వీరమల్లుతో బాక్సాఫీస్ బద్దలు కొట్టనున్న పవన్ కళ్యాణ్

పవర్ స్టార్ పవన్ కళ్యాణ్ రాజకీయల కారణంగా కొంత కాలం సినిమాలకు దూరంగా ఉన్నారు. దాదాపు మూడేళ్ల గ్యాప్ తర్వాత ఆయన హరిహర వీరమల్లు సినిమాతో థియేటర్లలో సందడి చేయనున్నారు. జ్యోతికృష్ణ దర్శకత్వం వహించిన ఈ సినిమా జూలై 24న గ్రాండ్ గా రిలీజ్ కానుంది. కెరీర్ లో తొలిసారిగా పవన్ పీరియాడికల్ పాత్రలో కనిపించనున్నందన ఈ మూవీకి ఫుల్ హైప్ వచ్చింది.

అయితే ఈ సినిమా రేపు విడుదల కానున్నందున ఇప్పటికే అడ్వాన్స్ బుకింగ్స్ జోరందుకున్నాయి. ఓవర్సీస్ తోపాటు రెండు తెలుగు రాష్ట్రాల్లోనూ ప్రీమియర్ షోల పడనున్నాయి. పలు చోట్లు ఓపెనింగ్ డే టికెట్లు సోల్డ్ ఔట్ అయ్యాయి. ఇప్పటికే ఈ సినిమాకు ఫుల్ హైప్ రావడం వల్ల టికెట్లు హాట్ కేకుల్లా అమ్ముడవుతున్నాయి. దీంతో డిస్ట్రిబ్యూటర్లు, ఎగ్జిబిటర్ల మొహాల్లో నవ్వులు పూస్తున్నాయి.

మరోవైపు ఈ సినిమాకు భారీ ఓపెనింగ్ కలెక్షన్స్ ఇవ్వాలని మెగా అభిమానులు కంకణం కట్టుకున్నారు. అటు ఆయనే స్వయంగా ప్రమోషన్స్ లో దిగడంతో ఫుల్ బజ్ వచ్చింది. దీంతో ఈ సినిమాకు వచ్చిన హైప్ లో పవర్ స్టార్ కెరీర్ లోనే ఇది అత్యధిక ఓపెనింగ్స్ సాధించేలా కనిపిస్తోందని ట్రేడ్ వర్గాల పండితులు అంచనా వేస్తున్నారు. టికెట్ల అమ్మకాలలోనూ పవర్ స్టార్ క్రేజ్ కనిపిస్తోంది. చూడాలి మరి ఈ సినిమా ఓపెనింగ్ రోజు వసూళ్లు ఏ రేంజ్ లో ఉంటాయో.

కాగా, ఐదేళ్ల ముందే ఈ సినిమా ప్రారంభమైంది. ప్రముఖ దర్శకుడు క్రిష్ జాగర్లమూడి ఈ సినిమాను ప్రారంభించారు. ఆ తర్వాత పలు కారణాల వల్ల ఆయన తప్పుకోగా, జ్యోతికృష్ణ టేకోవర్ చేశారు. అనేక సార్లు వాయిదా పడుతూ వచ్చిన ఈ సినిమా రీసెంట్ గా పూర్తయ్యింది. కోహినూర్ వజ్రం, భారతీయ సంస్కృతి ఇథి వృత్తంగా ఇది తెరకెక్కింది. ఇక గురువారం నుంచి థియేటర్లలో సందడి చేయనుంది.

ఏ ఎమ్ రత్నం ఈ సినిమా సమర్పించగా, ఏ. దయాకర్ రావు ఈ చిత్రాన్ని నిర్మించారు. కీరవాణి సంగీతం అందించారు. నిధి అగర్వాల్ హీరోయిన్ గా నటించగా, బాలీవుడ్ నటుడు బాబీ దేవోల్ ఔరంగజేబు పాత్రలో కనిపించను్నారు.