టాక్సీవాలా' భామ ఘాటు ఫోజులు..

టాలీవుడ్ బ్యూటీ ప్రియాంక జవాల్కర్ సోషల్ మీడియాలో మరోసారి సెగలు రేపుతోంది. తన గ్లామర్‌తో కుర్రకారును కట్టిపడేసే ఈ అచ్చతెలుగు చిన్నది, తాజాగా ఇన్‌స్టాగ్రామ్‌లో పెట్టిన ఫోటోలు ఇంటర్నెట్‌ను షేక్ చేస్తున్నాయి. వైట్ రిబ్బెడ్ టాప్‌లో మెరిసిపోతూ "ఐ యామ్ సచ్ ఏ గుడ్ గర్ల్" అంటూ ఆమె ఇచ్చిన క్యాప్షన్ ఇప్పుడు నెట్టింట హాట్ టాపిక్ గా మారింది. నిమిషాల్లోనే వైరల్ అయిన ఈ ఫోటోషూట్ విశేషాలు మీకోసం..

సోషల్ మీడియాను షేక్ చేస్తున్న 'గుడ్ గర్ల్':

తెలుగు తెరపై తనదైన ముద్ర వేసిన ప్రియాంక జవాల్కర్, ఇన్‌స్టాగ్రామ్‌లో చాలా యాక్టివ్‌గా ఉంటుంది. తాజాగా ఆమె షేర్ చేసిన ఫోటోల్లో 'వైట్ రిబ్బెడ్ స్కూప్-నెక్ టాప్' ధరించి చాలా స్టైలిష్‌గా కనిపిస్తోంది. మోచేతి వరకు ఉన్న స్లీవ్స్‌తో, ఆ వైట్ డ్రస్సులో ప్రియాంక సోయగం నెటిజన్లను కళ్లార్పకుండా చేస్తోంది. కేవలం ఫోటోలే కాదు, దానికి ఆమె జోడించిన "నేను చాలా మంచి అమ్మాయిని" అనే క్యాప్షన్ ఫ్యాన్స్‌ను విపరీతంగా ఆకర్షిస్తోంది.

అచ్చ తెలుగు అందం.. అనంతపురం టు ఇండస్ట్రీ:

ప్రియాంక జవాల్కర్ స్వస్థలం అనంతపురం. ఫ్యాషన్ డిజైనింగ్‌లో శిక్షణ పొందిన ఈమె, తన ఫోటోలను సోషల్ మీడియాలో షేర్ చేయడం ద్వారా ఇండస్ట్రీ వైపు రావటానికి తోలి అడుగు పడింది. 2017లో 'కలా వరం ఆయే' సినిమాతో కెరీర్ ప్రారంభించినా, 2018లో విజయ్ దేవరకొండ సరసన వచ్చిన 'టాక్సీవాలా' ఆమెకు భారీ బ్రేక్ ఇచ్చింది. ఇక ఆ సినిమాలో తన నటనతో పాటు గ్లామర్‌తోనూ యూత్‌లో విపరీతమైన క్రేజ్ సంపాదించుకుంది.

విభిన్న పాత్రలతో మెప్పించిన నటి:

'టాక్సీవాలా' సక్సెస్ తర్వాత ప్రియాంక వరుస అవకాశాలను అందుకుంది. సత్యదేవ్ సరసన తిమ్మరుసు, కిరణ్ అబ్బవరం పక్కన ఎస్.ఆర్. కళ్యాణమండపం వంటి చిత్రాల్లో నటించి మెప్పించింది. ముఖ్యంగా గమనం చిత్రంలో ఆమె నటనకు ఫిలింఫేర్ ఉత్తమ సహాయ నటి విభాగంలో నామినేషన్ కూడా దక్కింది. అంటే కేవలం గ్లామర్ మాత్రమే కాదు, నటనలోనూ తనకు తానే సాటి అని నిరూపించుకుంది.

ప్రస్తుతం ఏం చేస్తోంది?:

2024లో వచ్చిన బ్లాక్ బస్టర్ హిట్ 'టిల్లు స్క్వేర్'లో ప్రియాంక ఒక చిన్న అతిథి పాత్రలో కనిపించి సర్ప్రైజ్ చేసింది. ఆ సినిమాలో కాసేపు కనిపించినా తన గ్లామర్‌తో ఆకట్టుకుంది. ప్రస్తుతం మరిన్ని పెద్ద ప్రాజెక్టుల్లో అవకాశాల కోసం ఈ అనంతపురం బ్యూటీ ప్రయత్నిస్తోంది. ఇక సోషల్ మీడియాలో నిత్యం ట్రెండింగ్‌లో ఉంటూ దర్శకులను, ప్రేక్షకులను తన వైపు తిప్పుకుంటోంది.

నటిగానే కాకుండా ప్రియాంక జవాల్కర్‌కు ఫ్యాషన్ డిజైనింగ్‌లో మంచి అనుభవం వుంది, అందుకే ఆమె వేసుకునే డ్రెస్సులు చాలా విభిన్నంగా, ట్రెండీగా ఉంటాయి. తాజాగా వైరల్ అవుతున్న వైట్ టాప్ ఫోటోషూట్ కూడా ఆమె ఫ్యాషన్ సెన్స్‌కు నిదర్శనం. తెలుగు అమ్మాయిలు గ్లామర్ పరంగా ఎవరికీ తీసిపోరని ఈమె తన ప్రతి ఫోటోషూట్‌తో నిరూపిస్తూనే ఉంది.ప్రియాంక జవాల్కర్ పెట్టిన ఈ 'గుడ్ గర్ల్' పోస్ట్ కు లైకుల వర్షం కురుస్తోంది.

ఇక అచ్చతెలుగు అందాలు అరుదైపోతున్న ఈ కాలంలో, ప్రియాంక లాంటి నటీమణులు ఇండస్ట్రీలో రాణించడం విశేషం. మరి ఈ గ్లామరస్ పోస్ట్‌లు చూసిన తర్వాత అయినా మన డైరెక్టర్లు ఆమెకు మరిన్ని క్రేజీ ఆఫర్లు ఇస్తారేమో చూడాలి. ఏది ఏమైనా ప్రియాంక జవాల్కర్ లేటెస్ట్ లుక్ మాత్రం కుర్రాళ్ళ గుండెల్లో రైళ్లు పరిగెత్తిస్తోంది!