బంగ్లాదేశ్-చైనా-పాకిస్తాన్ సాన్నిహిత్యం: భారత్కు భవిష్యత్ ముప్పు?
భారతదేశం ప్రపంచంలోనే అత్యంత వేగంగా అభివృద్ధి చెందుతున్న ఆర్థిక వ్యవస్థల్లో ఒకటిగా దూసుకుపోతోంది.;
భారతదేశం ప్రపంచంలోనే అత్యంత వేగంగా అభివృద్ధి చెందుతున్న ఆర్థిక వ్యవస్థల్లో ఒకటిగా దూసుకుపోతోంది. ఇటీవలే ఐదో అతిపెద్ద ఆర్థిక వ్యవస్థ నుంచి నాలుగో స్థానానికి చేరింది. ఇది దేశానికి గర్వకారణమే అయినప్పటికీ, పెరుగుతున్న అభివృద్ధి కొన్ని సవాళ్లను కూడా తీసుకొస్తుంది. ముఖ్యంగా చుట్టూ ఉన్న దేశాలతో సంబంధాలు, వాటి నుంచి ఎదురయ్యే సంభావ్య ముప్పులు ఆందోళన కలిగిస్తున్నాయి. ఈ నేపథ్యంలో, బంగ్లాదేశ్... చైనా ,పాకిస్తాన్లతో సన్నిహిత సంబంధాలు పెంచుకోవడం భారత్కు ఒక ప్రధాన భద్రతాపరమైన ఆందోళనగా మారుతోంది.
పాకిస్తాన్ కుట్రలు కొనసాగుతున్నాయి
పాకిస్తాన్ నుంచి భారత్కు భద్రతాపరమైన ముప్పులు ఎప్పటినుంచో ఉన్నాయి. ఉగ్రవాదాన్ని ప్రోత్సహించడం, దేశంలో అంతర్గత అశాంతిని రెచ్చగొట్టడంలో పాకిస్తాన్ కీలక పాత్ర పోషిస్తోంది. కాశ్మీర్ విషయంలో పాక్ తన వైఖరిని మార్చుకోలేదు. ఇప్పుడు చైనాతో కలిసి పాకిస్తాన్ చేస్తున్న దూకుడు భారత భద్రతా వ్యవస్థకు గట్టి పరీక్షనే పెడుతోంది.
చైనాతో బంగ్లాదేశ్ సాన్నిహిత్యం ఆందోళనకరం
ఇటీవలి కాలంలో బంగ్లాదేశ్, చైనా మధ్య వాణిజ్య, ఆర్థిక ఒప్పందాలు గణనీయంగా పెరిగాయి. చైనా అందిస్తున్న భారీ రుణాలపై బంగ్లాదేశ్ ఆసక్తి చూపడం, బెల్ట్ అండ్ రోడ్ ప్రాజెక్టులో భాగంగా మౌలిక సదుపాయాలు అభివృద్ధి చేసుకోవడం భవిష్యత్తులో భారత్కు సవాలుగా మారే అవకాశం ఉంది. చైనా-బంగ్లాదేశ్ సంబంధాలు బలపడితే, భారత్కు వ్యతిరేకంగా ఒక సమీకృత శత్రుశక్తిగా ఎదిగే ప్రమాదం ఉంది.
భారత ప్రజాస్వామ్యానికి ముప్పు?
బంగ్లాదేశ్ ఒకప్పుడు భారత్తో స్నేహపూర్వక సంబంధాలను కొనసాగించింది. అయితే, ప్రస్తుతం రాజకీయంగా కొంత దూరం పాటిస్తోంది. ప్రస్తుత పరిస్థితుల్లో బంగ్లాదేశ్ కూడా చైనా, పాకిస్తాన్లతో కలిసి భారత్పై ఒత్తిడి తెచ్చే ప్రయత్నాలు చేస్తే, అది అంతర్గత స్థాయిలో భారత శక్తిని దెబ్బతీసే అవకాశం ఉంది.
భవిష్యత్ దృష్టితో ముందుకు సాగాలి
శత్రుదేశాల కలయిక భారత్కు ఎంత ప్రమాదకరమో చరిత్రే చెబుతోంది. అలాంటి పరిస్థితుల్లో భారత్ తన సమీప దేశాలతో సానుకూల దౌత్య సంబంధాలు కొనసాగించడమే కాకుండా, భద్రతాపరమైన చర్యల్లో ముందుండాలి. అంతర్జాతీయ స్థాయిలో మిత్రదేశాల మద్దతు కూడగట్టుకుంటూ, చైనా, పాకిస్తాన్, బంగ్లాదేశ్ల మధ్య బలపడుతున్న సంబంధాలను సరిదిద్దే విధంగా భారత్ తన వ్యూహాలను సిద్ధం చేయాలి.
భారత్ అభివృద్ధి చెందుతున్న సమయంలో చుట్టూ ఉన్న పొరుగు దేశాలు శత్రువుల ముసుగులో కలిసి పనిచేయడం దేశ భద్రతకు తీవ్ర హెచ్చరిక. ఇది పెద్ద సమస్యగా మారకముందే, భారత్ తగినంత ముందస్తు జాగ్రత్తలు తీసుకోవాల్సిన అవసరం ఉంది.