త్రిష వైరల్ పోస్ట్ మధ్య సుచిత్ర ఫైర్!

తమిళనాడు రాజకీయాల్లో విజయ్ ముఖ్యమంత్రిగా కొత్త ప్రయాణం మొదలుపెట్టిన వేళ, సినీ వర్గాల్లో ఒక ఆసక్తికరమైన వివాదం రాజుకుంది. విజయ్ ప్రమాణ స్వీకారానికి హాజరైన నటి త్రిష, ఇన్ స్టాలో పెట్టిన ఒక పోస్ట్ నెట్టింట వైరల్ అవుతోంది. సరిగ్గా ఇదే సమయంలో సింగర్ సుచిత్ర, త్రిషపై చేసిన సంచలన వ్యాఖ్యలు కోలీవుడ్‌లో పెను తుఫానును సృష్టించాయి. అటు రాజకీయ వేడి, ఇటు వ్యక్తిగత ఆరోపణలతో సోషల్ మీడియా ఇప్పుడు దద్దరిల్లిపోతోంది. ఆ వివరాలు ఇలా వున్నాయి..

విజయ్ ఈవెంట్‌లో త్రిష స్పెషల్ ఎట్రాక్షన్:

చెన్నైలోని జవహర్‌లాల్ నెహ్రూ స్టేడియంలో జరిగిన విజయ్ ప్రమాణ స్వీకార కార్యక్రమం అట్టహాసంగా సాగింది. ఈ వేడుకకు ఎంతో మంది ప్రముఖులు వచ్చినా, అందరి కళ్లూ త్రిష పైనే ఉన్నాయి. ఇక గ్రీన్ కలర్ చీరలో ఆమె ఎంతో హుందాగా కనిపించారు. కార్యక్రమం ముగిసిన తర్వాత త్రిష తన ఫోటోలను షేర్ చేస్తూ.. 'The love is always louder' (ప్రేమ ఎప్పుడూ బిగ్గరగానే వినిపిస్తుంది) అని క్యాప్షన్ ఇచ్చారు. దీంతో విజయ్-త్రిషల మధ్య ఉన్న స్నేహం గురించి మరోసారి చర్చ మొదలైంది.

సుచిత్ర సంచలన ఆరోపణలు : 'పరాన్నజీవి' అంటూ విమర్శ:

ఇదిలా ఉండగా, తాజాగా త్రిషపై వివాదాస్పద వ్యాఖ్యలకు కేరాఫ్ అడ్రస్‌ సింగర్ సుచిత్ర విరుచుకుపడ్డారు. ఒక ఇంటర్వ్యూలో మాట్లాడుతూ త్రిషను 'పరాన్నజీవి' అని సంబోధించడం అందరినీ షాక్ కు గురిచేసింది. విజయ్ తన భార్య సంగీతకు, తల్లిదండ్రులకు దూరమవ్వడానికి త్రిషతో ఏర్పడిన సాన్నిహిత్యమే కారణమని సుచిత్ర బాహాటంగా ఆరోపించారు. విజయ్ లాంటి స్టార్ ఇలాంటి పరిస్థితుల్లో ఉండటం బాధాకరమని ఆమె పేర్కొన్నారు.

విజయ్ కెరీర్ అండ్ కెమిస్ట్రీ:

విజయ్, త్రిషల కాంబినేషన్ కు కోలీవుడ్‌లో విపరీతమైన క్రేజ్ ఉంది. 'గిల్లి' నుంచి 'లియో' వరకు వీరిద్దరూ ఎన్నో బ్లాక్ బస్టర్ సినిమాల్లో నటించారు. వీరి ఆన్ స్క్రీన్ కెమిస్ట్రీని ఫ్యాన్స్ ఎంతో ఇష్టపడతారు. అయితే ఇక సినిమాల్లోని సాన్నిహిత్యం వ్యక్తిగత జీవితంపై ప్రభావం చూపిస్తోందన్న సుచిత్ర వ్యాఖ్యలు ఇప్పుడు విజయ్ అభిమానులను ఆగ్రహానికి గురిచేస్తున్నాయి. సోషల్ మీడియాలో సుచిత్రకు వ్యతిరేకంగా ఫ్యాన్స్ వార్ మొదలుపెట్టారు.

నెట్టింట జోరుగా సాగుతున్న చర్చ:

ప్రస్తుతం ఒకవైపు విజయ్ రాజకీయ బాధ్యతలు చేపట్టారన్న ఆనందంలో ఉన్న అభిమానులు, మరోవైపు ఈ వ్యక్తిగత ఆరోపణలతో అయోమయానికి గురవుతున్నారు. త్రిష పెట్టిన పోస్ట్ నిజంగా విజయ్ గురించేనా? లేక సుచిత్ర చెప్పిన మాటల్లో నిజమెంత? అన్న కోణంలో నెటిజన్లు రకరకాలుగా విశ్లేషిస్తున్నారు. ఈ వివాదం రోజురోజుకూ ముదురుతూనే ఉంది తప్ప తగ్గేలా కనిపించడం లేదు.

రాజకీయాల్లోకి రావడం అంటే వ్యక్తిగత జీవితంపై కూడా వెలుగు పడటం సహజమే. కానీ విజయ్ లాంటి క్లీన్ ఇమేజ్ ఉన్న వ్యక్తి గురించి ఇలాంటి ఆరోపణలు రావడం చర్చనీయాంశంగా మారింది. ఇక అటు త్రిష సైలెంట్ గా తన స్టైల్లో పోస్ట్లు పెడుతుంటే, సుచిత్ర మాత్రం నిప్పులు చెరుగుతోంది. ఈ ఇష్యూ ఇంకా ఎటు వైపు వెళ్తుందో వేచి చూడాలి. ఏది ఏమైనా విజయ్ పొలిటికల్ ఇన్నింగ్స్ మొదలైన వేళ ఈ రచ్చ సాగుతుండటం విశేషం.