రామ్ చరణ్ ‘పెద్ది’ తో ఫ్యాన్స్ కి స్పెషల్ సర్ప్రైజ్!

మెగా పవర్ స్టార్ రామ్ చరణ్ నుండి వస్తున్నా మాస్ మూవీ పెద్ది. తన కెరీర్‌లో ఎన్నడూ లేని విధంగా ఒక 'రగ్గడ్' మాస్ లుక్‌తో చరణ్ కనిపించనున్నాడు. ఉప్పెన ఫేమ్ బుచ్చిబాబు సానా దర్శకత్వంలో రూపొందుతున్న ఈ భారీ రూరల్ యాక్షన్ డ్రామా ఇప్పుడు సరికొత్త టెక్నాలజీతో ప్రేక్షకులను పలకరించబోతోంది. ఈ సినిమా డాల్బీ సినిమా ప్రీమియం థియేట్రికల్ ఫార్మాట్‌లో విడుదల కానుండటంతో, వెండితెరపై రామ్ చరణ్ విధ్వంసాన్ని చూడటానికి అభిమానులు ఎంతో ఆసక్తిగా ఎదురుచూస్తున్నారు. ఆ విశేషాలు చూద్దాం..

డాల్బీ ఇమ్మర్సివ్ ఎక్స్‌పీరియెన్స్ - చరణ్ మాస్ అవతార్:

రామ్ చరణ్ తన కెరీర్‌లోనే అత్యంత భిన్నమైన పాత్రలో, పొడవైన జుట్టు మరియు గడ్డంతో ఒక పల్లెటూరి యువకుడిగా ‘పెద్ది’లో కనిపించబోతున్నారు. ఈ రగ్గడ్ అవతార్‌కు ఆస్కార్ విజేత ఏఆర్ రెహమాన్ అందించిన బ్యాక్‌గ్రౌండ్ స్కోర్ తోడైతే థియేటర్లు దద్దరిల్లడం ఖాయం. అందుకే ఈ సినిమాను డాల్బీ సినిమా ఫార్మాట్‌లో విడుదల చేస్తున్నట్టు సోషల్ మీడియా వేదిక గా మూవీ యూనిట్ తెలిపింది. అద్భుతమైన విజువల్స్ మరియు వెన్నులో వణుకు పుట్టించే సౌండ్ క్వాలిటీతో ప్రేక్షకులకు ఒక సరికొత్త సినిమాటిక్ అనుభూతిని అందించాలని చిత్ర యూనిట్ నిర్ణయించింది.

పాటల ప్రభంజనం - ఏప్రిల్ 30న గ్రాండ్ రిలీజ్:

ఇక ఇప్పటికే ఈ సినిమా నుంచి విడుదలైన ‘చికిరి చికిరి’ సాంగ్ యూట్యూబ్‌లో రికార్డులు సృష్టిస్తుండగా, తాజాగా వచ్చిన ‘రై రై రారా’ సాంగ్‌లో రామ్ చరణ్ వేసిన స్టెప్స్‌కు ఫ్యాన్స్ ఫిదా అవుతున్నారు. జానీ మాస్టర్ కొరియోగ్రఫీలో వచ్చిన ఈ పాటలు సినిమాపై హైప్‌ను ఆకాశానికి తీసుకెళ్లాయి. నిజానికి ఈ సినిమా మార్చిలో విడుదల కావాల్సి ఉన్నా, క్వాలిటీ విషయంలో రాజీ పడకుండా ఇప్పుడు ఏప్రిల్ 30, 2026న ప్రపంచవ్యాప్తంగా విడుదల కాబోతోంది. జాన్వీ కపూర్ కథానాయికగా నటిస్తున్న ఈ చిత్రంలో శివ రాజ్‌కుమార్, జగపతి బాబు వంటి హేమాహేమీలు కీలక పాత్రల్లో కనిపిస్తున్నారు.

సమ్మర్ బాక్సాఫీస్ వద్ద పెద్ది వేట:

సమ్మర్ సెలవుల సీజన్‌ను టార్గెట్ చేస్తూ ఏప్రిల్ 30న సోలోగా బాక్సాఫీస్ బరిలోకి దిగుతున్న ‘పెద్ది’కి భారీ ఓపెనింగ్స్ వచ్చే అవకాశం ఉంది. దాదాపు రూ. 300 కోట్ల ప్రి-రిలీజ్ బిజినెస్‌తో ట్రేడ్ వర్గాల్లో కూడా ఈ సినిమా హాట్ టాపిక్‌గా మారింది. ఇక కేవలం తెలుగులోనే కాకుండా పాన్ ఇండియా రేంజ్‌లో హిందీ, తమిళ, కన్నడ భాషల్లో కూడా ఈ చిత్రం భారీ ఎత్తున విడుదల కానుంది. మెగా పవర్ స్టార్ మాస్ పవర్ మరియు బుచ్చిబాబు ఎమోషనల్ మేకింగ్ కలిస్తే బాక్సాఫీస్ వద్ద రికార్డులు తిరగరాయడం ఖాయమనిపిస్తోంది. ఇక రామ్ చరణ్ ‘పెద్ది’ కేవలం ఒక సినిమా మాత్రమే కాదు, డాల్బీ సినిమా ఎక్స్‌పీరియెన్స్‌తో ఒక విజువల్ వండర్‌గా నిలవబోతోంది. ఏప్రిల్ 30న థియేటర్లలో ఈ యాక్షన్ డ్రామా ఎలాంటి ప్రభంజనం సృష్టిస్తుందో చూడాలి.