వాళ్ల‌ను గెలుపు ప‌ల‌క‌రించేది ఎప్పుడో?

ర‌వితేజ‌, శ‌ర్వానంద్, గోపీచంద్, అఖిల్,కల్యాణ్ రామ్, అల్ల‌రి న‌రేష్, నితిన్ లాంటి స్టార్లకు కొంత కాలంగా విజ‌యం అందని ద్రాక్ష‌గా మారింది. ఎన్ని సినిమాలు చేస్తున్నా? ఫ‌లితాలు తీవ్ర నిరుత్సాహాన్నే మిగులుస్తున్నాయి. దీంతో గెలుపు గుర్రం ఎక్కేది ఎప్పుడంటూ హీరోలు ఆస‌క్తిగా ఎదురు చూస్తున్నారు. ఇప్ప‌టికే ఆ స్టార్ హీరోల స్థానాల ఆర్డ‌ర్ మారింది. ఆ హీరోల సినిమాలు ప‌దికోట్ల గ్రాస్ కూడా తీసుకుని ప‌రిస్థితుల్లోకి వెళ్లాయి. ఇదే స‌న్నివేశం మ‌రికొంత కాలం కొన‌సాగితే? మార్కెట్ ప‌రంగా మ‌రింత ప్ర‌తికూలత త‌ప్ప‌దు. మూడేళ్ల‌గా ర‌వితేజ విజ‌యం కోసం ఎదురు చూస్తున్నాడు.

`ధ‌మాకా త‌ర్వాత చేసిన సినిమాల‌న్నీ ప్లాప్ అయ్యాయి. తాజాగా రిలీజ్ అయిన `మాస్ జాత‌ర` కూడా తీవ్ర నిరుత్సాహ‌న్నే మిగిల్చింది. త‌దుప‌రి `భ‌ర్త‌మ‌హాశ‌యుల‌`తోనైనా బౌన్స్ బ్యాక్ అవ్వాల‌ని ఎదురు చూస్తున్నాడు. అలాగే మ‌రో యంగ్ శ‌ర్వానంద్ కి `మ‌హానుభావుడు` త‌ర్వాత స‌రైన బ్లాక్ బ‌స్ట‌ర్ ప‌డ‌లేదు. చేసిన సినిమాలేవి క‌లిసి రాలేదు. మ‌ధ్య‌లో ర‌క‌ర‌కాల జాన‌ర్లు ట్రై చేసాడు. అవి నిరుత్సాహ‌ప‌రిచ‌న‌వే. ఈ ఏడాది ఒక్క సినిమా కూడా రిలీజ్ చేయ‌లేదు. దీంతో ఒకేసారి మూడు రిలీజ్ లు ప్లాన్ చేసుకుంటున్నాడు. `బైక‌ర్`, `నారీ నారీ న‌డుమ మురారీ`, `భోగీ` సినిమాలు ఆన్ సెట్స్ లో ఉన్నాయి. ఈ మూడు వ‌చ్చే ఏడాది రిలీజ్ అవుతున్నాయి.

వీటి పై శ‌ర్వా ఎంతో న‌మ్మ‌కంగా ఉన్నాడు. మ్యాచో స్టార్ గోపీచంద్ కి కూడా ప‌క్కా క‌మ‌ర్శియ‌ల్ త‌ర్వాత మ‌రో క‌మర్శియ‌ల్ హిట్ ప‌డ‌లేదు. మూడేళ్ల‌గా విజ‌యం కోసం ఎదురు చూస్తున్నాడు. ఈ క్ర‌మంలో క‌మ‌ర్శియ‌ల్ ప్ర‌య‌త్నాలు ప‌క్క‌న బెట్టి! సంక‌ల్ప్ రెడ్డి తో డిఫ‌రెంట్ సినిమా చేస్తున్నాడు. ఈ సినిమాపై అంచ‌నాలు బాగానే ఉన్నాయి. వ‌చ్చే ఏడాది ఆ సినిమా ప్రేక్ష‌కుల ముందుకు రానుంది. అలాగే అక్కినేని అఖిల్ `మెస్ట్ ఎలిజిబుల్ బ్యాచ్ ల‌ర్` త‌ర్వాత హిట్ ప‌డ‌లేదు. ప్ర‌స్తుతం `లెనిన్` లో న‌టిస్తున్నాడు. ఇప్ప‌టికే రిలీజ్ అయిన ప్ర‌చార చిత్రాల‌తో సినిమాకు మంచి బ‌జ్ క్రియేట్ అవుతుంది.

ఈ సినిమాతో అఖిల్ భారీ హిట్ కొడ‌తాడ‌నే న‌మ్మ‌కాలు బ‌లంగా ఉన్నాయి. నంద‌మూరి వార‌సుడు క‌ల్యాణ్ రామ్ కూడా మూడేళ్ల‌గా విజ‌యం కోసం ఎదురు చూస్తున్నాడు. `బింబిసార` త‌ర్వాత చేసిన‌ సిన‌మాల‌న్నీ ప్లాప్ అయ్యాయి. ప్ర‌స్తుతం కొత్త సినిమా ప‌నుల్లో బిజీగా ఉన్నాడు. ఇక నితిన్ హిట్ చూసి ఐదేళ్లు అవుతుంది. `భీష్మ` త‌ర్వాత అన్నీ ప్లాప్ సినిమాలే చేసాడు. ఏ సినిమా యావ‌రేజ్ గా కూడా ఆడ‌లేదు. జులైలో రిలీజ్ అయిన `త‌మ్ముడు` కూడా డిజాస్ట‌ర్ అయింది. ప్ర‌స్తుతం కొత్త సినిమా ప‌నుల్లో ఉన్నాడు. అలాగే అల్ల‌రి న‌రేష్ ఖాళీ లేకుండా సినిమాలైతే చేస్తున్నాడు గానీ, స‌రైన ఫ‌లితాలు రావ‌డం లేదు. లైన్ లో ఉన్న `12ఏ రైల్వే కాల‌నీ`పై చాలా ఆశ‌లు పెట్టుకున్నాడు. `ఆల్కాహాల్`, `స‌భ‌కు న‌మ‌స్కారం` చిత్రాలు ఆన్ సెట్స్ లో ఉన్నాయి.