ప్రీ రిలీజ్ ఈవెంట్‌లో శ్రీవిష్ణు క్రియేటివ్ ఎంట్రీ!

టాలీవుడ్ కింగ్ ఆఫ్ ఎంటర్‌టైన్‌మెంట్ శ్రీవిష్ణు మరోసారి తన క్రియేటివిటీతో అందరినీ ఆశ్చర్యపరిచారు. ఆయన నటించిన లేటెస్ట్ మూవీ 'విష్ణు విన్యాసం' ప్రీ-రిలీజ్ ఈవెంట్‌లో శ్రీవిష్ణు, హీరోయిన్ నయన్ సారిక కలిసి సోషల్ మీడియాలో ట్రెండ్ అవుతున్న వైరల్ కోతి బొమ్మతో గ్రాండ్ ఎంట్రీ ఇచ్చారు. ఈ విభిన్నమైన ప్రమోషన్ స్టైల్ ఇప్పుడు ఇంటర్నెట్‌లో హాట్ టాపిక్‌గా మారింది. ఫిబ్రవరి 27న విడుదల కాబోతున్న ఈ సినిమాపై ఈ ఈవెంట్ అంచనాలను అమాంతం పెంచేసింది. వివరాలలోకి వెళితే ..

వైరల్ కోతి బొమ్మతో సందడి:

సోషల్ మీడియాలో ఈ కోతి పిల్ల వీడియో ఎంతగా ట్రెండ్ అవుతుందో గమనించిన హీరో శ్రీవిష్ణు, తన 'విష్ణు విన్యాసం' ప్రీ-రిలీజ్ ఈవెంట్ కోసం అలాంటి కోతి బొమ్మను తోడుగా తెచ్చుకున్నారు. ఇక ఎప్పుడూ వినూత్నంగా ఆలోచించే శ్రీవిష్ణు, ఈ వైరల్ ట్రెండ్‌ను తన సినిమా ప్రమోషన్‌కు వాడుకోవడం విశేషం. జపాన్ జూలోని ఆ చిట్టి కోతి వీడియో చూసిన వారికి, శ్రీవిష్ణు చేతిలో ఉన్న ఆ బొమ్మను చూడగానే వెంటనే ఆ ఎమోషనల్ స్టోరీ గుర్తుకొచ్చింది. క్రియేటివ్ ప్రమోషన్స్‌లో శ్రీవిష్ణు తర్వాతే ఎవరైనా అని ఈ ఘటన మరోసారి నిరూపించింది.

అంచనాలకు తగ్గట్టుగా కొత్త డేట్:

వాస్తవానికి ఈ సినిమా ఫిబ్రవరి 28న విడుదల కావాల్సి ఉంది. కానీ సినిమాపై వస్తున్న పాజిటివ్ బజ్ మరియు అంచనాలను దృష్టిలో ఉంచుకుని మేకర్స్ ఒక రోజు ముందే, అంటే ఫిబ్రవరి 27నే థియేటర్లలోకి తీసుకురావాలని నిర్ణయించుకున్నారు. ఇక రిలీజ్ డేట్ పోస్టర్‌లో శ్రీవిష్ణు పాత తేదీని మారుస్తూన్న తీరు సినిమాలోని ఎంటర్‌టైన్‌మెంట్‌ను ప్రతిబింబిస్తోంది. యదునాథ్ మారుతీ రావు దర్శకత్వంలో తెరకెక్కిన ఈ హిలేరియస్ జాయ్‌రైడ్ ప్రేక్షకులకు ఫుల్ లెంగ్త్ వినోదాన్ని పంచడం ఖాయమని చిత్ర యూనిట్ ధీమా వ్యక్తం చేస్తోంది.

సుమంత్ నాయుడు జి నిర్మించిన ఈ చిత్రం శ్రీవిష్ణు కెరీర్‌లో మరో గుర్తుండిపోయే సినిమా అవుతుందని టాక్ వినిపిస్తోంది. శ్రీవిష్ణు తన కామెడీ టైమింగ్‌తో ఈ చిత్రంలో అదరగొట్టేశారని, నయన సారికతో అతని కెమిస్ట్రీ క్యూట్‌గా ఉంటుందని ఈవెంట్ చూస్తే అర్థమవుతోంది. ఇక ప్రీ-రిలీజ్ ఈవెంట్‌లో ఈ వైరల్ కోతి బొమ్మను వాడటం ద్వారా సినిమా ఎంత ఫన్నీగా ఉండబోతుందో హింట్ ఇచ్చేశారు. ఈ విభిన్నమైన విన్యాసాలతో బాక్సాఫీస్ వద్ద శ్రీవిష్ణు ఎలాంటి మ్యాజిక్ చేస్తారో చూడాలని సినీ ప్రియులు ఆసక్తిగా ఎదురుచూస్తున్నారు.