్తూ ఆడిన ఈ క్షణాలు సచిన్‌లోని లవింగ్ ఫాదర్ అండ్ ఫ్యామిలీ మ్యాన్‌ను మరోసారి బయటపెట్టాయి. ఇక గ్రౌండ్ లోనే కాదు గ్రౌండ్ బయట కూడా సచిన్ ఎంత సింపుల్ గా, సరదాగా ఉంటారో ఈ వీడియో చూస్తే అర్థమైపోతుంది.

నెట్టింట వైరల్ అవుతున్న విజువల్స్:

సచిన్ ఈ వీడియో పోస్ట్ చేసిన కాసేపటికే అది సోషల్ మీడియాలో టాప్ ట్రెండింగ్‌లోకి వచ్చేసింది. లక్షలాది మంది ఫాన్స్ ఈ వీడియోను లైక్ చేస్తూ, షేర్ చేస్తున్నారు.గాడ్ ఆఫ్ క్రికెట్ ఈజ్ ఆల్వేస్ గాడ్ ఆఫ్ క్రికెట్ అని, సచిన్ లోని చైల్డిష్ నేచర్ చూసి ముచ్చటపడుతున్నారు. ఇక క్రికెట్ పై సచిన్ కి ఉన్న ప్యాషన్ ఎప్పటికీ చనిపోదు అనడానికి ఈ వీడియోనే ఒక పెద్ద నిదర్శనం అని కామెంట్లు పెడుతున్నారు.

సచిన్ టెండూల్కర్ కేవలం ఆటతోనే కాదు, తన మృదువైన స్వభావంతో కూడా కోట్లాది మంది అభిమానుల గుండెల్లో చెరగని ముద్ర వేసుకున్నారు. తాజాగా ఆకాశంలో ఆయన చేసిన ఈ క్రికెట్ మ్యాజిక్, అభిమానుల ముఖాల్లో నవ్వులు పూయిస్తోంది.ఇక వయసుతో సంబంధం లేకుండా తన లైఫ్‌ను, ఆటను ఎంజాయ్ చేస్తున్న సచిన్ నిజంగా అందరికీ స్ఫూర్తిదాయకమే.