సలార్.. కరెంట్ షాక్ కధేంటి?

యంగ్ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కి ప్రేక్షకుల ముందుకి వస్తోన్న చిత్రం సలార్. డిసెంబర్ 22న థియేటర్స్ లో ఈ చిత్రం గ్రాండ్ గా రిలీజ్ అవుతోంది. డార్లింగ్ ఫ్యాన్స్ చాలా ఆత్రుతగా ఈ చిత్రం కోసం ఎదురుచూస్తున్నారు. ప్రభాస్ నుంచి బ్లాక్ బస్టర్ హిట్ ని ఫ్యాన్స్ చాలా కాలంగా కోరుకుంటున్నారు.

సలార్ తో ఆ లోటు తీరుతుందని అంచనా వేస్తున్నారు. ఈ సినిమా నుంచి వచ్చిన రెండు ట్రైలర్స్ కూడా మూవీపైన ఎక్స్ పెక్టేషన్స్ పెంచేశాయి. కచ్చితంగా డైనోసర్ బీభత్సాన్ని ఈ చిత్రంలో చూస్తామని అంచనా వేస్తున్నారు. ఇదిలా ఉంటే సలార్ మూవీ రిలీజ్ సందడి ఇలా ఉంటే సోషల్ మీడియాలో చిత్రంపై రకరకాల కొత్త కథలు పుట్టుకొస్తున్నాయి.

ఫ్యాన్స్, మీమర్స్ ఎవరికీ తోచిన విధంగా వారు సలార్ ట్రైలర్ చూసేసి కథలు ఊహించుకుంటున్నారు. ట్రైలర్ లో ప్రభాస్ చిన్న వయస్సులో ఉన్నప్పుడు ఎడమచేతికి కరెంట్ షాక్ కొడుతుంది. అయితే కరెంట్ షాక్ కారణంగా ప్రభాస్ ఎదమచేతికి బలం పెరుగుతుందని, అందులో ట్రైలర్ లో చాలా సీక్వెన్స్ లో ఎడమ చేతిని ఎస్టాబ్లిష్ చేసారని కథలు అల్లెస్తున్నారు.

సినిమాలో ప్రభాస్ లెఫ్ట్ హ్యాండ్ కి సూపర్ పవర్స్ ఉంటాయని ఫోటోలని కూడా పక్క పక్కనే పెట్టి మ్యాచ్ చేస్తూ కొత్త పాయింట్స్ ని తీసుకొచ్చి ప్రచారం చేస్తున్నారు. అలాగే కేజీఎఫ్ లో ఉన్న ఈశ్వరీరావు క్యారెక్టర్ సలార్ లో కూడా ఉంది. ఆమె ఆహార్యం కూడా రెండింటిలో ఒకే విధంగా ఉండటంతో ప్రశాంత్ నీల్ రెండు కథలని ఎక్కడో లింక్ చేసాడని ప్రచారం చేస్తున్నారు.

అయితే ప్రశాంత్ నీల్ టీం మాత్రం ఈ ప్రచారాన్ని ఇప్పటికే ఖండించింది. రెండు స్టొరీలు భిన్నమైన ప్రపంచాలలో జరిగే కథలని చెప్పారు. రెండింటికి అస్సలు పోలిక కూడా ఉండదని క్లారిటీ ఇచ్చారు. అలాగే ప్రశాంత్ నీల్ ఫస్ట్ మూవీ ఉగ్రం రీమేక్ అని చేసిన ప్రచారాన్ని కూడా నిర్మాత విజయ్ కిరంగదూర్ ఖండించారు.