భ‌ర్త 'హాట్' ఫోటోలను షేర్ చేసిన న‌టి.. నెటిజనుల‌ ఫన్నీ ప్రశ్నలు!

బాలీవుడ్ స్టార్ కపుల్స్ అనగానే మనకు ముందుగా గుర్తొచ్చే జంటలలో కరీనా కపూర్ ఖాన్, సైఫ్ అలీ ఖాన్ ఒకరు. వీరిద్దరూ వెండితెరపైనే కాకుండా నిజ జీవితంలోనూ ఎంతో అన్యోన్యంగా ఉంటూ అభిమానులను అలరిస్తుంటారు. తాజాగా ఈ బాలీవుడ్ బ్యూటీ కరీనా కపూర్, తన భర్త సైఫ్ అలీ ఖాన్‌కు సంబంధించిన కొన్ని ఇంట్రెస్టింగ్ ఫోటోలను సోషల్ మీడియా వేదికగా షేర్ చేయ‌గా మరోసారి టాక్ ఆఫ్ ది టౌన్‌గా నిలిచారు.

కరీనా కపూర్ తన అధికారిక ఇన్‌స్టాగ్రామ్ ఖాతాలో తన భర్త సైఫ్ అలీ ఖాన్‌కు సంబంధించిన కొన్ని ఆకర్షణీయమైన ఫోటోలను పోస్ట్ చేశారు. ఎండ కాస్త ఎక్కువగా ఉన్న ఒక అందమైన బీచ్ లో సైఫ్ రిలాక్స్ అవుతూ, విహారయాత్రను ఎంజాయ్ చేస్తున్నట్లు ఈ ఫోటోలలో కనిపిస్తున్నారు. ఈ ఫోటోలను షేర్ చేస్తూ కరీనా తన భర్తను ఉద్దేశించి `హాట్ హస్బెండ్` అంటూ ప్రేమగా పెట్టిన క్యాప్షన్ ఇప్పుడు ఇంటర్నెట్‌ను ఊపేస్తోంది.

సోషల్ మీడియాలో ఈ ఫోటోలు ప్రత్యక్షమైన కొద్దిసేపటికే విపరీతంగా వైరల్ అయ్యాయి. ఈ ఫోటోలలో సైఫ్ అలీ ఖాన్ ఒంటరిగా కనిపించడంతో నెటిజన్లు - అభిమానులు కామెంట్ల సెక్షన్‌లో ఫన్నీగా ప్రశ్నల వర్షం కురిపించడం మొదలుపెట్టారు. ముఖ్యంగా కరీనా-సైఫ్ ల ముద్దుల కొడుకులైన తైమూర్, జెహ్ ఎక్కడంటూ సోషల్ మీడియా వేదికగా క్యూరియాసిటీతో అడుగుతున్నారు. మరి తైమూర్, జెహ్ ఎక్కడ ఉన్నారు? అని పలువురు నెటిజన్లు సరదాగా కామెంట్లు పెడుతున్నారు.

మరోవైపు యాభై ఏళ్లు దాటినా సైఫ్ అలీ ఖాన్ మెయింటైన్ చేస్తున్న బాడీ ఫిట్‌నెస్.. స్టైలిష్ లుక్‌పై ఫ్యాన్స్ ప్రశంసల వర్షం కురిపిస్తున్నారు. వయసు కేవలం అంకె మాత్రమేనని సైఫ్ నిరూపిస్తున్నారని నెటిజన్లు కొనియాడుతున్నారు. ఈ ఫోటోలను బట్టి పటౌడీ కుటుంబం ప్రస్తుతం తమ బిజీ షెడ్యూల్స్ నుంచి కాస్త విరామం తీసుకొని.. ఏదో ఒక ప్రైవేట్ లొకేషన్‌లో ఫ్యామిలీ వెకేషన్‌ను ఎంజాయ్ చేస్తున్నట్లు క్లియర్‌గా అర్థమవుతోంది.

పెళ్లయి ఇన్నేళ్లయినా.. ఇద్దరు పిల్లలు ఉన్నా కరీనా-సైఫ్‌ల మధ్య ఉన్న బాండింగ్, రొమాన్స్ , కెమిస్ట్రీని చూసి అభిమానులు మురిసిపోతున్నారు. వీరిద్దరిని పర్ఫెక్ట్ `కపుల్ గోల్స్` అంటూ నెటిజన్లు ట్యాగ్ చేస్తున్నారు. కరీనా చేసిన ఈ సింపుల్ అండ్ రొమాంటిక్ పోస్ట్ ఈ బాలీవుడ్ రాయల్ కపుల్‌ను సోషల్ మీడియా వేదిక‌పై మరోసారి ట్రెండింగ్‌లోకి తీసుకువచ్చింది.