దీపావళి పూజలో సమంత.. ట్రెడిషనల్ లుక్‌కు ఫ్యాన్స్ ఫిదా
| ఈ సీజన్ లో అందరికీ శుభాకాంక్షలు చెబుతూ.. ప్రతి రోజు ఒక సంబరంలా గడుపుదామని కోరుకుంటూ ఒక సందేశాన్ని పంచుకుంది.
స్టార్ హీరోయిన్ సమంత మరోసారి సోషల్ మీడియాలో తన కొత్త లుక్ తో మెరిసిపోయింది. దీపావళి సందర్భంగా ప్రత్యేక పూజల్లో పాల్గొంటూ తన అందమైన ట్రెడిషనల్ లుక్ తో ఫొటోలు పోస్ట్ చేసి, ఫ్యాన్స్ ను ఫిదా చేసింది. ఈ సీజన్ లో అందరికీ శుభాకాంక్షలు చెబుతూ.. ప్రతి రోజు ఒక సంబరంలా గడుపుదామని కోరుకుంటూ ఒక సందేశాన్ని పంచుకుంది.
సమంత ఈ ఫొటోలను సిక్స్ సెన్సెస్ ఫోర్ట్ బర్వారాలో తీసింది. ఆమె కుర్తాలో అందంగా ఆకట్టుకునే విధంగా కనిపించింది. పూజా కార్యక్రమాల్లో పాల్గొంటూ ఆమె దీపం వెలిగిస్తోన్న ఫొటోను పోస్ట్ చేసింది. దీంతో పాటు పూజా మందిరంలో దేవుడికి హారతి అందజేస్తూ మరొక ఫొటోను షేర్ చేసింది. ఈ ఫొటోల్లో సమంత అందంతో పాటు భక్తి భావనతో కూడిన హావభావాలతో తన అభిమానులను అలరించింది.
ఆమె ఫొటోలు మాత్రమే కాకుండా, వేదిక కూడా చాలా అందంగా ఉంది. పూలతో అలంకరించిన రంగోలి, ప్రాచీన శిల్ప కళాకృతులతో ఉన్న దేవాలయం అందరి మనసులను ఆకర్షించింది. ఇది చూసిన తర్వాత నెటిజన్లు ఆమెకు ప్రశంసలు కురిపిస్తూ లైకుల వర్షం కురిపిస్తున్నారు. ప్రస్తుతం బాలీవుడ్ లో పలు వెబ్ సిరీస్ లలో సమంత నటిస్తుండటం తెలిసిందే. 'సిటాడెల్' అనే యాక్షన్ డ్రామా తో నవంబర్ లో ప్రేక్షకుల ముందుకు రానుంది.
అలాగే ఆమె ఒక హిస్టారికల్ బ్యాక్ డ్రాప్ సిరీస్ లో యువరాణి పాత్రలో కనిపించనుంది. అయితే ఈ ట్రెడిషనల్ లుక్ లో ఆమె మరింత అందంగా కనిపిస్తూ.. హార్ట్ విన్నింగ్ ఎక్స్ ప్రెషన్స్ తో ఫ్యాన్స్ కు ఫెస్టివ్ ట్రీట్ ఇచ్చినట్లు చెప్పవచ్చు. కేవలం సినిమాలతోనే కాకుండా డిజిటల్ స్పేస్ లో కూడా సమంత తన సత్తా చాటుతోంది. కానీ ఆమె తెలుగులో కూడా మరో మంచి సినిమా చేయాలని ఫ్యాన్స్ ఆసక్తిగా ఎదురు చూస్తున్నారు.