క్యాజువల్ డ్రెస్సింగ్‌లోనూ కింగ్ అనిపించిన విజయ్ దేవరకొండ!

టాలీవుడ్ రౌడీ హీరో విజయ్ దేవరకొండ సినిమాలతోనే కాకుండా, తన స్టైలిష్ ఫ్యాషన్ లుక్స్‌తోనూ అభిమానులను ఆకట్టుకుంటున్నారు. 'అర్జున్ రెడ్డి', 'గీత గోవిందం' వంటి హిట్ సినిమాలతో పాన్ ఇండియా గుర్తింపు తెచ్చుకున్న ఆయన, ఇటీవల 'రణబాలి' విజయంతో జోష్‌లో ఉన్నారు. డిసెంబర్‌లో విడుదల కానున్న 'రౌడీ జనార్ధన'పై ఫోకస్ పెట్టారు. తాజాగా ఎయిర్‌పోర్ట్‌లో విజయ్ ధరించిన సింపుల్ అండ్ స్టైలిష్ క్యాజువల్ లుక్ ఇప్పుడు అందరి దృష్టిని ఆకర్షిస్తోంది. మరి ఆయన ధరించిన దుస్తుల ధర ఎంత ఉన్నాయో తెలుసుకుందాం..

జారా టీ-షర్ట్ మరియు వైడ్ లెగ్ ట్రౌజర్స్:

ఈ లేటెస్ట్ ఎయిర్‌పోర్ట్ లుక్ కోసం విజయ్ దేవరకొండ ప్రసిద్ధ ఇంటర్నేషనల్ ఫ్యాషన్ బ్రాండ్ 'జారా'కు చెందిన క్లాసీ హెన్లీ టీ-షర్ట్‌ను ఎంచుకున్నారు. దీని అంచనా ధర సుమారు రూ. 1,990 వరకు ఉంటుంది. దీనికి జోడీగా విజయ్ దేవరకొండ ధరించిన జారా వైడ్ లెగ్ ట్రౌజర్స్ ధర సుమారు రూ.4,990గా ఉంది. ఈ రెండింటి కలయిక ఆయనకు ఎంతో కంఫర్టబుల్ , వింటేజ్ ట్రెండీ లుక్‌ను ఇచ్చింది.

కాంగోల్ వూల్ బెరెట్ క్యాప్ మ్యాజిక్:

విజయ్ తన క్యాజువల్ లుక్‌కు క్లాసీ టచ్ ఇచ్చేలా కాంగోల్ బ్రాండ్‌కు చెందిన వూల్ బెరెట్ క్యాప్ ధరించారు. దీని అంచనా ధర రూ.4,500. ఈ క్యాప్ ఆయన ఎయిర్‌పోర్ట్ లుక్‌కు మరింత స్టైలిష్, రాయల్ లుక్‌ను తీసుకొచ్చింది.

ప్రాడా మోనోలిత్ స్నీకర్స్ హైలైట్:

ఈ ఔట్‌ఫిట్‌లో అత్యంత ఖరీదైన ఐటమ్ ప్రాడా మోనోలిత్ స్నీకర్స్. విజయ్ దేవరకొండ ధరించిన ఈ స్టైలిష్ ఫుట్‌వేర్ అంచనా ధర సుమారు రూ1,25,000. ఇవి ఆయన ఎయిర్‌పోర్ట్ లుక్‌కు మరింత ట్రెండీ, లగ్జరీ టచ్‌ను ఇచ్చాయి.

యూత్‌కి నిత్యం ఫ్యాషన్ ఐకాన్:

సినిమాలతో బాక్సాఫీస్ వద్ద సందడి చేస్తూనే, బయట తన స్టైలిష్ లుక్స్‌తో విజయ్ దేవరకొండ యూత్‌ను ఆకట్టుకుంటున్నారు. సింపుల్ క్యాజువల్ ఔట్‌ఫిట్‌ను కూడా లగ్జరీగా, ట్రెండీగా ఎలా మార్చుకోవచ్చో తన ఎయిర్‌పోర్ట్ లుక్‌తో మరోసారి చూపించారు.

ఇక మొత్తానికి, తనదైన డ్రెస్సింగ్ స్టైల్‌తో విజయ్ దేవరకొండ ఎప్పటికప్పుడు ట్రెండ్‌సెట్టర్‌గా నిలుస్తున్నారు. ఎయిర్‌పోర్ట్‌లో ఆయన ధరించిన ఖరీదైన క్యాజువల్ ఔట్‌ఫిట్ ఇప్పుడు సోషల్ మీడియాలో వైరల్‌గా మారింది.