హరిహర వీరమల్లు.. మొత్తానికి సెన్సార్ పనైపోయింది!

పవర్ స్టార్ పవన్ కళ్యాణ్ నటిస్తున్న పీరియాడిక్ యాక్షన్ ఎపిక్ హరిహర వీరమల్లు పార్ట్ 1: స్వోర్డ్ vs స్పిరిట్ సినిమాపై భారీ అంచనాలు నెలకొన్న విషయం తెలిసిందే. దర్శకుడు జ్యోతికృష్ణ తెరకెక్కించిన ఈ చిత్రాన్ని మొదట క్రిష్ జాగర్లమూడి స్టార్ట్ చేశారు. ఇక పవన్ కళ్యాణ్ ఎప్పుడూ చూడని డిఫరెంట్ అవతార్‌లో కనిపించబోతున్న ఈ సినిమా కోసం ఫ్యాన్స్ కి మాత్రమే కాకుండా టాలీవుడ్ మొత్తం కూడా ఆసక్తిగా ఎదురుచూస్తోంది. పవన్ పాత్ర మొఘల్ సామ్రాజ్యానికి ఎదురుతిరిగే ఫ్రీడమ్ ఫైటర్ గా, వీరుడు అనే యాంగిల్‌లో ఉండగా, కథలో చారిత్రక నేపథ్యం, కల్పితమైన ఎలిమెంట్స్‌ ఉంటాయని మేకర్స్ చెబుతున్నారు.

ఈ సినిమా ట్రైలర్‌ను ఇటీవల విడుదల చేశారు. అందులో పవన్ ఎనర్జీ, డైలాగ్ డెలివరీ, యాక్షన్, వేషధారణ, గ్రాఫిక్స్ అన్నీ ప్రేక్షకులను ఆకట్టుకున్నాయి. హరిహర వీరమల్లుగా పవన్ కళ్యాణ్ తలవంచకుండా నిలబడిన షాట్లు ఇప్పుడు సోషల్ మీడియాలో వైరల్ అయ్యాయి. పవన్ డైలాగ్‌కి థియేటర్లలో టెంపోలు దద్దరిల్లేలా చేస్తుందని అభిమానులు భావిస్తున్నారు.

తాజాగా ఈ సినిమా సెన్సార్ కార్యక్రమాలు పూర్తయ్యాయి. సెన్సార్ బోర్డు నుంచి U/A సర్టిఫికేట్ ను పొందింది. దాంతో సినిమా విడుదలకు ఇక ఎలాంటి అడ్డంకి లేదు. జూలై 24న ఈ పీరియాడిక్ యాక్షన్ ఎపిక్ ప్రపంచవ్యాప్తంగా థియేటర్లలో విడుదల కానుంది. బెనిఫిట్ షోలు, ప్రీమియర్ షోలు విషయంలో కూడా ప్లానింగ్ మొదలైందని సమాచారం. పవన్ కళ్యాణ్ రాజకీయంగా బిజీగా ఉన్నా.. ఈ సినిమా ప్రమోషన్లలో నేరుగా పాల్గొనాలన్న ఆలోచన చేస్తున్నట్టు వినిపిస్తోంది.

ఇక సినిమాకు సంబంధించిన టెక్నికల్ టీమ్ విషయంలో చూస్తే.. సంగీతాన్ని ఎంఎం కీరవాణి అందించారు. విజువల్స్‌ను మణోజ్ పరమహంస అద్భుతంగా తీర్చిదిద్దారు. ఎడిటింగ్, గ్రాఫిక్స్ కూడా హై స్టాండర్డ్‌లో ఉంటాయని ట్రైలర్‌ చూస్తే అర్థమవుతోంది. బాబీ డియోల్, నిధి అగర్వాల్ లాంటి స్టార్లు కీలక పాత్రల్లో నటిస్తున్నారు.

ఫిల్మ్‌ నగర్ వర్గాల సమాచారం ప్రకారం థియేట్రికల్ బిజినెస్ భారీగా జరుగుతోందట. ట్రేడ్ సర్కిల్స్ అంచనా ప్రకారం ఏపీ-తెలంగాణ కలిపి 140 కోట్ల పైగా బిజినెస్‌ చేసేందుకు ప్లాన్ చేస్తున్నారు. సినిమా మీద క్రేజ్ ఉన్నప్పటికీ, కొన్ని ఏరియాల డీల్స్ ఇంకా ఫైనల్ కాలేదట. కానీ విడుదల తేదీ దగ్గర పడుతుండటంతో త్వరలోనే అన్ని విషయాలు క్లియర్ అవుతాయని సమాచారం.

మొత్తంగా చూస్తే, హరిహర వీరమల్లు సినిమాకు సంబంధించిన పనులు పూర్తయ్యాయి. సెన్సార్ క్లియర్ కావడంతో రిలీజ్ ఫిక్స్ అయింది. భారీ హైప్‌తో జూలై 24న థియేటర్లలో విడుదల కానున్న ఈ చిత్రం.. పవన్ కళ్యాణ్ నటనతో, కీరవాణి సంగీతంతో, గ్రాండ్ విజువల్స్‌తో ప్రేక్షకులను మంత్రముగ్దుల చేయడం ఖాయం. ఇక బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలి.