ఆ స్టార్ హీరోకి జోడీగా సాహో బ్యూటీ!

బాలీవుడ్‌లో విభిన్నమైన కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న హీరో విక్కీ కౌశల్. ప్రస్తుతం ఆయ‌న అమర్ అశ్వత్థామ వంటి పౌరాణిక - చారిత్రక నేపథ్యం ఉన్న చిత్రాలపై దృష్టి సారించారు. ఈ క్రమంలోనే `మహావతార్` అనే భారీ ప్రాజెక్టును పట్టాలెక్కించబోతున్నారు. ఈ సినిమాలో విక్కీ కౌశ‌ల్ సరసన నటించేందుకు శ్రద్ధా కపూర్‌తో చిత్ర బృందం సంప్రదింపులు జరుపుతున్నట్లు సమాచారం. ఈ ప్ర‌చారంతో అభిమానుల్లో సరికొత్త కాంబినేషన్ పై ఆసక్తి నెలకొంది. ఇప్ప‌టి వ‌ర‌కూ విక్కీ కౌశల్ - శ్రద్ధా కపూర్ ఇంతవరకు వెండితెరపై కలిసి నటించలేదు. ఇద్దరూ తమదైన శైలిలో నటనను పండించగల ప్రతిభావంతులు.

`సాహో` చిత్రంతో తెలుగు ప్రేక్షకులకు కూడా దగ్గరైన శ్రద్ధ గ్లామర్ పాత్రలతో పాటు నటనకు ప్రాధాన్యత ఉన్న పాత్రలను చేయడంలో దిట్ట. విక్కీ కౌశల్ పీరియాడిక్ లుక్స్‌లో పరకాయ ప్రవేశం చేస్తారనే పేరుంది. ఈ నేప‌థ్యంలో ఇద్దరూ ఒకే ఫ్రేమ్‌లో కనిపిస్తే ఆ కెమిస్ట్రీ వెండితెరపై అద్భుతమైన మ్యాజిక్‌ను క్రియేట్ చేయ‌డానికి అవ‌కాశం ఉంది. `మహావతార్` చిత్రం భారీ బడ్జెట్‌తో, ఉన్నత‌ సాంకేతిక విలువలతో రూపొందుతోంది. ఇదొక చారిత్రక నేపథ్యం ఉన్న కథ కావడంతో పాత్రల ఎంపిక విషయంలో దర్శకుడు చాలా జాగ్రత్తలు తీసుకుంటున్నారు.

శ్రద్ధా కపూర్ తనదైన రాజసంతో ఈ చిత్రంలోని పాత్రకు పూర్తి న్యాయం చేస్తుందని భావించి ఆమెను సంప్ర దించినట్లు తెలుస్తోంది. ఇప్పటికే ప్రాథమిక చర్చలు ముగిశాయని త్వరలోనే అధికారిక ప్రకటన వచ్చే అవకాశం ఉందని బాలీవుడ్ వర్గాల సమాచారం. సాధారణంగా పెద్ద సినిమాల్లో కొత్త కాంబినేషన్లు ప్రేక్షకులను థియేటర్లకు రప్పించడంలో కీలక పాత్ర పోషిస్తాయి. రొటీన్ జంటల కంటే ఎప్పుడూ చూడని నటీనటులు కలిసి నటిస్తే ఆ సినిమాకు వచ్చే క్రేజ్ వేరుగా ఉంటుంది. విక్కీ కౌశల్ సీరియస్ పర్ఫార్మెన్స్‌కు శ్రద్ధా కపూర్ చరిష్మా తోడైతే అది సినిమాకు విజువల్ పరంగా , మార్కెట్ పరంగా ప్లస్ అవుతుంది. ఈ ప్రాజెక్ట్ ఖరారైతే ఏడాది బాలీవుడ్ నుండి రాబోయే క్రేజీ చిత్రాలలో ఇదొక‌టిగా నిలుస్తుంది.

`మహావతార్` చిత్రం విక్కీ - శ్రద్ధా కెరీర్‌లో ఒక మైలురాయిగా నిలిచే అవకాశం ఉంది. కొత్త కాంబినేషన్లను ఇష్టపడే ప్రేక్షకులకు చిత్రం ఒక విందులా మారుతుంది. పర్ఫెక్ట్ కాస్టింగ్ కుదిరినప్పుడే సగం విజయం లభిస్తుందని నమ్మే మేకర్స్ ఈ జోడీని వెండితెరపై ఎలా ఆవిష్కరిస్తారో చూడాలి. శ్రద్ధా కపూర్ సైతం ఈ ప్రాజెక్ట్ పట్ల సానుకూలంగా ఉన్నట్లు తెలుస్తోంది. అమ్మ‌డు రెండేళ్ల‌గా ఎలాంటి సినిమాలు చేయ‌ని సంగ‌తి తెలిసిందే. భారీ విజ‌యాలు అందుకున్న నేప‌థ్యంలో క‌థ‌ల విష‌యంలో ఆచితూచి అడుగులు వేస్తోంది. ఈ క్ర‌మంలో `మ‌హావ‌తార్` లాంటి ప్రాజెక్ట్ లో ఛాన్స్ ఖ‌రారైతే? తాను అనుకున్న‌ది సాధించిన‌ట్లే.