నానితోనే మళ్లీ ఆ డైరెక్టర్..?

టాలీవుడ్ లో ప్రస్తుతం వరుస సినిమాలు వాటికి తగినట్టుగానే వరుస హిట్లు కొడుతున్న హీరోల్లో న్యాచురల్ స్టార్ నాని కూడా ఉన్నాడు. దసరా, హాయ్ నాన్న సినిమాల హిట్లతో లాస్ట్ ఇయర్ ఇండస్ట్రీకి తన కంట్రిబ్యూషన్ ఇచ్చేసిన నాని ఈ ఇయర్ కూడా అందుకు తగినట్టుగానే ప్లాన్ చేసుకున్నాడు. నాని ప్రస్తుతం వివేక్ ఆత్రేయ డైరెక్షన్ లో సినిమా చేస్తున్నాడు. సరిపోదా శనివారం అంటూ రాబోతున్న ఈ సినిమాలో ప్రియాంక అరుల్ మోహన్ హీరోయిన్ గా నటిస్తుంది.

ఈ సినిమా తర్వాత సుజిత్ డైరెక్షన్ లోనే సినిమా ఉంటుందని తెలుస్తుంది. రీసెంట్ గా నాని బర్త్ డే కానుకగా నాని సుజిత్ కాంబో మూవీని అనౌన్స్ చేశారు. ఇదిలాఉంటే నానితో తీసిన డైరెక్టర్ మళ్లీ నానినే కావాలని అంటున్నారు. నానితో దసరా లాంటి బ్లాక్ బస్టర్ హిట్ కొట్టిన దర్శకుడు శ్రీకాంత్ ఓదెల మళ్లీ నానితోనే సినిమా చేయాలని చూస్తున్నాడట. ఇదే క్రమంలో నానితో శ్యామ్ సింగ రాయ్ సినిమా చేసి హిట్ అందుకున్న డైరెక్టర్ రాహుల్ సంకృత్యన్ కూడా నానినే తన నెక్స్ట్ హీరో అనేస్తున్నాడు.

అసలైతే రాహుల్ ఈమధ్య నందమూరి బాలకృష్ణకు ఒక కథ వినిపించాడని ఆయన నుంచి రెస్పాన్స్ కోసం వెయిట్ చేస్తున్నాడని అన్నారు. అయితే రాహుల్ బాలయ్య కాంబో కుదరకపోతే మరోసారి శ్యామ్ సింగ రాయ్ కలయికలో సినిమా చేయాలని ప్లాన్ చేస్తున్నారట. ఇప్పటికే నాని కోసం ఒక అద్భుతమైన కథ రెడీ చేశాడట రాహుల్. త్వరలోనే నానిని కలిసి కథ చెప్పేందుకు చూస్తున్నాడట.

నాని సరిపోదా శనివార పూర్తి చేయడం ఆలస్యం సుజిత్ సినిమా సెట్స్ మీదకు వెళ్తుంది. ఇక అది పూర్తి చేశాక శ్రీకాంత్ ఓదెల లైన్ లో ఉన్నాడు. మరి రాహుల్ తో సినిమా ఎప్పటికి కుదురుతుందో చూడాలి. బాలయ్య ఛాన్స్ ఇస్తే ముందు ఆయనతో సినిమా చేసి ఆ తర్వాత నానితో సినిమా చేయాలని చూస్తున్నాడు రాహుల్. మరి శ్యామ్ సింగ రాయ్ డైరెక్టర్ నెక్స్ట్ ఎవరితో చేస్తాడన్నది ఆసక్తికరంగా మారింది. బాలకృష్ణ ఓకే అంటే 109వ సినిమా తర్వాత వెంటనే సెట్స్ మీదకు వెళ్తుంది. కానీ నాని తో అంటేనే మరో ఏడాది దాకా రాహుల్ వెయిట్ చేయాల్సి ఉంటుంది.