శ్రీనివాస మంగాపురం.. రఫ్ యాక్షన్ లో ఇలా కూడా..

డైరెక్టర్ అజయ్ భూపతి మేకింగ్ లో ఒక ప్రత్యేకత ఉంటుంది. ఆయన కథల్లో రా అండ్ రస్టిక్ యాక్షన్ ఎంత బలంగా ఉంటుందో, హీరో హీరోయిన్ల మధ్య ఉండే రొమాంటిక్ ట్రాక్ కూడా అంతే ఇంటెన్స్ గా ఉంటుంది. మొదటి సినిమా 'ఆర్ఎక్స్ 100' నుంచి ఆయన ఇదే ఫార్ములాను ఫాలో అవుతున్నారు. ఇప్పుడు శ్రీనివాస మంగాపురం సినిమా విషయంలో కూడా అదే మార్క్ ఎమోషన్ ను నమ్ముకున్నట్లు కనిపిస్తోంది. సినిమాలో హై డోస్ యాక్షన్ ఉన్నప్పటికీ, ప్రమోషన్స్ లో భాగంగా రిలీజ్ చేసిన ఉక్కిరి బిక్కిరి సాంగ్ మాత్రం జనాలకు ఒక మంచి ఫీల్ ఇస్తోంది.

ఈ సినిమా మెయిన్ థీమ్ ఒక ఇంటెన్స్ లవ్ స్టోరీ అని, దాన్ని అత్యంత అందమైన రూపంలో చూపిస్తున్నామని మేకర్స్ ఇదివరకే ఒక క్లారిటీ ఇచ్చారు. అంటే కథలో ఎంత డీప్ ఎమోషన్ అండ్ యాక్షన్ ఉన్నా, లవ్ ట్రాక్ ను మాత్రం చాలా ప్లెజెంట్ గా ప్రెజెంట్ చేస్తున్నారని అర్థమవుతోంది. ఉక్కిరి బిక్కిరి పాట చూస్తే ఈ విషయం స్పష్టంగా తెలుస్తుంది. పచ్చని ప్రకృతి మధ్య విజువల్స్, అందులోని ఫీల్ గుడ్ వైబ్ ప్రేక్షకులను ఆకట్టుకునేలా ఉన్నాయి.

ఒక పక్క రా అండ్ హై డోస్ యాక్షన్ సీన్స్ పెడుతూనే, మరోపక్క ఇలాంటి కూల్ మెలోడీని వదలడం వెనుక ఒక పక్కా ప్లానింగ్ ఉన్నట్లు తెలుస్తోంది. సినిమా అంతా ఒకే రకమైన సీరియస్ మూడ్ లో ఉంటే ఆడియన్స్ కి కాస్త బరువుగా అనిపించవచ్చు. అందుకే యాక్షన్ సీన్స్ మధ్యలో ఇలాంటి స్వచ్ఛమైన ప్రేమకథను చూపిస్తే థియేటర్లలో మంచి బ్యాలెన్స్ ఉంటుంది. ప్రేక్షకుల మైండ్ కు ఒక రిలీఫ్ ఇవ్వాలనే ఉద్దేశంతోనే ఈ సాంగ్ ద్వారా ఒక ఫీల్ గుడ్ వాతావరణాన్ని క్రియేట్ చేశారని అనిపిస్తోంది.

ఇందులో హీరో పేరు శ్రీను, హీరోయిన్ పేరు మంగ. ఈ పేర్లు వినగానే పక్కా లోకల్ విలేజ్ ఫ్లేవర్ గుర్తొస్తుంది. అయితే ఇంత రఫ్ బ్యాక్ డ్రాప్ లో, కత్తులు నెత్తురు మధ్య కూడా ఇలాంటి ప్రేమ కథ ఉందా అని ఆడియన్స్ ఫీల్ అయ్యేలా ఈ లవ్ ట్రాక్ ను డిజైన్ చేశారు. చుట్టూ ఎంత వయొలెన్స్ ఉన్నా, ఈ ఇద్దరి మధ్య వచ్చే సీన్స్ మాత్రం ఒక స్వచ్ఛమైన అనుభూతిని ఇస్తాయని డైరెక్టర్ నమ్ముతున్నాడు. ఆ నమ్మకమే ఇప్పుడు ఈ పాటలో విజువల్స్ రూపంలో బయటకు వచ్చింది.

జివి ప్రకాష్ కుమార్ మ్యూజిక్ బాగా ప్లస్ అయ్యేలా కనిపిస్తోంది. ఎంత ఇంటెన్స్ డ్రామాను అయినా తన మ్యూజిక్ తో బ్యాలెన్స్ చేయడం ఆయనకు బాగా తెలుసు. ఈ పాటలో కూడా తన మార్క్ స్వరాలతో కథలోని ఎమోషనల్ డెప్త్ ను చాలా అందంగా చూపించారు. లొకేషన్స్, కాస్ట్యూమ్స్ అన్నీ కూడా సినిమాలోని రా యాక్షన్ ను బ్యాలెన్స్ చేస్తూ విజువల్ గా మంచి లుక్ తీసుకొచ్చాయి. ఇక జనాలకు ఒక కూల్ వైబ్ ఇచ్చి, థియేటర్లో మాత్రం ఇంటెన్స్ ఎమోషన్ తో కట్టిపడేయాలనే ఈ స్ట్రాటజీ ఎంతవరకు వర్కౌట్ అవుతుందో చూడాలి. జూలై 30న ఈ సినిమా థియేటర్లలోకి రాబోతోంది.