అనిల్ క‌న్ఫ‌ర్మ్ చేసేశాడుగా!
| అనిల్ రావిపూడి రైటింగ్ కు చిరంజీవి లాంటి కామెడీ టైమింగ్ ఉన్న హీరో దొరికితే అవుట్‌పుట్ ఎలా ఉంటుందో చూడాలని అంద‌రూ ఎంతో ఆతృత‌గా ఎదురుచూస్తున్నారు.
టాలీవుడ్ మెగాస్టార్ చిరంజీవి ప్ర‌స్తుతం పలు ప్రాజెక్టుల‌తో బిజీగా ఉన్నారు. రీసెంట్ గానే విశ్వంభ‌ర సినిమాను పూర్తి చేసిన చిరూ, ఇప్పుడు హిట్ మెషీన్ అనిల్ రావిపూడి ద‌ర్శ‌కత్వంలో ఓ సినిమాను చేస్తున్న సంగ‌తి తెలిసిందే. మెగా157 వ‌ర్కింగ్ టైటిల్ తో తెర‌కెక్కుతున్న ఈ సినిమా కోసం అనిల్, చిరంజీవి మొద‌టిసారి జ‌ట్టు క‌ట్టగా, ఈ మూవీపై అంద‌రికీ భారీ అంచ‌నాలున్నాయి.
అనిల్ రావిపూడి రైటింగ్ కు చిరంజీవి లాంటి కామెడీ టైమింగ్ ఉన్న హీరో దొరికితే అవుట్‌పుట్ ఎలా ఉంటుందో చూడాలని అంద‌రూ ఎంతో ఆతృత‌గా ఎదురుచూస్తున్నారు. కామెడీ ఎంట‌ర్టైన‌ర్ గా రూపొందుతున్న ఈ సినిమాలో లేడీ సూప‌ర్ స్టార్ న‌య‌న‌తార హీరోయిన్ గా న‌టిస్తుండ‌టంతో పాటూ ఎప్పుడూ లేనిది ఆమెతో ఈ సినిమాకు ప్ర‌మోష‌న్స్ చేయించ‌డంతో మెగా157పై అంద‌రికీ స్పెష‌ల్ ఇంట్రెస్ట్ నెల‌కొంది.
అస‌లు పేరుతో..
మామూలుగానే సినిమాల‌ను ఎంతో వేగంగా పూర్తి చేసే అనిల్ రావిపూడి, మెగా157ను ఇంకాస్త వేగంగా పూర్తి చేస్తున్నారు. ఇప్ప‌టికే పలు షెడ్యూళ్ల‌ను పూర్తి చేసిన అనిల్ ఈ మూవీ గురించి రీసెంట్ గా ఓ చిన్న అప్డేట్ ఇచ్చారు. మెగా157లో చిరంజీవి పేరు శంక‌ర వ‌ర‌ప్ర‌సాద్ అని స్వ‌యంగా వెల్ల‌డించారు అనిల్. సినిమాల్లోకి రాక‌ముందు చిరంజీవి అస‌లు పేరు కూడా అదే అవ‌డం, ఆ పేరునే అనిల్ చిరూకి పెట్టి మంచి బ‌జ్ క్రియేట్ చేశారు.
స‌క్సెస్ పై నిర్మాత‌ల న‌మ్మ‌కం
అనిల్ వెల్ల‌డించిన ఈ విష‌యం ప్ర‌స్తుతం నెట్టింట వైరల్ అవ‌గా, ఈ సినిమా స‌క్సెస్ పై మేక‌ర్స్ చాలా కాన్ఫిడెంట్ గా ఉన్నారు. అయితే మెగా157లో చిరూ పేరు గురించి గ‌తంలోనే లీకులంద‌గా, ఇప్పుడు స్వ‌యంగా అనిలే ఆ పేరును రివీల్ చేయ‌డంతో క‌న్ఫ‌ర్మ్ అయింది. 2026 సంక్రాంతికి కానుక‌గా ఈ సినిమా ను రిలీజ్ చేయాల‌ని మేక‌ర్స్ ప్లాన్ చేస్తున్నారు. చిరూ బ‌ర్త్ డే సంద‌ర్భంగా ఆగ‌స్ట్ 22న ఈ సినిమాకు సంబంధించిన టైటిల్ తో పాటూ రిలీజ్ డేట్ అనౌన్స్ అయ్యే అవ‌కాశాలున్నాయి.