జాన్వీ పాత్ర చుట్టూ కాంట్రవర్సీ… జయాబచ్చన్, కంగనా కామెంట్స్‌తో మరింత హీట్!

మెగా పవర్ స్టార్ రామ్ చరణ్ నటించిన 'పెద్ది' సినిమా బాక్సాఫీస్ వద్ద కలెక్షన్ల సునామీ సృష్టిస్తున్నప్పటికీ, హీరోయిన్ జాన్వీ కపూర్ పాత్రపై జరుగుతున్న వివాదం మాత్రం అస్సలు తగ్గడం లేదు. ఈ సినిమాలో ఆమె క్యారెక్టరైజేషన్, గ్లామర్ షోపై ఇప్పటికే సోషల్ మీడియాలో ట్రోల్స్ వస్తుండగా.. తాజాగా బాలీవుడ్ సీనియర్ నటి జయాబచ్చన్, ఫైర్ బ్రాండ్ కంగనా రనౌత్ స్పందించిన తీరు ఈ వివాదాన్ని మరింత రాజేసింది. అసలు ఈ రచ్చ ఏంటి? వారిద్దరూ ఏమన్నారనే ఇంట్రెస్టింగ్ విషయాలు ఇప్పుడు చూద్దాం..

జయాబచ్చన్ ఘాటు వ్యాఖ్యలు:

'పెద్ది' సినిమాలో జాన్వీ కపూర్ పాత్రను డిజైన్ చేసిన విధానంపై జయాబచ్చన్ తీవ్ర అసంతృప్తి వ్యక్తం చేశారు. సినిమాల్లో మహిళలను కేవలం ఒక వస్తువులా చూపించడాన్ని ఆమె తప్పుబట్టారు. ఈ సందర్భంగా తన కెరీర్ లో జరిగిన ఒక పాత సంఘటనను గుర్తు చేసుకుంటూ.. "గతంలో ఒక డైరెక్టర్ నన్ను కూడా ఇలాగే వస్తువులా చూపించాలని చూశాడు. కానీ నేను గట్టిగా బదులివ్వడంతో వెనక్కి తగ్గాడు. ఆ తర్వాత నేను అతడితో ఎప్పుడూ పని చేయలేదు" అంటూ ఘాటుగా కామెంట్స్ చేశారు.

జాన్వీ బోల్డ్ సీన్లపై కంగనా రియాక్షన్:

ఇదే వివాదంపై బాలీవుడ్ క్వీన్ కంగనా రనౌత్ కూడా తనదైన శైలిలో స్పందించారు. సినిమాల్లో మహిళలను మితిమీరిన గ్లామరస్‌గా చూపించడంపై అభ్యంతరాలు ఉంటే.. హీరోయిన్లు ధైర్యంగా ఆ విషయాన్ని ముందే మేకర్స్‌కు చెప్పాలని ఆమె సూచించారు. "దర్శకులు ఎవరూ కూడా ఉద్దేశపూర్వకంగా తప్పు చేయరు. మన ఫీలింగ్స్ ఏంటో వారికి స్పష్టంగా చెబితే వారు కచ్చితంగా అర్థం చేసుకుంటారు" అంటూ కంగనా హీరోయిన్ల బాధ్యతను గుర్తు చేశారు.

కథలో లేని జాన్వీ.. కేవలం గ్లామర్‌కేనా?:

జూన్ 4న విడుదలైన ఈ సినిమాలో రామ్ చరణ్ నటనకు వందకు వంద మార్కులు పడుతున్నా, జాన్వీ పాత్ర విషయంలో మాత్రం ఆడియన్స్ పెదవి విరుస్తున్నారు. ఇక అసలు కథలో ఆమె పాత్రకు ఎలాంటి ప్రాధాన్యత లేదని, కేవలం అక్కడక్కడా కనిపిస్తూ అందాల ఆరబోతకే పరిమితం చేశారని నెటిజన్లు విమర్శిస్తున్నారు. ఇక ఆమె పాత్ర లేకపోయినా సినిమా కథ హ్యాపీగా సాగిపోయేదని, కేవలం కమర్షియల్ ఎలిమెంట్స్ కోసమే జాన్వీని వాడుకున్నారని థియేటర్ల నుంచి టాక్ వస్తోంది.

కలెక్షన్ల పరంగా 'పెద్ది' సినిమా దూసుకుపోతున్నా, హీరోయిన్ పాత్రను చూపించిన విధానంపై వస్తున్న విమర్శలు దర్శకుడు బుచ్చిబాబుకు ఒక మైనస్ పాయింట్‌గా మారాయి. జయాబచ్చన్, కంగనా రనౌత్ లాంటి స్టార్ హీరోయిన్లు ఈ విషయంపై పబ్లిక్‌గా భిన్న కోణాల్లో రియాక్ట్ అవ్వడంతో ఈ కాంట్రవర్సీ నేషనల్ లెవెల్‌కు వెళ్ళింది. మరి ఇక ఈ నెగిటివిటీపై రాబోయే రోజుల్లో చిత్ర యూనిట్ గానీ, స్వయంగా జాన్వీ కపూర్ గానీ ఎలా రెస్పాండ్ అవుతారో చూడాలి