'టాక్సిక్' తర్వాత యష్ నెక్స్ట్ ఏంటి? రాకీ భాయ్ పక్కా ప్లాన్!

కేజీఎఫ్' సినిమాతో పాన్ ఇండియా రేంజ్‌లో సంచలనం సృష్టించిన కన్నడ సూపర్ స్టార్ యష్ తదుపరి అడుగు ఏంటనేది ఇప్పుడు ఇండస్ట్రీలో హాట్ టాపిక్. మిగతా స్టార్ హీరోలు వరుసగా సినిమాలు లైన్‌లో పెడుతుంటే, యష్ మాత్రం చాలా డిఫరెంట్‌గా ఆలోచిస్తున్నాడు. ఎన్నో ఆఫర్లను కాదనుకుని, మూడేళ్లకు పైగా టైమ్ కేటాయించి 'టాక్సిక్' సినిమా చేశాడు. ఇప్పుడు ఈ సినిమా రిలీజ్‌కు రెడీ అవుతుండడంతో, ఆయన నెక్స్ట్ ప్రాజెక్ట్ గురించిన ఆసక్తికర చర్చలు మొదలయ్యాయి. ఆ విశేషాలు చూద్దాం..

'టాక్సిక్' సినిమాపైనే రాకీ భాయ్ ఫుల్ ఫోకస్:

ప్రస్తుతానికి యష్ మైండ్ అంతా 'టాక్సిక్' సినిమా చుట్టూనే తిరుగుతోంది. ఈ సినిమాలో కేవలం హీరోగానే కాకుండా, స్క్రిప్ట్ వర్క్ నుండి క్రియేటివ్ ప్రాసెస్‌లో కూడా ఆయన పూర్తిగా ఇన్వాల్వ్ అయ్యాడు. ఇక ఈ మూవీని ప్రపంచవ్యాప్తంగా భారీ స్థాయిలో ప్రమోట్ చేయాలని ప్లాన్ చేస్తున్నాడు. 'కేజీఎఫ్' క్రియేట్ చేసిన ఇంటర్నేషనల్ మార్కెట్‌ను ఈ సినిమాతో మరింత పెంచాలనేది యష్ గట్టి పట్టుదల.

కథలు వింటున్నాడు.. కానీ ఓకే చెప్పట్లేదు:

చాలా మంది టాప్ డైరెక్టర్లు యష్‌ను కలిసి లైన్లు వినిపించారు. అందులో రెండు మూడు క్రేజీ ఐడియాలను యష్ షార్ట్‌లిస్ట్ కూడా చేసుకున్నాడట. కానీ, ఏ ప్రాజెక్ట్‌ను కూడా ఇప్పటివరకు అధికారికంగా ఓకే చేయలేదు. ఇక ప్రస్తుత మార్కెట్ పరిస్థితులను బట్టి, తొందరపడి అనౌన్స్‌మెంట్లు ఇవ్వడం కంటే.. నిదానంగా సరైన నిర్ణయం తీసుకోవడమే బెటర్ అని రాకీ భాయ్ భావిస్తున్నాడు.

నిర్మాతలు ఎందుకు వెనకడుగు వేస్తున్నారు?:

ప్రస్తుతం ఇండియన్ సినిమాలో అత్యధిక రెమ్యునరేషన్ తీసుకుంటున్న హీరోలలో యష్ ఒకరు. ఆయనతో సినిమా చేయాలంటే వందల కోట్ల బడ్జెట్ కావాలి. అందుకే 'టాక్సిక్' బాక్సాఫీస్ పెర్ఫార్మెన్స్ ఎలా ఉంటుందో చూశాకే, పెద్ద ప్రొడక్షన్ హౌసెస్ ఆయన నెక్స్ట్ ప్రాజెక్ట్ పై ఒక అంచనాకు రావాలని చూస్తున్నాయి. మార్కెట్ ఒడిదుడుకుల వల్ల నిర్మాతలు కూడా కాస్త ఆచితూచి అడుగులు వేస్తున్నారు.

కెరియర్‌ను మార్చే కీలకమైన టర్నింగ్ పాయింట్:

'కేజీఎఫ్ 2' వచ్చిన కొత్తలో యష్ ఎవరిని కలిసినా సోషల్ మీడియాలో పెద్ద రచ్చ జరిగేది. కానీ ఇప్పుడు ఆ రూమర్స్ తగ్గాయి. ఎందుకంటే యష్ నెక్స్ట్ సినిమా ఫేట్ అంతా 'టాక్సిక్' రిజల్ట్ పైనే ఆధారపడి ఉంది. ఈ సినిమా సాధించే సక్సెస్ రేంజ్ బట్టే ఆయన రాబోయే ప్రాజెక్టుల స్కేల్ ఎంత పెద్దగా ఉండబోతోందో డిసైడ్ అవుతుంది.

ఏది ఏమైనా మన 'రాకీ భాయ్' రూటే సెపరేటు. మిగతా హీరోల్లాగా కంగారుపడి సినిమాలు సైన్ చేయకుండా, పక్కా క్యాలిక్యులేషన్‌తో ముందుకు వెళ్తున్నాడు. 'టాక్సిక్' సినిమా థియేటర్లలోకి వచ్చి దద్దరిల్లిపోయే దాకా.. యష్ నెక్స్ట్ సినిమా ఏంటనే ప్రశ్నకు సమాధానం దొరకడం కష్టమే. అప్పటివరకు వెయిట్ అండ్ సీ..