SSMB29: ఓ లీక్ వదిలిన తనయుడు
ఇప్పటికే ఈ గ్లోబ్ ట్రాటింగ్ అడ్వెంచర్ షూటింగ్ మొదలై, నిత్యం హెడ్లైన్స్లో నిలుస్తోంది. ఇప్పుడు, ఈ ప్రాజెక్ట్కు సంబంధించి మరో ఇంట్రెస్టింగ్ అప్డేట్ బయటకు వచ్చింది.;
గ్లోబల్ డైరెక్టర్ ఎస్.ఎస్. రాజమౌళి, సూపర్ స్టార్ మహేష్ బాబు.. ఈ కాంబినేషన్ అనౌన్స్ అయినప్పటి నుంచే ఇండియన్ సినిమా మొత్తం ఒకటే వైబ్రేషన్. ఎప్పుడెప్పుడు ఈ సినిమా మొదలవుతుందా, ఎలా ఉండబోతోందా అని ఫ్యాన్స్తో పాటు యావత్ సినీ ప్రపంచం ఆసక్తిగా ఎదురుచూస్తోంది. ఇప్పటికే ఈ గ్లోబ్ ట్రాటింగ్ అడ్వెంచర్ షూటింగ్ మొదలై, నిత్యం హెడ్లైన్స్లో నిలుస్తోంది. ఇప్పుడు, ఈ ప్రాజెక్ట్కు సంబంధించి మరో ఇంట్రెస్టింగ్ అప్డేట్ బయటకు వచ్చింది.
రాజమౌళి సినిమాలంటే కేవలం విజువల్స్, యాక్షన్ మాత్రమే కాదు, సంగీతం కూడా ఒక ప్రాణం. ఆయన సినిమాల్లో పాటలు, నేపథ్య సంగీతం కథతో పాటు ప్రయాణిస్తూ, ఎమోషన్స్ను పీక్స్కు తీసుకెళ్తాయి. 'బాహుబలి', 'RRR' చిత్రాల ఆస్కార్ విన్నింగ్ మ్యూజిక్కే దీనికి నిదర్శనం. అందుకే, జక్కన్న తన సినిమాల మ్యూజిక్పై ఎంతో శ్రద్ధ పెడతారు. షూటింగ్ మొదలవ్వకముందే మ్యూజిక్ సిట్టింగ్స్ మొదలుపెట్టడం ఆయనకు అలవాటు.
ఇప్పుడు SSMB29 విషయంలోనూ అదే జరుగుతోంది. ఈ సినిమా మ్యూజిక్ పనులు అప్పుడే మొదలయ్యాయని, ఆస్కార్ విన్నర్ ఎం.ఎం. కీరవాణి తనయుడు, యంగ్ కంపోజర్ కాల భైరవ ఓ లీక్ ఇచ్చాడు. రోషన్ కనకాల 'మౌగ్లీ 2025' ఫస్ట్ సింగిల్ లాంచ్ ఈవెంట్లో మాట్లాడుతూ, కాల భైరవ ఈ క్రేజీ అప్డేట్ను బయటపెట్టారు. ఇది మహేష్ బాబు ఫ్యాన్స్కు డబుల్ ట్రీట్ ఇచ్చింది.
కాల భైరవ చెప్పిన దాని ప్రకారం, ఎం.ఎం. కీరవాణి ఇప్పటికే SSMB29 పాటల రికార్డింగ్ను మొదలుపెట్టేశారు. అంతేకాదు, ఈ మ్యూజికల్ జర్నీలో తాను కూడా ఒక చిన్న భాగం పంచుకుంటున్నట్లు కాల భైరవ తెలిపారు. ఇది చాలా ఆసక్తికరమైన విషయం. ఆస్కార్ విన్నర్ అనుభవానికి, యంగ్ జనరేషన్ కంపోజర్ ఫ్రెష్ ఐడియాస్ తోడైతే, ఆల్బమ్ ఏ రేంజ్లో ఉండబోతోందో ఊహించుకోవచ్చు.
సినిమా షూటింగ్ ఇంకా కొనసాగుతుండగానే, పాటల రికార్డింగ్ మొదలుపెట్టారంటే, రాజమౌళి ప్లానింగ్, విజన్ ఏ స్థాయిలో ఉందో అర్థం చేసుకోవచ్చు. ఇది ఒక హాలీవుడ్ రేంజ్ సినిమా కాబట్టి, వివిధ ప్రాంతాలకు, సంస్కృతులకు తగ్గట్టుగా విభిన్నమైన సంగీతం అవసరం అవుతుంది. బహుశా, అందుకే కీరవాణి ముందుగానే రంగంలోకి దిగిపోయారు. ఈ ప్రాజెక్ట్ ఎంత భారీగా ఉండబోతోందో చెప్పడానికి ఈ ఒక్క విషయం చాలు.
ప్రియాంక చోప్రా, పృథ్వీరాజ్ సుకుమారన్ వంటి పాన్-ఇండియన్ స్టార్లు కూడా నటిస్తున్న ఈ చిత్రాన్ని, దుర్గా ఆర్ట్స్ బ్యానర్పై కె.ఎల్. నారాయణ అత్యంత భారీ బడ్జెట్తో నిర్మిస్తున్నారు. ఇక సినిమాకు సంబంధించిన ఫస్ట్ అప్డేట్ ని నవంబర్ మొదటివారంలోనే ప్లాన్ చేస్తున్నట్లు తెలుస్తోంది.