ఎవరెన్ని కామెంట్స్ చేసినా.. శ్రీవిష్ణు రూటే వేరు..

టాలీవుడ్‌ లో హీరోగా రాణించాలంటే భారీ యాక్షన్ సీన్లు, మాస్ డైలాగ్స్, కమర్షియల్ ఎలిమెంట్స్ ఉండాల్సిందేనని చాలామంది భావిస్తుంటారు. కానీ కొందరు హీరోలు మాత్రం వాటికి దూరంగా ఉంటూ సినీ ప్రియులను అట్రాక్ట్ చేస్తుంటారు. అందులో శ్రీవిష్ణు ఒకరు. స్టోరీలో కొత్తదనం, మాటల్లో చమత్కారం, కామెడీలో తనదైన టైమింగ్‌ తో ఆయన ప్రత్యేక గుర్తింపు తెచ్చుకున్నారు. ముఖ్యంగా వేరే మూవీస్ పై సెటైర్లు వేయడంలో, ప్రస్తుత ట్రెండ్స్‌ ను కామెడీగా మార్చడంలో ఆయన టాలెంటే వేరు.

శ్రీవిష్ణు సినిమాలను అబ్జర్వ్ చేస్తే ఆయన కామెడీకి ఎక్కువ ఇంపార్టెన్స్ ఇస్తారని అర్థమవుతుంది. పెద్ద పెద్ద డైలాగులు చెప్పడం, గట్టిగా అరుస్తూ నవ్వించడం కాకుండా.. చిన్న మాటతోనే ప్రేక్షకులను నవ్వించగలగడం ఆయన స్పెషాలిటీ. సీన్ కు తగ్గట్టుగా ఆయన చెప్పే కౌంటర్లు థియేటర్లలో నవ్వులు పూయిస్తుంటాయి. అందుకే ఆయన సినిమాల్లో కామెడీ సీన్లకు మంచి గుర్తింపు ఉంది.

ఇటీవల రిలీజైన కామ్రేడ్ కళ్యాణ్ సినిమాలో కూడా సూపర్ కామెడీ ఉంది. పుష్పరాజ్, ఆచార్య ధర్మస్థలి వంటి ఎలిమెంట్స్ తీసుకుని చేసిన స్పూఫ్‌ లు ప్రేక్షకుల దృష్టిని ఆకర్షించాయి. ఇతర సినిమాల్లోని సీన్స్ గుర్తు చేస్తూ నవ్వించడం కొత్త విషయమేమీ కాదు. అయితే వాటిని కథలో భాగంగా, సరైన సమయంలో ఉపయోగిస్తేనే మంచి రిజల్ట్ ఉంటుంది. శ్రీవిష్ణు ఇలాంటి సన్నివేశాల్లో తన టైమింగ్‌ తో నవ్వులు పండించేందుకు ప్రయత్నిస్తుంటారు.

ఇక్కడ మరో ముఖ్యమైన విషయం ఏమిటంటే.. ఆయన కామెడీ కోసం ప్రత్యేకంగా భారీ హంగులు అవసరం లేదు. సన్నివేశంలో ఉన్న పరిస్థితిని అర్థం చేసుకుని, దానికి తగ్గట్టు స్పందించడం ద్వారా నవ్వులు పండిస్తారు. 'సామజవరగమన', 'బ్రోచేవారెవరురా' వంటి సినిమాల్లోనూ ఇలాంటి కామెడీకి ఇంపార్టెన్స్ కనిపిస్తుంది. ముఖ్యంగా ఎదుటివారు చెప్పే మాటలకు ఆయన ఇచ్చే సమాధానాలు, అమాయకంగా కనిపిస్తూనే వేసే కౌంటర్లు ప్రేక్షకులను ఆకట్టుకుంటాయి.

అయితే శ్రీవిష్ణు.. అవసరమైతే తన రోల్ పైనే జోకులు వేసుకుంటూ నవ్వులు పండిస్తుంటారు. కథకు ఏది అవసరమో దానికి తగ్గట్టుగా నటించడానికే ఇంపార్టెన్స్ ఇస్తారు. అందుకే ఆయన సినిమాల్లో హీరోయిజం కంటే పాత్ర, కథ, ఎంటర్టైన్మెంట్ ఎక్కువగా కనిపించే సందర్భాలు ఉన్నాయి. అయితే ప్రతి సినిమా ఒకే స్థాయిలో విజయం సాధిస్తుందని చెప్పలేం. కానీ విభిన్న కథలను ఎంచుకోవడం, కామెడీతో ప్రేక్షకులను ఆకట్టుకోవడం విషయంలో శ్రీవిష్ణు తనదైన రూట్ లో వెళ్తున్నారు.

ప్రస్తుతం సోషల్ మీడియాలో ట్రెండింగ్ ఎలిమెంట్స్ ను సినిమాల్లో యూజ్ చేయడం కామన్ అయిపోయింది. అయితే వాటిని కథకు ఇబ్బంది కలగకుండా ఎంటర్టైన్మెంట్ గా మార్చడం అంత ఈజీ కాదు. ఆ విషయంలో శ్రీవిష్ణు లెక్కే వేరని చెప్పాలి. ఎవరెన్ని కామెంట్స్ చేసినా, ఎలాంటి ట్రోల్స్ వచ్చినా.. వాటికి తనదైన కామెడీతో సమాధానం చెప్పడమే ఆయన శైలి. భారీ హంగుల కంటే స్టోరీ, కా