తేజ సజ్జా.. ఈసారి సీక్రెట్ హిస్టరీతో..

స్టార్ హీరోగా హనుమాన్ సినిమాతో మంచి గుర్తింపు అందుకున్న తేజ సజ్జా ఇప్పుడు మరికొన్ని క్రేజీ ప్రాజెక్టులను లైన్లో పెడుతున్నాడు. పాన్ ఇండియా రేంజ్ లో సక్సెస్ అందుకున్న తర్వాత అతనికి ప్రముఖ ప్రొడక్షన్స్ నుంచి మంచి ఛాన్స్ లు వస్తున్నాయి. ఇక తేజ సజ్జా కూడా కథల విషయంలో చాలా జాగ్రత్తగా అడుగులు వేస్తున్నట్లు తెలుస్తోంది. రొటీన్ కమర్షియల్ సినిమాలు ఏ మాత్రం టచ్ చేయకుండా వీలైనంత ఎక్కువగా ఎవరికీ తెలియని పాయింట్స్ ను సెలెక్ట్ చేసుకున్నట్లు అనిపిస్తోంది.

పాన్ ఇండియా రేంజ్ లో క్రేజ్ రావడంతో నిర్మాతలు కూడా తేజ కోసం అలాంటి కధలే సెట్ చేసే ప్రయత్నం చేస్తూ ఉన్నారు. ఇక నెక్స్ట్ ఈ హీరో నుంచి రాబోయే సినిమాలలో ఒకదాన్ని పీపుల్స్ మీడియా ఫ్యాక్టరీ నిర్మిస్తోంది. ఆ సినిమాకు సంబంధించిన అనేక రకాల గాసిప్స్ ఇదివరకే వైరల్ అయ్యాయి. రీసెంట్ గా అఫీషియల్ గా ఒక ప్రత్యేకమైన పోస్టర్ ను కూడా విడుదల చేశారు.

మరో క్రేజీ అప్డేట్ కూడా రెండు రోజుల్లో రాబోతోంది.. అంటూ అందులో వివరణ ఇచ్చే ప్రయత్నం చేశారు. అంతేకాకుండా చారిత్రక అంశతోనే ఆ సినిమా రాబోతున్నట్లుగా తెలుస్తోంది. ఇక ఈ సినిమాను డైరెక్ట్ చేసేది మరేవరో కాదు.. రాలేటెడ్ యువ దర్శకుడు కార్తీక్ ఘట్టమనేని. చరిత్రను తిరగరాసే రహస్యం అంటూ ఒక అద్భుతమైన క్యాప్షన్ తో ఆసక్తికరమైన పోస్టర్లను విడుదల చేశారు.

అందులో ప్రతి చరిత్రకు ఒక సీక్రెట్ ఉంటుంది అని, కానీ ఈ సీక్రెట్ లో ఒక చరిత్ర ఉంది అంటూ పోస్టర్లో వివరణ ఇచ్చారు. ఈ సినిమాకు సూపర్ యోధ అనే టైటిల్ సెట్ చేసినట్లుగా తెలుస్తోంది. ఈనెల 15వ తేదీన మరొక అప్డేట్ ద్వారా మరిన్ని వివరాలను తెలియజేయనున్నారు. మరొక ఆసక్తికరమైన విశేషం ఏమిటి అంటే మంచు మనోజ్ ఇందులో విలన్ గా కనిపించబోతున్నట్లుగా తెలుస్తోంది.

ఆ విషయంలో కూడా త్వరలోనే ఒక అప్డేట్ రాబోతోంది. మంచు మనోజ్ నెగిటివ్ షేడ్స్ లో కనిపిస్తే మాత్రం తప్పకుండా సినిమాకు హై లెవెల్లో హైప్ క్రియేట్ అయ్యే అవకాశం ఉంటుంది. అంతేకాకుండా మలయాళం టాలెంటెడ్ హీరో దుల్కర్ సల్మాన్ కూడా ఒక ఇంపార్టెంట్ పాత్రలో అరగంట కనిపిస్తాడని కూడా కథనాలు వెలువడుతున్నాయి. మరి ఇది ఎంతవరకు నిజమో తెలియాలి అంటే మరి కొన్ని రోజులు ఆగాల్సిందే.