వరుణ్ తేజ్ లైనప్.. ఆశలన్నీ ఈ రెండు సినిమాలపైనే..

మెగా ప్రిన్స్ వరుణ్ తేజ్ కు మంచి సాలిడ్ హిట్ అవసరం ఉంది. ఆయన గత కొన్నేళ్లుగా చేసిన సినిమాలన్నీ బాక్సాఫీస్ వద్ద చతికిలపడ్డాయి. మట్కా, గాంఢీవదారి అర్జున, ఆపరేషన్ వాలెటైంన్ ఇలా సినిమాలన్నీ ఆనుకున్న రీతిలో ఫలితం దక్కించుకోలేకపోయి. ఈ సినిమాల ప్రొడ్యూసర్లు సైతం భారీ మొత్తంలోనే లాస్ అయ్యారు. దీంతో వరుణ్ మార్కెట్ కూడా పడిపోయింది.

ఇక ప్రస్తుతం వరుణ్ ఆశలన్నీ మేర్లపాక గాంధీ సినిమాపైనే ఉన్నాయి. లవ్ హార్రర్, కామెడీ జానర్ లో ఇది తెరకెక్కుతుంది. ఇదొక కొరియన్ డ్రామా. ఈ సినిమా కొరియన్ కనకరాజుగా ప్రేక్షకుల ముందుకు రానుంది. గాంధీ మేర్లపాక దర్శకత్వంపై ప్రేక్షకుల్లో కూడా అంచనాలు భారీగానే ఉన్నాయి.

ప్రస్తుతం శరవేగంగా షూటింగ్ జరుపుకుంటున్న ఈ సినిమా చివరి దశలో ఉంది. త్వరలోనే ఈ సినిమా రిలీజ్ పై క్లారిటీ, అప్డేట్లు వచ్చే అవకాశం ఉంది. ఇది కాకుండా మరో సినిమాకు కూడా వరుణ్ సంతకం చేశాడు. విక్రమ్ సిరికొండ దర్శకత్వం వహించనున్నారు. ఈ ప్రాజెక్ట్ కు టైటిల్ ఖరారు కాలేదు. సినిమా కూడా మొదలు అవ్వలేదు.

ఇది ఒక ప్రేమ కథగా తెరకెక్కనుందని అంటున్నారు. అయితే గత కొన్ని నెలలుగా ఈ ప్రాజెక్ట్ ను మేకర్స్ హోల్డ్‌ లో ఉంచారు. కానీ రీసెంట్ గా ప్రముఖ ఓటీటీ ప్లాట్ ఫామ్ నెట్‌ ఫ్లిక్స్ ఈ చిత్రం డిజిటల్ హక్కులను సొంతం చేసుకుంది. దీంతో ఈ సినిమా మళ్లీ లైమ్ లైట్ లోకి వచ్చింది. ప్రస్తుతం ప్రీ- ప్రొడక్షన్ పనులు జరుగుతున్నాయి. ఈ సంవత్సరం దసరా పండగ తర్వాత పూజా కార్యక్రమాలు, షూటింగ్ ఫార్మాలిటీలు ప్రారంభం అవుతాయి. భారీ నిర్మాత సంస్థ మైత్రి మూవీ మేకర్స్ ఈ నిర్మించనున్నారు.

త్వరలోనే ఈ చిత్రం గురించి మరిన్ని వివరాలు అధికారికంగా ప్రకటిస్తారు. ఈ సినిమా చిత్రీకరణ ఎక్కులగా అమెరికాలో జరగనుంది. ఇది వరుణ్ ఫ్యాన్స్ కు గుడ్ న్యూస్ అనే చెప్పాలి. గత కొన్నేళ్లుగా వరుస పరాజయాలు ఎదురవుతున్న వరుణ్ కు ఈ రెండు సినిమాల విజయాలు కెరీర్ కు బూస్ట్ ఇవ్వనున్నాయి.